Yer. 15:16 - Ebaibul

¹⁶ Ibu iyoŋ kirwor ka abu ayoŋ opupok ŋakiro kon, apotu ŋakiro kon okoinakis ayoŋ alelyanu ka apotu toruwor ŋuna etalakarito etau kaŋ; anerae akanyaritae ayoŋ a ekiro kon, okoe Ekapolon Akuj ŋina a ŋajoresyo.

Yer. 15:16 Iomraidhean Croise

Neem. 8:12

Apotu nai ŋituŋa daadaŋ toloto lorerya kec akimuj ka akimat, inanakis ŋamuja ŋace neni a ŋulu amam ibore etemokinito akimuj ka tolelyana nooi, anerae apotu toyenut ŋakiro ŋuna alimokinio ikes.

Yob 23:12

Nyimyekina ayoŋ akiwuapit ŋuna ekecikit iŋes ayoŋ akiwuap, ericakinit ayoŋ alelakinit nooi ŋakiro ŋuna abu iŋes okolimok ayoŋ.

Ŋikiru. 119:111

Ŋakiro ŋuna itubunit iyoŋ ikes ainakinet kon neni kaŋ ŋikaru ka ŋikaru; ikes erae alelyanu ŋina ke etau kaŋ.

Ŋikiru. 119:16

Alakara ayoŋ anakiwuapit ŋakiro ŋuna itubunit iyoŋ, nyekemuryakini ayoŋ akirot kon.

Ŋikiru. 119:72

Ejokak aneni kaŋ nooi ŋikisila ŋulu ilimunit iyoŋ, akilo esilipa ke egolid ŋolo alalan nooi.

Ŋikiru. 119:97

Okoe ayoŋ amina nooi ŋikisila kon, atamatamae ayoŋ ikes apaaran jwii,

Ŋikiru. 19:10

Emaikina ikiburite nooi amina ikes akilo egolid, akilo tari egolid ŋolo eliuna ejok nooi; ebobok daŋ ikes akilo ao akilo tari ao ŋina eliuna bon anakap keŋ.

Yer. 14:9

Kaanukiro ityaa iyoŋ esibit ituŋanan ŋini nyeyeni ŋuna emaikina kitiya, esibit ekajion ŋolo adedeŋan ŋolo emam ibore epedori akitiya akiŋarakin ŋituŋa keŋ? Toyai bo iyoŋ okoe Ekapolon, kidiŋ kosi, ido ikinyaritae iyoŋ isua a ekiro kon, nyikiesik isua!

Esek. 2:8

“Nai iyoŋ lokoku a ituŋanan, kiira ŋakiro ŋuna erworo ayoŋ neni kon, nyiŋer ŋakiro kaŋ ikwa ekal ŋolo a ŋeron ŋol. Toŋaam kimuj ibore ŋini akainakini ayoŋ iyoŋ.”

Mika 2:7

Itami iyoŋ icenen Ŋisirael a? Adaun mono atitinyikinit aneni ke Ekapolon a? Epedori mono iŋes kire akitiya ŋakiro ŋuna ikote ŋun a? Nyirworo mono iŋes alotooma arimao neni a ŋulu itiyaete ŋuna iyookino a?”