Yer. 17:12 - Ebaibul

¹² “Okoe Akai ka Akuj ŋina erae ekicoloŋ ŋolo ka apolou a Ekapolon, ikitopolooritae iyoŋ ŋinapei anakisyakinet, iyoŋ irae akibois kosi ŋina asegan!

Yer. 17:12 Iomraidhean Croise

Ŋikiru. 103:19

Ewuak Ekapolon nakuj erae neni ipukator iŋes; iŋes erae ekepukan a daadaŋ.

Ŋikiru. 96:6

Erae iŋes ŋolo itopolooritae ka eiliili apolou keŋ nooi; eyakasi nakibois keŋ ŋina asegan agogoŋu ka akibuses.

Isa. 6:1

Alokaru a ŋolo atwania erwosit Usia, abu ayoŋ eŋolik Ekapolon iboi alokicoloŋ keŋ a ŋolo ka apukan, ikiara ka itopolooritae, ileleba ekaaso keŋ Kai ka Akuj daadaŋ.

Isa. 66:1

Ŋakiro ŋuna irworo Ekapolon ikes nu, “Erae nakuj neni epukator ayoŋ ka erae akwap neni ecakit ayoŋ; Akai ŋina ikoni ai ikidukokinete iyes ayoŋ, ai eyai neni kieŋunet kaŋ?

Yer. 14:21

Aŋuna a ekiro kon, nyikijamuwa isua, nyisirum ŋileec etaun kon, Yerusalem neni eyai ekicoloŋ kon ŋolo ka apolou, totamu ŋakiikineta kon, ido nyilema acamunet kon ka isua.

Yer. 3:17

Apaki ŋin, enyarao Yerusalem etaun ŋolo ipukator Ekapolon, ido ecununosi ŋituŋa a ŋakwapin Yerusalem, ecununosi ikes Yerusalem kiŋaren Ekapolon, nyerubakinete nabo ikes iwuapito akisyanu kec ŋina aronon.

Esek. 1:26

Yaye ariwo ŋina ayai kidiama ŋakyes kec, ayai ibore ŋini ekwaan ka ekicoloŋ ŋolo ka apolou, atakani itiyaunitae a amoru a ŋinapus a ŋina enyaritae Sapire. Eboi alokicoloŋ a ŋol etorube ŋolo ekwaan ka ŋolo a ituŋanan.

Esek. 43:7

Abala ituŋanan ŋin neni kaŋ, “Lokoku a ituŋanan, erae na akibois ŋina eyai ekicoloŋ ŋolo ka apolou kaŋ ka neni ewuakinit ayoŋ ŋakejen kaŋ. Erae ne neni eboikin ayoŋ oruko ka Ŋisirael ŋikaru ka ŋikaru. Nyemunaarete nabo Ŋisirael ekiro kaŋ ŋolo asegan, nyitiyakinete ikes, kori ŋirwosi kec ŋun anakilip neni a ŋakujo a ŋace, kori anakinuk ŋawat a ŋirwosi kec nakibois na.

Mat. 25:31

“Ŋina ebunio Lokoku a Ituŋanan erae Erwosit erukito ka ŋimalaikan, iboikin lokicoloŋ keŋ ŋolo ka apedor.

Ŋibur. 12:2

Orubakisi ikite Yesu ŋolo erae neni keŋ ebunitor anupit yok daadaŋ, ŋolo ilelebikini anupit yok. Abu iŋes todaŋ atwanare alomusalaba, nyemitak ŋileec, anerae apol alelyan ŋina edarit iŋes. Iboi tokona alowae a ŋolo aloteten ekicoloŋ ŋolo ka Akuj.

Ŋibur. 4:16

Otitinyoto nai tokona iwon, oloto neni ka Akuj a ŋina ipukat ka ajokis, ikotere ikiryamuni akisyon ka ajokis, ikiŋarakis iwon apaki ŋina ka akiitanit.

Akis. 3:21

Iŋes ŋini ilouni, ainakini apedor, akiboikin ka ayoŋ lokicoloŋ kaŋ, ikwapei abunio ayoŋ daŋ elounia eboikinotor ka Papa kaŋ lokicoloŋ keŋ.