Yer. 15:2 - Ebaibul

² Ani kikiŋita ikes iyoŋ ebe, ‘Ai ikilosi isua?’ Tolimok ikes ebe, Irworo Ekapolon ebala, ‘Ŋulu atubokin atwanare a edeke, toloto ikiar edeke, ŋulu atubokin atwanare a ekileŋ, toloto ikiari a ekileŋ, ŋulu atubokin atwanare a akoro, toloto ikiar akoro, ido ŋulu atubokin arikoro, toloto ikirikor.’”

Yer. 15:2 Iomraidhean Croise

Isa. 10:4

ikotere nyijoro aneni eya ŋienan, kori nyitwanikis neni a ŋulu earitae? Tari kitiyakina ŋun, eriŋa Ekapolon eŋoikinit Ŋisirael, eriŋa iŋes erubakinit isicani ikes.

Isa. 24:18

Ŋini daadaŋ eemi aŋuna ke ekabule, ibusokin nakipany, ŋini daadaŋ edokuni anakipany, ikamaryo; anerae eŋaara ŋirotin daadaŋ ŋulu ebuneneo akiru ka emaranikinete ŋawoeta ŋuna ka akwap.

Yer. 14:12

Tari kiredakis ikes akiron, nyeirari ayoŋ akigworo kec, tari keyaut ikes neni kaŋ ŋainakineta ŋuna epeyo ka ŋainakineta ŋuna a ŋikinyom, nyacamuni ayoŋ ŋainakineta kec, nai aari ayoŋ ikes a ekileŋ, a akoro ka a ŋidekesinei.”

Yer. 14:16

Tosodi ŋituŋa daadaŋ ŋulu edwarete ikes ŋakiro kec, imasaryo kiŋa lorotin ŋulu a Yerusalem, erae ŋulu earit akoro ka ekileŋ, emamukaun ituŋanan ŋini enuki ikes, itiyakin ŋakiro ŋun neni kec a daadaŋ ka neni a ŋaberu kec neni a ŋidwe kec a ŋulusapa ta neni a ŋidwe kec a ŋulupesur, anerae esitiyae ayoŋ aronis kec akisicania ikes.

Yer. 16:4

Etwakete ikes a ŋidekesyo a ŋulu aarak, nyigworo ikes, kori nyenukyo ikes, ikokinete ikes aoret eperete alokidiama akwap. Earyo ikes a ekileŋ, etwakete ikes aŋuna a akoro ka eruworosi ŋawat kec akimuj a ŋikyeny ka ŋina a ŋityaŋ a ŋulu a ariet.

Yer. 19:7

Tosodi anakibois a na, eturuwori ayoŋ ŋakiro ŋuna eyeete ŋituŋa a Yudaya ka Yerusalem ŋakoŋinae. Ainakini ayoŋ tomunyarae ikes a ekileŋ alokiŋaren ŋimoe kec, earete ŋulu imanito ikes ŋituŋa a Yudaya ka ŋituŋa a Yerusalem. Emyekini ayoŋ ŋawat kec toruwor akimuj a ŋikyeny ka a ŋityaŋ a ŋulu ka ariet.

Yer. 43:11

Ebuni iŋes akinyasun akwap a Ijipit, inak ŋulu etubokinitae atwanare a edeke toryamut edeke, ŋulu etubokinitae arikor erae ŋirikon torikoroe ka ŋulu etubokinitae atwanare a ekileŋ toarae a ekileŋ.

Esek. 12:11

tolimok ikes atemar itoodiunito ŋuna itiya iyoŋ ŋuna itiyakinosi neni kec, edokinete ikes nakwapin ka ikamaryo ikes.

Esek. 14:21

“Ŋuna iŋita Ekapolon Akuj ikes nu, ‘Etya nai ai epite ŋolo erokyarotor ŋakiro alo Yerusalem apaki ŋina eyakuunia ayoŋ ŋakisicaneta kaŋ ŋuna apipilak ŋaomwon? Ŋimoe, eron ka ŋityaŋ ŋulu anyamak ta ŋidekesyo, tomunyasi ŋul ŋituŋa ka ŋibaren a Yerusalem.’

Esek. 33:27

Tolimok ikes atemar alimu Ekapolon Akuj ebe, ‘Ikwapei kire jik ayarya ayoŋ, earyo a ekileŋ ŋituŋa ŋul ŋulu idoŋito nakiboisyo ŋuna emunaara ŋun, ido ŋulu iboiyete aneni nyerae sek ŋitaunio, emyekini ayoŋ ŋityaŋ ŋulu adedeŋak tonyama ikes, ani ŋulu iboiyete anaduketa a ŋuna egogoŋ ka anaturukanin, emyekini ayoŋ edeke toar ikes.

Esek. 5:12

Atutubet kus apei alotooma ŋauni, emunyari edeke, kori emunyari eron alokidiŋ kus; atutubet ŋina a ŋaarei alotooma ŋauni, earakinio kiŋa ŋarwatatain a etaun kus ka atutubet ŋina a ŋauni alotooma ŋauni, eelari ayoŋ nariet, ido etutupak ikes ekileŋ kaŋ.

Esek. 5:2

Ani edaun ŋirwa ŋulu irikaunitere Yerusalem, emaikina kicuny alotooma etaun ŋitim ŋul atutubet apei alotooma ŋauni. Tolemu nabo atutubet ŋina a ŋaarei totubutubu a ekileŋ irimi alokiŋa etaun. Tosodi atutubet ŋina a ŋauni, emaikina kiela lokuwuam etutupak ayoŋ ikes ekileŋ kaŋ.

Dan. 9:12

Esiyook Ekapolon ŋakiro keŋ, ŋakiro ŋuna abu iŋes kirwor ikitoroniyarit isua ka ŋikapolok kosi, etiya Ekapolon ŋun anainakin isua ŋican ŋulu apolok nooi. Ŋuna etiyakin Yerusalem, mam akwap anakwap a daadaŋ ŋina etiyakin ŋun.

Amos 5:19

Ikwaanikin akoloŋit ŋin ka ŋina ani keem ituŋanan kilany eŋatuny, kiryamunos ka etyaŋ ŋolo adedeŋan akilo, kori ani ieŋuni alokai keŋ erwaarit akan keŋ narwatata, tokony emun nakan.

Sakar 11:9

Aŋun, abu ayoŋ olimok ŋamesekin ebe, “Nyaruwor nabo ayoŋ jik ekeyokon kus. Kimyekisi ŋuna erae totwaka totwaka, ŋuna erae tomunyarae tomunyarae, ŋuna idoŋete daŋ emunyarosi ikes make.”

Akis. 13:10

Ituŋanan ŋini itemokino kikamarae, itemokino kire kikamarae; ituŋanan ŋini itemokino toarae ka atum, itemokino kire toarae ka atum. Aŋun, itemokino ŋituŋa ŋulu ka Akuj totitinyikis ananupit kec.”