Yer. 15:19 - Ebaibul

¹⁹ Aŋun, abu Ekapolon tema neni kaŋ, “Ani kiboŋunit iyoŋ neni kaŋ, ekejauni ayoŋ iyoŋ nabo, ido ibuni iyoŋ akitiyanakin ayoŋ nabo. Ani kirwor iyoŋ ŋakiro ŋuna ajokak, meere ŋunacaryo, iruwor iyoŋ ekadwaran kaŋ. Eboŋunete ŋituŋa neni kon meere iyoŋ iboŋori neni kec.

Yer. 15:19 Iomraidhean Croise

1 Ŋirw. 17:1

Tema Eliya Etisibait ŋolo alo Gilead neni ka Aab, “Ikwaŋinapei eyarya Ekapolon Akuj a Ŋisirael, ŋina arae ayoŋ eketiyan keŋ, emamukaun ŋakopi, kori akiru ŋikaru ŋulu eponito, mati kalimu ayoŋ.”

Awos. 4:12

Torotok tokona, ekeŋarakini ayoŋ iyoŋ topedo erwor ka akalimokini ayoŋ iyoŋ ŋuna emaikina tolimu.”

Ŋakit. 22:29

Ianyunit mono iyoŋ ituŋanan ŋini epiiryana alotic keŋ a? Eruwor ituŋanan ŋini ikoni nen ŋini itiyae neni a ŋirwosi, nyiruwor ituŋanan ŋini ikoni nen ŋini itiyae neni a ŋituŋa car.

Yer. 1:9

Abu nai Ekapolon kiopeu akan keŋ totap akituk kaŋ, tosodi okolimok ayoŋ tema, “Tokona adau ayoŋ akiwuakin ŋakiro kaŋ nakituk kon.

Yer. 15:1

Abu nai Ekapolon okolimok ayoŋ tema, “Tari kewua Moses ka Samuel alokiŋaren kaŋ akilip aŋuna a ŋituŋa, nyeminakini etau kaŋ ŋituŋa lu. Kirita ikes alokiŋaren kaŋ, emaikina ikes toloto.

Yer. 20:9

Ani katema ayoŋ ebe, “Nyalimuni nabo ayoŋ Ekapolon, kori nyeruwori nabo ayoŋ alimit ekiro keŋ,” aryamuni ayoŋ atemar emwana akirot kon alotooma kaŋ, ikwaan ka akim ŋina emwana pe ŋina egolokino tooma ŋakoyo kaŋ. akaup ayoŋ akidaŋidaŋ iŋes, nyapedorit akililiŋiyar,

Yer. 35:19

aŋuna a ŋakiro a ŋun, Alimu Ekapolon ŋolo a ŋajoresyo, Akuj a Ŋisirael atemar nyeŋopikini Yonadab lokoku a Rekab eletonit ŋolo itiyae neni kaŋ ŋikaru ka ŋikaru.’ ”

Yer. 4:1

Irworo Ekapolon ebala, “Okoe ŋituŋa a Isirael, ani kiboŋut iyes neni kaŋ, ani kilemasi iyes asiilyo kus alokiŋaren kaŋ ka pa kikimyekis iyes nabo ayoŋ,

Yer. 6:29

Epedoryo asuwat ŋina enyaritae led, aliun alokitet nai eroko nooi ŋituŋa kaŋ, nyepedoryo aliun, anerae nyelemara ŋikaronok.

Aum. 1:11

Eumenete ŋituŋa a Yerusalem daadaŋ iwarito ibore ŋininyamat; ilokonyiyanarete ebari kec nakimuj aŋuna ka arubakinia eyarete. Igworosi ŋituŋa a Yerusalem ebasi, “Okoe Ekapolon, kiŋolikinae isua, kiŋolik epite ŋolo ikiruworor isua ŋulu ikijamuwaritae.”

Esek. 2:7

Emaikina iyoŋ kirwor ŋakiro kaŋ neni kec, kecamito akiirar, kori pa kecamito akiirar; anerae erae ikes ekal ŋolo aŋeron.

Esek. 22:26

Etiyata ŋisacaradotin anakwap kec ŋakiro ŋuna nyecamakinito ŋikisila kaŋ, esitiyata ŋiboro kaŋ ŋulu asegak alopite a ŋolo aronon, nyeyenete atemar nyaalu ŋiboro ŋulu asegak ka ŋulu nyesegak, mam daŋ nyitatama ikes ŋituŋa toyenut ibore ŋini itoroniyaritae ka ŋini nyitoroniyaritae, aŋero ikes atamunit ŋarwa kaŋ ŋuna a Sabato, aŋun, adaut ikes ajamuwar ayoŋ alokidiŋ kec.

