Yer. 16:17 - Ebaibul

¹⁷ anerae ete ayoŋ daadaŋ ŋuna iwuapito ikes; nyeŋopito ikes aneni ayai ayoŋ, ŋiticisyo kec daŋ ŋulu aronok nyililiŋiyaritae, ayeni ayoŋ.

Yer. 16:17 Iomraidhean Croise

2 Ŋakiro a ŋirwa 16:9

Ite Ekapolon akwap daadaŋ ka einakini agogoŋu neni a ŋulu eyarikinito neni keŋ. Itiya iyoŋ ŋuna ka abaŋao, ageun tokona tari moi jik, erubakinete ŋimoe ikitijiete iyoŋ.”

Yob 10:14

Ani aseci ayoŋ, ikite iyoŋ ayoŋ etiyae ŋun, ido nyikilema ayoŋ aŋuna a adyekaret kaŋ.

Yob 31:4

Nyite mono Akuj ŋakiro daadaŋ ŋuna etiyae ayoŋ a? Nyimarit mono Akuj ŋikilames kaŋ daadaŋ a?

Ŋikiru. 109:15

Emaikina nyimuryakis Ekapolon ŋasecisya keŋ jik, emaikina nyetamun ikes anakwap a na;

Ŋikiru. 139:3

Iyeni ŋuna etiyae ayoŋ aneni alosi daadaŋ, iyeni iyoŋ tari ŋuna etiyae ayoŋ eeŋuni iyeni iyoŋ ŋakiro kaŋ daadaŋ.

Ŋikiru. 33:15

Ekapolon iŋes asubuni ŋitai a ŋituŋa a daadaŋ. Ekapolon iŋes eyeni ŋiticisyo daadaŋ ŋulu itiyaete ŋituŋa.

Ŋikiru. 51:9

Kisyoni ayoŋ ŋasecisya kaŋ, kikisa aronis kaŋ daadaŋ.

Ŋikiru. 90:8

Ileerete aneni kon ŋasecisya kosi, ite iyoŋ tari ŋasecisya kosi ŋuna ikitiyae isua anakimunono.

Ŋakit. 15:3

Ite Ekapolon ŋuna itiyao a ŋinakibois a daadaŋ, ite Ekapolon ŋuna itiyao iwon, kerae ŋuna aronok, kori ŋuna ajokak.

Ŋakit. 5:21

Ite Ekapolon ŋakiro daadaŋ ŋuna itiyaete ŋituŋa, neni daadaŋ itorete ikes, eripiripi Ekapolon.

Isa. 29:15

Ekaŋ iyes ŋulu iwuaito nooi aneni ke Ekapolon ŋakiro ŋuna iyeete akitiya, iyes ŋulu itiyaete ŋakiro kus anakiryonut, iyes ŋulu ibasi, “Ŋae mono ikite iwon? Ŋae mono ikiyeni iwon?”

Isa. 66:18

Ebala Ekapolon, “Ayeni ayoŋ ŋiticisyo ka ŋatameta kec, ido abuni ayoŋ acunakin ŋituŋa a ŋakwapin a daadaŋ ka a ŋaŋajepa a daadaŋ, epote ikes ka iŋolikinete apolou kaŋ.

Yer. 2:22

Tari kiloŋanarosi iyes ke esabuni ka kisitiyaete esabuni ŋolo alalan nooi, eriŋa ayoŋ ete ekaile aneni kus ŋolo ka asecit.

Yer. 23:24

Ataŋae epedorete akiŋop anakiboisyo a ŋuna imunono ikotere nyeŋolik ayoŋ ikes? Nyayai mono ayoŋ nakuj ka nakwap a?

Yer. 29:23

anerae etiyata ikes ŋuna aronok nooi alo Isirael, apotu toloma ŋaberu a ŋikidunyet kec, erworo alokiro kaŋ ŋakiro ŋuna ka alyokonu, ŋakiro ŋuna nyelimokina ayoŋ ikes, ayoŋ ayeni ka arae esuuda a ŋakiro kec.”

Yer. 32:19

iloit iyoŋ daadaŋ anakitatam ka aloticisyo, ite iyoŋ ŋuna daadaŋ itiyaete ŋituŋa ka itaci iyoŋ ŋinituŋanan lopite ŋolo eyakatar ŋuna iwuapit iŋes ka lopite ŋolo itiyatotor ikes ŋiticisyo kec.

Yer. 7:11

Aruwor mono itete iyes Akai na ŋina enyaritere a ekiro kaŋ neni eŋopitotor ŋikokolak a? Toyenete atemar ete ayoŋ daŋ ŋun.

Esek. 8:12

Tema Akuj neni kaŋ, “Lokoku a ituŋanan, iŋolik iyoŋ ŋuna itiyaete ŋikasikou a Ŋisirael anakimunono a? Iŋolik iyoŋ ŋuna itiyae ŋinituŋanan alokai keŋ a ŋina eyakasi ŋitorubei a? Ebasi ikes ebe, ‘Mam nyikite iwon Ekapolon, nyeriŋa Ekapolon etamunit akwap yok.’ ”

Esek. 9:9

Abu Akuj okoboŋok ayoŋ tema, “Epol nooi asecit ŋina itiyato ŋituŋa a Isirael ka ŋulu a Yudaya, elal nooi akiar ŋituŋa anakwapin kec ka elal nooi akitiya ŋuna nyiyookino alo Yerusalem, anerae ebasi ikes, ‘Nyeriŋa Ekapolon emitakinit akwap yok, nyeriŋa Ekapolon ite ŋuna ikitiyae iwon.’

Sepan. 1:12

Apaki ŋin, atiŋi ayoŋ etaa ŋolo enoki, ewarya ŋikasecak Yerusalem, ido esicani ŋituŋa ŋulu ebasi ikiyakar ibore daadaŋ, ŋulu irworosi ebe, ‘Emam ibore itiyakini Ekapolon alopite a lo kori a ŋol.’

Sakar 4:10

Nyelakara ikes tokona, anerae edit ibore ŋini etiyakin. Nai iŋolikinete ikes Serubabel erubakinit eduki Akai ka Akuj, ido elakarosi ikes.” Abu emalaika tema neni kaŋ, “Erae ŋitaae ŋulukanikaarei ŋul ŋakonyen ŋakanikaarei ŋuna ke Ekapolon ŋuna iteete akwap daadaŋ.”

1 Ŋikor. 4:5

Aŋun, nyitubokis idiotuŋanan eriŋa nyedoluno apaki ŋina itemokino, ŋina eboŋunio Ekapolon. Inwakuni Ekapolon ibore daadaŋ ŋini iwuaitae anakiryonut, itatakanuni ŋakiro ŋuna iwuaitae ŋuna a ŋitai a ŋituŋa. Eryamuni nai ŋinituŋanan akipuro ŋina ejoikinit toryamu aneni ka Akuj.

Ŋibur. 4:13

Emam isubuna ipei daŋ ŋini epedoryo akiwua aneni ka Akuj, ileere ibore daadaŋ eyai eŋaara aneni keŋ. Erae neni keŋ elimoryo iwon ŋakiro ŋuna kitiya.