Yer. 17:11 - Ebaibul

¹¹ Ikwaan ŋini ecuni abaru alorotin a ŋulu nyiyookino ka ikenyit ŋini ebekuni ŋabeyei ŋuna pa arae iŋes auruuni, edaun abaru ŋin apaki ŋina eapuunia iŋes amojoŋ, ani ekaku, eruwor ituŋanan ŋin ibaŋaanot.

Yer. 17:11 Iomraidhean Croise

Yob 20:21

Emam ibore apiyanununeete ikes kedaut akimuj, aŋun, nyerubakini abaru kec eyai.

Ŋikiru. 49:13

Ŋakiro ŋun ikes eryamunete ŋituŋa ŋulu ikinyoma make ka ŋulu enupito ŋakiro ŋuna irworosi ŋituŋa ŋul.

Ŋikiru. 55:23

Nai iyoŋ, okoe Akuj itolomari ŋulu aronok kwap. Nyepedorete ŋikaarak ka ŋimodiyanot akiyar, todolo atutubet apei ŋina ka akiyar kec. Nai ani eruwor ayoŋ, ekekinyomi iyoŋ.

Ŋakit. 13:11

Ebari ŋolo eryamunio ka atipei, eŋopiyari atipei, nai ikes ŋulu iasete ebari kec iwadio, iwadio, iatakinete ebari kec tolalaar.

Ŋakit. 15:27

Epedori ituŋanan ŋini erorokana ayaun ŋican lotuŋa a ekal keŋ, nai eyari ituŋanan ŋini nyecamit ŋakaluŋuluŋui.

Ŋakit. 21:6

Ebari ŋolo eryamuni ituŋanan anakirworo alyokonu, eŋopiyari apaki ŋina euruwuana. nai isyauni mono ebari ŋol arikor iyoŋ napipilu ŋina ka atwanare.

Ŋakit. 23:5

Epedori ebari kon apuripuryaar ite iyoŋ, epuripuryaar atipei esibit kepena ŋabebenuk ŋuna epororya ikwa egole.

Ŋakit. 28:16

Ekepukan ŋolo eryenyaana, emamukar ayenut, nai ituŋanan ŋini nyecamit ibore ŋini edemunitae ŋinice, eyakaun nakiyar ŋina aoyan ŋina ka alelyanu.

Ŋakit. 28:20

Ituŋanan ŋini eyakar anupit, eryamuni ŋarereŋisyo ŋuna alalak nooi, nai ituŋanan ŋini ibunya atemar kerae obar, nyebucar aryamun akisicanio.

Ŋakit. 28:22

Ituŋanan ŋini eseguwana, iwarit atemar kerae obar atipei, ido nyeyeni iŋes atemar epedori tari akulyako daŋ akikirikiriun neni keŋ.

Ŋakit. 28:8

Ituŋanan ŋini iasi egyelit a ŋiboro keŋ aryamunia epoida ŋolo alalan, eryamununui ituŋanan ŋin epoida ŋol aŋuna a ituŋanan a ŋini erimaana aneni a ŋikulyak.

Yer. 22:13

“Ekaŋ iyoŋ ituŋanan ŋini iduki akai keŋ anamamukau akiyookino ka kiyat ŋagulei keŋ ŋuna alokidiama anamamukau akiyookino. Ekaŋ iyoŋ ituŋanan ŋini isitiyae ŋikidunyet kon pa itaci, pa inanakini ikes etacit kec.

Yer. 22:17

Nai eyenete ŋakonyen kon ka etau kon epite ŋolo ebarere anamodiyo bon; ido iari iyoŋ ŋulu emam asecit itiyato ka itiyae ŋuna ka aryenyeo ka akisicanit ŋulucetuŋa.

Yer. 6:13

Ameun aneni a ŋulu itopolooritae ka ŋulucaryo, ecamit ŋinituŋanan akitiya ŋuna nyiyookino, ido ameun aneni a ŋikadwarak ka ŋisacaradotin itiyae ŋinituŋanan ŋuna ka alyokonu.

Yer. 8:10

Aŋun, ainakini ayoŋ ŋaberu kec neni a ŋituŋa a ŋice ka ainakini ŋimanikorin kec neni a ŋulu ilounete ikes alojie, anerae itiyaete ŋituŋa daadaŋ ŋuna nyiyookino, ŋulu apolok ka ŋulucaryo, ameun alokadwarak tari losacaradotin itiyaete daadaŋ ŋuna ka alyokonu.

