Yer. 16:5 - Ebaibul

⁵ “Nyiloma kai ŋina igworore ituŋanan ŋini etwanit, kori nyilot nen akiwolol, kori akigwor aŋuna kec, anerae alema ayoŋ ekisil kaŋ aneni a ŋituŋa a lu, alema ayoŋ aneni kec amina kaŋ ŋina nyiryaŋiryaŋa ka akisyon kaŋ.

Yer. 16:5 Iomraidhean Croise

Ŋikiru. 25:6

Okoe Ekapolon, totamunite akisyon kon ŋina apolon ka amina kon ŋina nyiryaŋiryaŋa, anerae itoodiunit iyoŋ ŋun neni kosi ŋinapei koloŋ.

Isa. 27:11

Ani eokete ŋaten a ŋikito a ŋulu eya nen, ebilibiliunio kwap; potu nai ŋaberu yaasi kinokakiniata akim. Anerae erae ŋul ŋituŋa ŋulu emam ayenut; aŋun nyisyoni ikes Akuj ŋina asubuni ikes, kori nyitiyae ŋakiro ŋadi ŋuna ajokak neni kec.

Yer. 12:12

Aponito ŋituŋa ŋulu enyasut akwap kaŋ alokamukumukui a ŋulu ka aloŋisat, anerae ikimunyari ekileŋ a Ekapolon ameun alowae ka akwap ke epei tari ŋoloce; mam ituŋanan eiun.

Yer. 13:14

Etidiŋakini ayoŋ ikes make, ediŋakinosi ŋikauryak ka ŋidwe kec, kori nyaiuni idio tuŋanan apaki ŋina abunio ayoŋ amunyar ikes.’ ”

Yer. 16:13

Aŋun, ekeritari ayoŋ iyes anakwap a na nakwap ŋina sek nyiyenete iyes, kori atapapaa kus, ido kitiyanakis a nen ŋakujo ŋace naparan ka nakwaare, anerae mam akisyon eketoodikini ayoŋ iyes.’ ”

Aum. 3:17

Alemar ekisil aneni kaŋ; ekemuryak ayoŋ ibore ŋini erae alakara.

Sakar 8:10

Ani eriŋa apaki ŋin nyedolo, mam ituŋanan apedorit aryamun ŋisiliŋa ŋulu kipaŋgaet ŋituŋa, kori ŋibaren, ido mam ituŋanan ayakar akinapakina, anerae abu ayoŋ eturuwo ŋituŋa ŋulu imanan make.

Ŋikis. 31:17

Ani itiyakinete ikes ŋun, aŋoikini ayoŋ ikes akoloŋit ŋinapei ŋin. Aŋeri ayoŋ ikes, ido ewa ereet kaŋ aneni kec, emunyaryo ikes ka atipei, edolokinete ŋican ŋulu aronok nooi ikes. Akoloŋit ŋin etemarete ikes, ‘Meere mono aŋuna nyeyakar Ekapolon Akuj yok kaapei ka iwon, iŋes atakanuniata ŋican lu neni yok a?’

Akis. 6:4

Tolomu aŋole ace ŋina areŋan. Aponi inakinae ekameton keŋ apedor ŋina lemaret ekisil anakwap, ikotere toaras ŋituŋa make. Aponi inakinae iŋes atum ŋina apolon.