Yer. 16:12 - Ebaibul

¹² ka aŋuna itiyaata iyes erono nooi akilo atapapaa kus, anerae iyes lu, iyes daadaŋ lu, ŋinituŋanan kus iwuapit akisyanu a acamit kus a ŋina aronon, iwounito akiirar ŋakiro kaŋ!

Yer. 16:12 Iomraidhean Croise

Akisy. 6:5

Kiŋolik Ekapolon aronis a ŋituŋa kelalaar anakwap, ka daadaŋ ŋuna atamete ŋituŋa apaki daadaŋ, arae aronis bon.

Akisy. 8:21

Tojoik nooi Akuj eure a ŋainakineta a ŋun, tema alotau keŋ, “Mam nabo nyeceni ayoŋ ŋalup aŋuna a ituŋanan, anerae etami ituŋanan aronis ŋinapei eriŋa edit, kori mam nabo jik nyamunyari ayoŋ ibore daadaŋ ŋini eyari anakwap, lopite ŋolo abunio omunyarya paan.

Ekal. 8:12

Tari daŋ kitiyaete ŋulu aronok ŋuna nyiyookino ŋakitiyaet tari amiat, ido torubakinito iboiyete apaki ŋina aoyan, ayeni ayoŋ atemar ejokyata ŋakiro aneni a ŋulu itopoloorito Akuj.

Ekal. 9:3

Eroko ŋakiro ŋun ŋuna etakanunete neni a ŋinituŋanan ŋun, ikwaan aronis kec ka aronis ŋina etakanunui neni a ŋinibore anakwap a na. Apaki daadaŋ ŋina iboiyoto ŋituŋa anakwap a na, ileleba aronis natameta kec ka imasimasit ikes, ido elemari atwanare ikes atipei pa eyenete.

Yer. 13:10

Ikwaanikonosi ŋituŋa ŋul ka elou ŋolo enapitae anacir ŋol ŋolo emam nabo ajokis eyakar. Erae ŋituŋa ŋul ŋulu itiyaete ŋuna aronok, awout akiwuap ŋakiro kaŋ ka anakisyaanu kec ewuapa ŋuna ecamito ikes, alot daŋ akilipenen neni a ŋakujo a ŋace ka akitiyanakin ikes.

Yer. 17:9

“Emodiyana etau akilo ŋiboro daadaŋ, nyepatana akitojokun, ŋae epedori ayenun iŋes?

Yer. 18:12

Nai ebasi Ŋisirael irworosi, “Mam ajokis eyai! Iwuapyo isua ŋayeuniata kosi ka itiyae isua ŋinituŋanan ŋuna aronok iwuapitae acamit kosi ŋina aronon.”

Yer. 22:28

Ikwaan mono Konia ka amot ŋina ebwaŋa, eborosit ŋolo erae ecaryoit ŋolo emam ituŋanan ecamit a? Kaanukiro ayaarere iŋes ka ŋiletok keŋ kiŋa akwap kec, emasarere ikes nakwap ŋina nyeyenete ikes?

Yer. 7:24

Nai apotu ikes nyiwuapa ŋakiro kaŋ kori nyikatakis apupokin, nai anakisyaanu a ŋina ka acamit akitiya aronis, apotu ikes kiwuapa ŋuna acamito akitiya, ido tomitakis akitiya ŋuna alunyarosi akilo ŋuna eponito.

Yer. 7:26

nai nyepupokina ikes ŋakiro kaŋ, kori nyemitakina, nai apotu kitogogoŋo ŋakyes kec. Apotu ikes kitiyata ŋuna aronok nooi akilo ŋuna apotu atapapaa kec kitiyata.

Yer. 9:14

nai anakisyaanu kec, ewuapa ikes ŋuna a ŋitai kec ka ilipete neni ata Baal, lopite ŋolo etatamitotor atapapaa kec ikes akitiya.

Aum. 5:7

Apotu atapapa kosi toseca, emam tokona ikes a ne, ikiryamunit tokona isua ŋican aŋuna a ŋasecisya kec.

Esek. 20:30

Aŋun tolimok Ŋisirael atemar, iŋita Ekapolon Akuj ŋakiro nu, ‘Imunaarete kire iyes ŋawat kus lopite ŋolo aponiata atapapaa kus kitiyaata a? Iwuapete iyes ŋakujo ŋuna apotu ikes kiwuapa a?

Amos 2:4

Tema Amos, “Alimu Ekapolon ŋakiro nu ebe, ‘Aŋuna arubakiniata ŋituŋa a Yudaya itiyaete ŋasecisya ŋuna alalak nooi, nyaesikini ayoŋ akisican ikes, anerae aŋero ikes akiwuap ŋikisila kaŋ ka nyiwuapa ikes ŋakiro ŋuna atubunit ayoŋ, nai etooliyo ikes alyokonu ŋinapei apotu atapapaa kec kiwuapa.

Mal. 3:7

Akisyakin ŋinapei koloŋ alorwa atapapaa kus, iŋero iyes ŋikisila kaŋ nyiwuapito ikes. Toboŋutu neni kaŋ, ido aboŋuni ayoŋ neni kus. Nai iŋitasi iyes ibasi, ‘Alipite ikiboŋunio isua?’ ”

Mar. 7:21

Anerae alotooma ŋitai a ŋituŋa elomunete ŋatameta ŋuna aronok, adoteu, akoko, akiar,

Ŋikis. 29:19

Ŋulu daadaŋ iirarete ŋakiro a akikoŋiet a na, ido kitojokas make etamete alotai kec ebe, ‘Mam ŋace apote neni yok, tari kikiwuapit iwon ŋipitesyo yok ŋulu aronok.’ (Eyaunete ŋul ŋican neni a ŋulu iyookino ka ŋulu nyiyookino),

Ŋikis. 9:27

Totamu ŋiketiyak kon Aburaam, Isaka ka Yakob, nyimitak agogoŋu a ŋakyes a ŋituŋa a lu, nyimitak aronis kec ka asecit kec,

2 Tim. 3:13

Nai ŋituŋa ŋulu aronok ka ŋulu a ŋisoswae erubakinete erae ŋulu aronok ka iyatakin aronis kec nooi, emodyanakinete ŋuluce ka emodikin ikes ŋilopeyek.

Ŋibur. 3:12

Ŋikaitotoi, tocoito nyeyakar idio alokidiŋ kus etau ŋolo aronon ŋolo nyenupit ŋakiro ka Akuj, ido tooliyo aneni ka Akuj a ŋina eyari.

Ŋikat. 2:19

Nai ŋinapei etwania ekatubon ŋakiro, aboŋorete ikes atipei akitiya ŋuna aronok akilo tari ŋuna etiyato atapapaa kec, ewuapeneneete ikes ŋakujo ŋace ka kilipeneneete ka kitiyanakinete ŋakujo ŋun. Pa emyeanakinete ikes edio a ŋiticisyo kec a ŋulu aronok, kori akisyaanu kec.

1 Sam. 15:23

anerae ikwaan akiŋer Ekapolon ka asecit ŋina ka akikukuja. Ikwaan akituro ka aronis ŋina ilipere neni a ŋakujo. Aŋuna iŋerio iyoŋ akirot a Ekapolon, ikiŋer daŋ iŋes iyoŋ anaraakau erwosit.”