Yer. 15:7 - Ebaibul

⁷ Abu ayoŋ ekemasana iyes alotaunio a daadaŋ, lopite ŋolo ekutarya ekuwuam ŋikabinin, adau ayoŋ akiyaloloŋ aŋuna kec, adau ayoŋ amunyar ŋituŋa kaŋ, anerae apotu ikes nyilocokis ŋipitesyo kec ŋulu aronok.

Yer. 15:7 Iomraidhean Croise

Ŋikiru. 1:4

Nyikote ŋulu aronok nen, nai ikote ikes ŋamilo ŋuna ekutanari ekuwuam nariet.

Isa. 41:16

ipyetarete iyes ikes, ido tokuta ekuwuam nariet ka kiela ikes ekuwuam ŋolo ekusi nooi. Ipote nai iyes alelyan aneni ke Ekapolon; ipote nai iyes akipuro Akuj ŋina asegan ŋina a Isirael.

Isa. 9:12

Ŋiarameani alowae a ŋolo alo Kide ka Ŋipilistin alowae a ŋolo alo To. Apotu ŋul tomunyasi Ŋisirael tari kitiyakina ŋun, eriŋa Ekapolon eŋoikinit Ŋisirael, eriŋa iŋes erubakinit isicani ikes.

Isa. 9:13

Tari ŋina esicania Ekapolon ŋituŋa a Isirael nyekiwa ikes ka nyeboŋoro neni a ŋolo abu kisican ikes, kori nyiwara Ŋisirael Ekapolon ŋolo a ŋajoresyo.

Yer. 18:21

Aŋun, kimyek akoro tomunya ŋidwe kec, kimyek ŋituŋa ŋul tomunyarae a ekileŋ, kimyek ŋaberu kec tomamukaun ŋidwe ka toruworos ŋapuseru. Elipi tomunya edeke ŋikilyok kec, toarae ŋisorok kec a ekileŋ alojie.

Yer. 5:3

Okoe Ekapolon, meere mono ŋuna a kire ite iyoŋ a? Idau iyoŋ akisican ikes, nai eriŋa aryeba nyenomoro ikes; idau iyoŋ akitonomor ikes, nai aŋero ikes akiwuap ŋuna icamit iyoŋ. Etogogoŋ ikes ŋakyes kec lopite ŋolo egogoŋio ataaba; aŋero ikes aboŋun neni kon.

Yer. 51:2

Eyakuuni ayoŋ ŋimoe ŋulu inyasunete Babilon, alemar ŋulu aronok a nen ka akinyasun akwap a Ŋibabiloniyae. Elemarete ikes ibore daadaŋ anakwap a ŋin, Apaki ŋina eponeta akirem Babilon alowaetin a daadaŋ, itiyaete ikes ŋun akoloŋit ŋina a ŋican a Babilon.

Yer. 9:21

Adolu atwanare lodirisae kus, aloma nakais a apukan kus, ebunit atwanare alemar ŋidwe kus alorotin ka ŋisorok analapatui a ŋuna ke etaun.

Esek. 24:21

“Tolimok Ŋisirael atemar ebala Ekapolon Akuj ebe, ‘Eapi ayoŋ amunaar akibois kaŋ ŋina asegan, ŋina erae iŋes iryamunitotor iyes agogoŋu ŋina iturotor, akibois ŋina ikibobokinit iyes akitere ka ŋina iburit ŋitai kus. Earyo a ekileŋ ŋidwe kus ŋulusapa ka ŋulupesur ŋulu ipotu iyes kimyekis alo Yerusalem.

Esek. 24:25

“Nai iyoŋ lokoku a ituŋanan, akoloŋit ŋina alemarya ayoŋ akibois kec ŋina eryamunitotor ikes agogoŋu, alelyanu kec ka apedor kec, akibois ŋina ebobokinit ikes akitere, ŋina iburit ŋitai kec; akoloŋit ŋina aarya ayoŋ ŋidwe kec ŋulusapa ka ŋulupesur,

Esek. 36:12

Ekenyakuni ayoŋ iyes ŋikaatuŋa Ŋisirael, iboŋunete iyes kiboikinos nabo nakwap kus. Eruwor iŋes akwap kus a ŋilopeyek, nyitanyami nabo akwap ŋin ŋidwe kus akoro.

Sakar 1:4

Nyikwaanikinosi ka atapapaa kus, a ŋulu apotu ŋikadwarak paaran kiserakis ŋakiro nu ebe, ‘Ebala Ekapolon ŋolo Etiron, toboŋutu alopitesyo kus a ŋulu ka aronis ka anakitiya aronis. Nai apotu ikes nyiirasi ŋun, kori nyiwuapakis ŋakiro kaŋ.’

Mat. 3:12

Eyakar iŋes nakan keŋ erite ikotere epyetarya ŋikeemomwa ejok analos, tocunak lodulae keŋ, kicunyak nai ŋatunyeny anakim a ŋina nyeduŋe.”

Ŋikis. 28:18

“Ilami Ekapolon ŋidwe kus ka ŋikinyom kus ta ŋaraito kus, ŋibaren kus, ŋitak ka ŋikaalei.

Ŋikis. 28:32

Einakinio ŋidwe kus ŋulupesur ka ŋulusapa neni a ŋituŋa a ŋice, iteete iyes, iteonorete iyes a ŋinakoloŋit, eyaanaryo nai nyipedorete akiretakin

Ŋikis. 28:41

Iyakaunotor iyes ŋidwe ŋulusapa ka ŋulupesur, nai nyerubakinete ikes erae ŋulu kus, anerae erikoryo ikes nakwapin.