Yer. 16:7 - Ebaibul

⁷ Mam ituŋanan elemuni akimuj aŋuna ka akisirworiun ŋini igworo; kori mam ŋini einakini idiobore ŋinimatat aŋuna ka akisirworiun ikes aŋuna ka atwanare a papa, kori a toto kec.

Yer. 16:7 Iomraidhean Croise

Yob 42:11

Ekaku, potu neni a Yob ŋikaitotoi keŋ, ŋakaitotoi keŋ ka daadaŋ ŋulu sek ayenete iŋes, kimuja kaapei ka iŋes alokai keŋ. Apotu kitoodiut akiyaloloŋ ŋina sek ayakatar ikes aŋuna a Yob ka apotu kisirworiut iŋes aŋuna ka aronis a daadaŋ a ŋina abu Ekapolon yau neni keŋ abu ŋinituŋanan alotooma ŋul inak Yob ŋidisiliŋa ka ekaboboot ŋolo etiyaunitae a egolid.

Ekal. 4:1

Abu nabo ayoŋ oŋoleŋolek, eŋolik epite daadaŋ ŋolo atiŋitere ŋituŋa anakwap a na erono. Abu ayoŋ eŋolik ŋakiyo a ŋulu atiŋitae erono, amamukatar ikes ituŋanan ŋini isirworiuni ikes; ayai apedori neni a ŋulu ainakinito ŋican neni kec, mam ituŋanan arae ikesirworiunan ŋulu atiŋitae erono ŋul.

Yer. 22:10

“Okoe ŋituŋa a Yudaya, nyigworo aŋuna a erwosit Yosia, kori nyigworo aŋuna atwania iŋes; emaikina iyes kigworo aŋuna a ŋini arikor iwace, anerae nyeboŋuni iŋes nabo akiŋolikin akwap keŋ.”

Aum. 1:9

Ileere jik asiilyo a ŋituŋa a Yerusalem, nai apotu ikes nyitiyata ŋadi akiretakinia ŋican aneni kec. Arono nooi akinyasuno kec, mam ituŋanan epedori akisirworiun ŋituŋa a Yerusalem. Ebasi ŋituŋa keŋ, “Okoe Ekapolon, kiŋolik kareca ŋican ŋulu eryamunitae isua, anerae ikilout isua ŋimoe kosi.”

Esek. 24:17

Igeuni iyoŋ akisuta, nai meere ŋina epupo; nyigwor aŋuna a ŋikatwak. Kimyek akopiya kon eenikina nakou ka ŋamuk kon eenikina nakejen; nyirap kwap ereet kon, kori nyinyam akimuj ŋina enyamete ŋikegworok.

Osea 9:4

Nyepedorete ikes ainakin ŋainakineta ŋuna a epiini neni ke Ekapolon, nyitalakarete ŋamuronisya kec iŋes, ikwaanikin ŋamuronisya ŋun aneni kec ka akiriŋ ŋina ka apunyas, ŋituŋa daadaŋ ŋulu enyamete akiriŋ a ŋamuronisya a ŋun itoroniyaryo ikes, anerae eruwor akimuj ŋin ŋina kec, nyemaikina yaunae Kai ke Ekapolon.

Ŋikis. 26:14

Nyenyama isua adio a atutubet a ŋina italeoritae, nyinyama isua ikes, apaki ŋina egworore, nyelemara isua ikes apaki ŋina ikitoroniyaritere, nyeinakina isua ikes adio erae ainakinet neni a ŋikatwak. Ewuapi isua ŋakiro ŋuna ke Ekapolon Akuj kosi, etiyae daadaŋ ŋuna ikicik iŋes isua akitiya.