Yer. 16:16 - Ebaibul

¹⁶ Eyakiyari tokona ayoŋ ŋituŋa ŋulu alalak toloto kiriut ikes aneni eya a daadaŋ, ido ekaku, eyakiya ŋikerikak toloto tocunut ikes alomoru a daadaŋ, alokamukumukui a daadaŋ ka anaŋiceta a ŋatabab,

Yer. 16:16 Iomraidhean Croise

Akisy. 10:9

Anakiŋarakinet a ŋina ke Ekapolon, arae Nimirod ituŋanan ŋini erikana ŋityaŋ nooi. Ŋun iŋes erworotor ŋituŋa ebasi, “Ikigasi ikituruwo Ekapolon iyoŋ ekerikan ŋityaŋ nooi ikwapei Nimirod.”

Isa. 2:21

Elomarete ŋituŋa nakabaae a ŋatabab ka naŋici a ŋatabab aŋuna ka anyunyura a Ekapolon ka aŋuna a akica keŋ a ŋina ailiilon apaki ŋina ebunio iŋes akiteryairyakin akwap.

Isa. 7:19

Epote ikes daadaŋ kiboiyoto anayona a ŋuna eya nakadipaalae, aneni etyakatyaka anatabab, anamon a ŋuna a ŋikukwa ka neni daadaŋ edakasi ŋibaren.

Yer. 25:9

Anyarauni ayoŋ ŋituŋa a ŋikabilae a ŋulu a lo Kuju ka a eketiyan kaŋ Nebukadinesar ŋolo a Babilon, ayauni ayoŋ ikes kitijioto akwap na anyarauni ayoŋ ikes kitijioto ŋituŋa a Yudaya ka ŋituŋa a ŋakwapin a daadaŋ a ŋuna idunyatar ikes. Amunyari ayoŋ ikes jik, eturuwo ikes ŋulu ebulit ka ŋulu irumito ŋileec ta ŋulu inyasuna ŋikaru ka ŋikaru.

Yer. 4:29

“Ani iiraryo eruye a ŋikametok ŋaŋolei ka ŋolo a ŋulu etiŋito ŋikaleŋeleŋe, esurosi ŋituŋa alotaunio a daadaŋ, elomarete ŋituŋa namon; edokarete ikes natabab; imyekinete ŋituŋa ŋitaunio daadaŋ, mam ŋini erubakini iboi alotaun a edio.

Yer. 49:5

Alosi ayoŋ ayauni neni kus ekabule aneni a ŋikidunyet kus a daadaŋ, ido ikielaryo iyes daadaŋ ŋinituŋanan eemi bon, tomamukaun ituŋanan ecunakini ŋulu irimito car.

Yer. 6:9

Alimu Ekapolon ŋolo a ŋajoresyo ŋakiro nu ebe, ‘Kisokataasi ibore daadaŋ ŋini idoŋit Isirael, kikwaanikin ke emanikor a ŋikito a epiini ŋolo elemaritae ŋaraito a epiini daadaŋ. Toboŋokisi nabo alemar ibore ŋini idoŋit lopite ŋolo isokataa ituŋanan ŋaraito a epiini. ’”

Aum. 4:18

Ikiwarito isua ŋimoe kosi, aŋun, nyepedoritae isua alosit alorotin a etaun. Abu adaun kosi toapu, emaruna ŋirwa kosi, anerae abu todol isua adaun.

Aum. 4:19

Apiraka nooi ŋituŋa ŋulu ikirisito isua, apiraka nooi akilo tari ŋigolei ŋulu iuwaunun alokidiama. Apotu ikes ikiritut isua alokidiama ŋikamukumukui. Apotu ikidapa isua analoŋisat.

Osea 10:10

Abuni ayoŋ akisican ikes apaki ŋina acamitor, ecunakinosi ŋituŋa a ŋakwapin akitijikin ikes, eenete ŋimoe kec ikes aŋuna a ŋasecisya kec a ŋunaarei.

Amos 4:2

Ekoŋ Ekapolon Akuj ŋina Asegan atemar, kire jik, edoluni apaki ŋina ikirikorere iyes a ŋikodoce, ikirikoryo iyes daadaŋ a ŋikodoce ikwa ŋikolya.

Amos 5:19

Ikwaanikin akoloŋit ŋin ka ŋina ani keem ituŋanan kilany eŋatuny, kiryamunos ka etyaŋ ŋolo adedeŋan akilo, kori ani ieŋuni alokai keŋ erwaarit akan keŋ narwatata, tokony emun nakan.

Mika 7:2

Adaun anakwap ŋituŋa ŋulu enupito Akuj, adaun ipei daŋ ŋini iyookino ŋini eriŋa eyari; iwarito ŋituŋa daadaŋ akiar, iwuarit ŋinituŋanan akiar ituŋanan keŋ pei.

Sepan. 1:12

Apaki ŋin, atiŋi ayoŋ etaa ŋolo enoki, ewarya ŋikasecak Yerusalem, ido esicani ŋituŋa ŋulu ebasi ikiyakar ibore daadaŋ, ŋulu irworosi ebe, ‘Emam ibore itiyakini Ekapolon alopite a lo kori a ŋol.’

1 Sam. 24:11

Kiŋolik iyoŋ papa, ecileta lo ŋolo a ekaaso kon, atiŋit ayoŋ. Abu ayoŋ otub ecileta a ekaaso kon, nai abu nyakaar iyoŋ. Totamatama mono iyoŋ, ido toyenu atemar nyatami ayoŋ akitiya ŋadi ŋuna aronok, kori aremokin iyoŋ. Mam aronis etiya ayoŋ neni kon, nai ikiwarit iyoŋ ayoŋ akiar.

1 Sam. 26:20

Aŋun nai, nyikimyek ayoŋ akaarakinio nalup nu ŋuna elwaka aneni eyai Ekapolon; anerae ebunit erwosit a Ŋisirael ne akiwarit ayoŋ ca bon, lopite ŋolo irikaa ituŋanan abilikeret alokamukumukui.”