Yer. 15:6 - Ebaibul

⁶ Ikiŋero iyes ayoŋ, iboŋete iyes kaku. Aŋun, adau ayoŋ akisican ka amunyar iyes, anerae akaup ayoŋ akidaŋidaŋ ŋakiro kus.

Yer. 15:6 Iomraidhean Croise

Isa. 1:4

Ekaŋ iyes ŋituŋa a akwap a ŋina a ŋikasecak ŋituŋa ŋulu ileleba asecit, ŋiletok ŋulu itiyaete aronis 2ŋituŋa ŋulu itunaete ŋuluce. Aŋero ikes Ekapolon, aŋero ikes ŋolo Asegan ŋolo a Isirael ka amuleno Ekapolon.

Isa. 28:13

Ŋakiro ŋun iŋes elosyo Ekapolon alimun ebe, “Kitatamae ikes ŋikisila ka ŋikisila, ŋikisila ka ŋikisila, elain a ŋakiro epei ka ŋoloce, elain a ŋakiro epei ka ŋoloce, ŋadi a ne ka ŋadi ka ama;” ikotere nai ani elosete ikes kimasar ekaukau tobilas, kikamarae ka torikoroe.

Isa. 31:3

Erae Ŋijipitian ŋituŋa, meere Akuj; erae ŋaŋolei kec akiriŋ koŋin; meere ŋitai. Ani egeuni Ekapolon ayaun ŋican nakwap adio, ekuryaketa ŋituŋa ŋulu elosito akiŋarakin ŋuluce ka mam ibore itiyakinete ŋulu iŋarakinitae, ido emunyari ikes daadaŋ kaapei.

Yer. 1:16

Tosodi, alimuni nai ayoŋ ŋakiro kaŋ ŋuna atubokinitor ikes aŋuna a ŋaronisya kec a daadaŋ a ŋuna akaŋerioto ikes ayoŋ; ainanakis ikes ŋainakineta kec neni a ŋakujo a ŋace ka elipa neni a ŋiboro a ŋulu etiyaunete ikes a ŋakan kec.

Yer. 13:14

Etidiŋakini ayoŋ ikes make, ediŋakinosi ŋikauryak ka ŋidwe kec, kori nyaiuni idio tuŋanan apaki ŋina abunio ayoŋ amunyar ikes.’ ”

Yer. 2:13

“Anerae etiyata ŋituŋa kaŋ ŋaronisya ŋaarei: Akaesikis ikes ayoŋ, ŋolo ekoni aneni kec eitanit ŋolo a ŋakipi a ŋuna eteyarak, ido aboka aŋuna kec ŋakare ŋuna ebaabaato, ŋuna nyepedorete ŋakipi ayakau tooma kec.

Yer. 2:17

Ŋisirael, meere mono iyes iyaunete ŋakiro ŋun nawat kus aŋuna iesikiniata Ekapolon Akuj kus, apaki ŋina ikirikitor iŋes iyes kiwuapa iŋes a?

Yer. 2:19

Ikisicani iyes aronis kus ka ikitubokinio iyes aŋuna iŋeryoto ŋuna abala ayoŋ kiwuapa. Toyenutu ka kiŋolikisi epite ŋolo eronia ka epipilya iyes aesikin Ekapolon Akuj kus; nyikitopoloorito iyes ayoŋ. Ŋakiro ŋun irworo Ekapolon Akuj ŋina etiron.

Yer. 20:9

Ani katema ayoŋ ebe, “Nyalimuni nabo ayoŋ Ekapolon, kori nyeruwori nabo ayoŋ alimit ekiro keŋ,” aryamuni ayoŋ atemar emwana akirot kon alotooma kaŋ, ikwaan ka akim ŋina emwana pe ŋina egolokino tooma ŋakoyo kaŋ. akaup ayoŋ akidaŋidaŋ iŋes, nyapedorit akililiŋiyar,

Yer. 44:22

Abu Ekapolon nyepedo akidaŋidaŋ ŋiticisyo kus ŋulu aronok, asiilyo ŋina ipotu iyes kitiyata, aŋun, abu akwap kus toruwor ereŋorot, acaryoit ka ŋina a ŋicen tomamukaun ituŋanan eyai lopite ŋolo eyakar tari nakoloŋit na.

Yer. 6:11

Nai ileleba anyunyura ŋina ke Ekapolon tooma kaŋ, akaburu ayoŋ akidaŋidaŋ iŋes.” Tolimu nai Ekapolon tema, “Tolimok ŋuna ka anyunyura kaŋ neni a ŋidwe alorotin ka tolimok neni a ŋatukon a ŋisorok daŋ eyaaryo ŋaberu ka ŋikilyok, eyaaryo tari ŋituŋa ŋulu emojoŋito.