Esek. 44:23

Emaikina ikes kitatama ŋituŋa kaŋ toyenut ibore ŋini eseg ka ŋini nyeseg ka emaikina ikes kitoodikis ŋituŋa kaŋ ibore ŋini nyecamakinitae akinyam, kori akitap ka ŋini ecamakinitae.

Ŋilep. 10:10

Emaikina iyoŋ toyenu ibore ŋini eseg ka ŋini isitiyao car, ibore ŋini nyitoroniyaritae ka ŋini itoroniyaritae,

Ŋilep. 14:57

Erae ŋul ŋikisila ŋulu eyenunere atemar itoroniyaritae ka nyitoroniyaritae ibore idio. Erae ŋul ŋikisila ŋulu a ŋidekesyo a ŋulu etapaaka anamuny ka akuwan ka ŋulu a ibore a ŋini ikunoikini ŋilowi, ŋijamu ka ŋakais.

Yona 3:2

“Tonyou, tolot Ninepe, lotaun ŋol ŋolo apolon nooi, kisera neni a ŋituŋa keŋ ŋakiro ŋuna akalimok ayoŋ iyoŋ.”

Sakar 3:7

“Ŋakiro ŋuna ebala Ekapolon ŋolo Etiron ikes nu ebe, ‘Ani kiwuap iyoŋ ŋikisila kaŋ, ido kitiya ŋiticisyo ŋulu akainak ayoŋ iyoŋ, ipedori iyoŋ apolokin akai kaŋ ka ŋalapatui ŋuna alo kiŋa akai kaŋ, akainakini ayoŋ iyoŋ apedor ŋina irukyoto kaapei ka ŋulu ewuasi a ne.

Luk. 1:19

Toboŋok emalaika tema, “Ayoŋ Gaburiel, ŋolo awuoi alokiŋaren Akuj. Ekeyakuunitae ayoŋ neni kon, alimokin iyoŋ ŋakiro ŋuna ajokak ŋun.

Luk. 10:16

Tolimok Yesu ŋikeekasyomak tema, “Ituŋanan daadaŋ ŋini ikiirari iyes, ekeira tari ayoŋ; ituŋanan daadaŋ ŋini ikiŋeri iyes, akaŋer tari ayoŋ; ŋini akaŋer ayoŋ, aŋer tari ŋini ekeyakuunit ayoŋ.”

Luk. 12:12

anerae Etau ŋolo Asegan iŋes ebuni akitatam iyes ŋuna itemokino tolimut apaki ŋin.”

Luk. 21:15

anerae ayoŋ elope akainakini iyes ŋakiro ŋuna ka aosou ŋuna emam ipei daŋ alokidiŋ ŋikusimoe ŋini epedori akiloc, kori apegakin.

Luk. 21:36

Torubakisi ikienyete, nabo kilipete jwi jwi, ikotere toryamut agogoŋu ŋina ibucarotor anakiro a daadaŋ a ŋuna etakanunete ka towueta alokiŋaren Lokoku a Ituŋanan.”

Ŋitic. 20:27

Anerae nyimunono ayoŋ akiserakin iyes ŋuna daadaŋ ecamit Akuj.

2 Ŋikor. 5:16

Ameun tokona, nyeriŋa isua ikitubokini idiotuŋanan alopite a ŋolo a ŋituŋa a ŋulu ka akwap. Tari erae kikiyenunit isua Kristo kocooloŋ alopite a ŋolo ka akwap a na, nyeriŋa tokona ikiyeni iŋes alopite a ŋol.

Ŋigal. 1:10

Alimunit mono ayoŋ ŋun aŋuna ka akitalakar ŋituŋa a? Mam jik! Akitalakar Akuj iŋes acamit ayoŋ! Kire meere akitojoka alotuŋa acamit ayoŋ! Kerae toriŋa ayoŋ ewarit ŋun, pa karae ayoŋ eketiyan a Kristo.

Ŋigal. 2:5

Nai aponi isua nyecamun ŋakiro kec tari iwadio, ikotere nai aŋuna kus erubakinete Ŋakiro ŋuna Ajokak erae ŋuna a kire.

Ŋibur. 5:14

Nai erae akimuj ŋina nyamat ŋina a ŋituŋa a ŋulu apolok, a ŋulu ayenut anakitiya epite ŋolo etyaketa ŋakiro ŋuna ajokak ka ŋuna aronok.

Yud. 1:24

Epedori Akuj akiyok iyes nyikiguk ananupit ka ikiyau iyes emam asecit ka iyakatar alelyan tooma nakica ŋina ka apolou.