Amos 3:10

Alimu Ekapolon Akuj ŋakiro nu ebe, “Nyeyenete ikes akitiya ŋuna iyookino, eryenyaanikinito ŋulu iboiyete anakais a ŋuna ka apukan ŋituŋa ka eŋatanarete ŋiboro kec.”

Mika 2:9

Iritanarete iyes ŋaberu a ŋituŋa kaŋ alorerya kec a ŋulu ajokak. Ilemasi iyes jik ŋarereŋisyo ŋuna ainakinit ayoŋ ŋidwe a ŋituŋa kaŋ.

Mika 7:3

Ayenikis ŋakan kec nooi akitiya aronis; iŋitasi ŋikapolok ka ŋikatubok ŋakiro ŋakaluŋuluŋui, ereanakinete ŋulu eyakatar apedor ŋuluce akitiya ŋuna ecamito ikes; aŋun, aoliyosi ikes daadaŋ anakiyookino.

Sepan. 1:9

Esicani ayoŋ akoloŋit ŋin daadaŋ ŋulu ilipete neni a ŋakujo car, ŋulu ilelebete ŋakais a ŋakujo kec ŋiboro ŋulu edemyo ŋituŋa ka aryenyeo ta amodiyo.

Sakar 5:4

Alimu Ekapolon ŋolo Etiron ŋakiro nu ebe, ‘Eyakiyari ayoŋ ŋicen ŋul, ido epete ŋicen ŋul kai a ŋolokokolan ka kai a ŋini ikoŋi alyokonu alokiro kaŋ. Erubakinete ŋicen ŋul anakais a ŋul, ido emunaarete ŋakito kaapei ka ŋamoru a ŋakais kec.’ ”

Mal. 3:5

Ebala Ekapolon ŋolo Etiron, “Abuni ayoŋ neni kus atubokin iyes, ido alimuni ayoŋ atipei ŋakiro ŋuna etoroniyaritor ŋikekukujak, ŋikalomak, ŋikalyokonok, ŋiketunak ŋulu itunaete ŋiropito a ŋiketiyak kec, ŋikamodyanakinak ŋulu emodiyanarete ŋiboro anapuseru, alokokyok ka alotuŋa a ŋulugelae. Alimuni ayoŋ atipei ŋakiro ŋuna etoroniyaritor daadaŋ ŋulu nyakakerito ayoŋ.

Mat. 23:13

“Nai ekaŋ iyes ŋiketatamak a Ŋikisila ka Ŋiparisayon! Ŋikaŋisoswae! Igolokis iyes ekek ŋolo ka Apukan a ŋina anakuj alokiŋaren ŋituŋa, anerae nyilomarete iyes ŋilopeyek ka iretakis ŋulu acamito alomar tooma. [

Luk. 12:20

Nai tolimok Akuj iŋes tema, ‘Iyoŋ ebaŋaanot! Lolo nakwaare iitanio akiyar kon; ŋae irumi ŋiboro daadaŋ ŋulu icunit iyoŋ aŋuna ka akonikiyar?’ ”

1 Tim. 6:9

Nai ikes ŋulu ecamito aruwor ŋikabarak elomarete nakitemyo ka ikamunete ŋaloketa ŋuna ke ekibure a ŋolo ka abaŋao a ŋolo awanan, ŋuna isibusokinete ikes toryamut ŋican ka akinyasuno.

Tito 1:11

Emaikina kiretakinae ikes alorwor kec, anerae eguryakis ikes ŋikalya daadaŋ, aŋuna itatamyata ŋakiro ŋuna nyitemokino kitatamae. Itatamete ikes ŋakiro ŋun aŋuna ca ka aryamunia ŋisiliŋa.

2 Pet. 2:14

Emam icebore ŋini eminasi ikes akilo ŋaberu ŋuna emalaaka; nyedipanakin ekibure kec ŋolo ka asecenen. Icocoiyanarete ikes ŋituŋa ŋulu epalag alotai naloc. Itatamitae ŋitai kec arorokanut! Ilamit Akuj ikes!

2 Pet. 2:3

Aŋuna ka arorokanut kec, eryamunete ŋiketatamak lu epoida aloemuto a ŋulu isudete ikes. Adol tokona apaki ŋina aoyan etenit ekatubokinan kec ka nyejotoe ekamunyaran kec!