Yer. 16:13 - Ebaibul

¹³ Aŋun, ekeritari ayoŋ iyes anakwap a na nakwap ŋina sek nyiyenete iyes, kori atapapaa kus, ido kitiyanakis a nen ŋakujo ŋace naparan ka nakwaare, anerae mam akisyon eketoodikini ayoŋ iyes.’ ”

Yer. 16:13 Iomraidhean Croise

2 Ŋirw. 25:21

Abu erwosit a Babilon toar ikes alo Ribila alotaun a ŋolo ayai nakwap ŋina enyaritae Amas. Ekoni nen arikoro a ŋituŋa a Yudaya anakwap kec.

2 Ŋakiro a ŋirwa 7:20

ŋun nai akalemarya ayoŋ iyes anakwap a ŋina adau ainakin iyes ka Akai daŋ na ŋina etaleu ayoŋ aŋuna a ekiro kaŋ, alemari ayoŋ, ojoŋo akitere, toruwor ibore ŋini nyeriŋa eyai, ŋini edoŋ erae akitadapet bon, ibore ŋini ekyenatar ŋituŋa a ŋakwapin a daadaŋ.

Ŋikiru. 81:12

Aŋun, abu ayoŋ emyek ikes kiwuapa ŋuna acamito ŋitai kec ŋulu esyaak, kiwuapa ŋuna acamito ikes ŋikulepek.

Yer. 10:18

anerae irworo Ekapolon ŋakiro nu ebe, “Apaki na, eritari ayoŋ ŋituŋa anakwap, ayauni ŋican neni kec, ikotere enomori ikes.”

Yer. 14:8

Okoe iyoŋ irae akigeno a Ŋisirael, ekalakunan kec anapaki a ŋina a ŋican. Kaanukiro itiyaa iyoŋ esibit irae egela anakwap, esibit irae ekaloton ŋolo erii iwace toper nakwaare?

Yer. 15:1

Abu nai Ekapolon okolimok ayoŋ tema, “Tari kewua Moses ka Samuel alokiŋaren kaŋ akilip aŋuna a ŋituŋa, nyeminakini etau kaŋ ŋituŋa lu. Kirita ikes alokiŋaren kaŋ, emaikina ikes toloto.

Yer. 15:14

Eketuruwori ayoŋ iyes ŋiketiyak a ŋimoe kus anakwap a ŋina nyiyenete iyes, anerae erirae aŋoit kaŋ ikwaan ka akim ŋina erirae ŋikaru ka ŋikaru.”

Yer. 15:4

Eturuwori ayoŋ ikes ŋulu inyasuna aneni a ŋituŋa a ŋakwapin, anerae nyejokak ŋakiro ŋuna abu erwosit Manase lokoku a Esekia ŋolo a Yudaya kitiya alo Yerusalem.

Yer. 16:5

“Nyiloma kai ŋina igworore ituŋanan ŋini etwanit, kori nyilot nen akiwolol, kori akigwor aŋuna kec, anerae alema ayoŋ ekisil kaŋ aneni a ŋituŋa a lu, alema ayoŋ aneni kec amina kaŋ ŋina nyiryaŋiryaŋa ka akisyon kaŋ.

Yer. 17:4

Aŋuna a ŋiticisyo kus, itwaniyarete iyes akwap kus ŋina abu ayoŋ okoinak iyes toruwor ŋina kus, ekemyekini ayoŋ iyes kitiyanakis ŋimoe kus anakwap a ŋina nyiyenete iyes, anerae ekwaanikin aŋoit ka akim, ido enepi ŋikaru ka ŋikaru.

Yer. 22:26

Ekeritari ayoŋ iyoŋ ka toto kon nakwap ace, nakwap ŋina pa ikidounere iyoŋ, ido itwanikini iyoŋ inaa.

Yer. 22:28

Ikwaan mono Konia ka amot ŋina ebwaŋa, eborosit ŋolo erae ecaryoit ŋolo emam ituŋanan ecamit a? Kaanukiro ayaarere iŋes ka ŋiletok keŋ kiŋa akwap kec, emasarere ikes nakwap ŋina nyeyenete ikes?

Yer. 5:19

ido ani etemarete ŋituŋa kus ebe, ‘Kaanukiro etiyaa Ekapolon neni kus ŋakiro nu daadaŋ?’ Ilimokinete iyes ikes ebe, ‘Ikwapei ikiesikiniata iyes ayoŋ, ido aruwor ŋakujo ŋunagelae itiyanakinete iyes anakwap kus, ikwaŋinapei, ipote iyes akitiyanakin ŋituŋa ŋulugelae anakwap a ŋina erae meere ŋina kus.’ ”

Yer. 6:15

Apotu ikes kitiyata ŋuna a ŋileec, apotu ikes kitiyata ŋakiro ŋuna asiilyanak. nai nyiruma ikes ŋileec, pa ayenete ikes epite ŋolo irumyata ikes ŋileec nooi. Aŋun, etwakete ikes daŋ lopite ŋolo atwakyata ŋuluce, apaki ŋina esicania ayoŋ ikes, eruwor ŋin adaunet kec.”

Ŋikis. 28:36

Ikiyai Ekapolon iyes kaapei ka erwosit ŋolo iseunete iyes akipuka iyes nakwap ŋina nyiyenete iyes, kori ŋina pa ayenete atapapaa kus, neni itiyanakineta iyes ŋakujo ŋuna itiyaunitae a ŋakito ka ŋamoru.

Ŋikis. 29:28

Abu Ekapolon kirita ikes anakwap kec anaŋoit keŋ, anadedeŋu keŋ ka ananyunyura keŋ, ido kirita ikes nakwap ace, lopite ŋolo eyakatar ŋakiro tokona.’