Yer. 6:12

Eruworosi ŋakais kec ŋuna a ŋituŋa a ŋice, ŋimanikorin kec daŋ eruworosi ŋulu a ŋituŋa a ŋice, ŋaberu kec daŋ eruworosi ŋuna a ŋituŋa a ŋice, anerae esicani ayoŋ ŋituŋa ŋulu ka akwap a Isirael.

Yer. 6:19

Tolimu nai Ekapolon tema, ‘Okoe ŋituŋa a akwap, kiirasi, ayauni ayoŋ ŋican neni a ŋituŋa a lu, ŋakiro ŋuna a eropit aŋuna eyete ikes akitiya, anerae awout ikes akiirar ŋakiro kaŋ ka aŋero akitatam kaŋ.’”

Yer. 7:16

Tolimu nabo Ekapolon neni a Yeremia tema, “Ani eruwor iyoŋ, nyilip aŋuna a ŋituŋa a lu, nyikeu etoil kon igworo, kori ilipi aŋuna kec ka nyikilip ayoŋ, anerae nyacamuni ayoŋ akiirar ŋakiro kon.

Yer. 7:24

Nai apotu ikes nyiwuapa ŋakiro kaŋ kori nyikatakis apupokin, nai anakisyaanu a ŋina ka acamit akitiya aronis, apotu ikes kiwuapa ŋuna acamito akitiya, ido tomitakis akitiya ŋuna alunyarosi akilo ŋuna eponito.

Yer. 8:5

Kaanukiro nai aoliyoreta ŋituŋa lu tomam aboŋun? Emiidikin ikes nalyokonu, awout jik aboŋun.

Yer. 8:9

Isurumyo ŋikaosok ŋileec, itakadakinio ikes ka eyaaryo ikes, anerae aŋero ikes akirot ŋina ke Ekapolon, aniosou nai eyai neni kec?

Esek. 14:9

“‘Ani kemodikin ekadwaran, ido todwar akirot adio, erae ayoŋ Ekapolon amodikinit iŋes, ido esicani ayoŋ ekadwaran ŋol olema alotuŋa kaŋ alo Isirael.

Esek. 25:7

akatapi tokona ayoŋ iyes akan kaŋ ekemanit, ido ekepoto iyes irae ŋulu ikiŋatarito ŋituŋa a ŋakwapin. Akamunyari ayoŋ iyes alotuŋa a ŋul ka eketasaluni ayoŋ iyes anakiboisyo a ŋuna ikiyayo. Akamunyari ayoŋ iyes ka iyenunete iyes atemar arae ayoŋ Ekapolon.”

Esek. 35:3

tolimok atemar, alimu Ekapolon Akuj ŋakiro nu ebe, ‘Ekemanit ayoŋ iyoŋ, iyoŋ emoru Seir, eopeuni ayoŋ akan kaŋ neni kon ekemanit, eketuruwo iyoŋ akwap ŋina asilon ka akoŋinait.

Osea 11:7

Ecamito jik ŋituŋa kaŋ akimyekin ayoŋ. Tari kenyarata ikes kaapei Ekapolon ŋolo eyai kidiama nooi, nyiŋarakini iŋes ikes jik alocan kec.

Osea 13:14

Alakuni ayoŋ ikes anapedor a ŋina ka akibois a ŋikatwak nyalakuni ayoŋ ikes anatwanare. Okoe atwanare ai eya ŋakicanicaneta kon? Okoe akibois a ŋikatwak, ai eyai akinyasun kon? Nyesyonikini ayoŋ ŋituŋa lu jik!

Osea 4:16

Isyaana Isirael lopite ŋolo isyaania ataok. Epedori tokona Ekapolon akitan ikes lopite ŋolo iyokiyere ikale ŋinimesek a neni elolom, neni eya ŋinya.

Sepan. 1:4

Esicani ayoŋ ka akan kaŋ ŋituŋa ŋulu a Yudaya ka daadaŋ ŋulu iboiyete alo Yerusalem: Amunyari ayoŋ anakiboisyo a ŋun ŋituŋa daadaŋ ŋulu idoŋito ŋulu ilipete neni a Baal ka ibore daadaŋ ŋini idoŋit neni ilipere neni a Baal, ekisari ayoŋ ŋisacaradotin ŋulu ilipete ŋakujo ŋace ka kitiyanakinete ŋakujo ŋun.

Sakar 7:11

Nai apotu ŋituŋa towout akiirar ŋun, apotu nyecamut akiwuap ŋakiro kaŋ.