Yer. 14:9 - Ebaibul

⁹ Kaanukiro ityaa iyoŋ esibit ituŋanan ŋini nyeyeni ŋuna emaikina kitiya, esibit ekajion ŋolo adedeŋan ŋolo emam ibore epedori akitiya akiŋarakin ŋituŋa keŋ? Toyai bo iyoŋ okoe Ekapolon, kidiŋ kosi, ido ikinyaritae iyoŋ isua a ekiro kon, nyikiesik isua!

Yer. 14:9 Iomraidhean Croise

2 Ŋakiro a ŋirwa 7:14

ani kitiditeunosi ŋituŋa kaŋ ŋulu enyaritae a ekiro kaŋ, ido kilipa ka kiwara akiŋolikin ayoŋ, kimyekis ŋipitesyo kec ŋulu aronok, eirari nai ayoŋ anakuj ŋakiro kec, ido esyoni asecit kec ka eterereŋ akwap kec.

Ŋikiru. 10:1

Okoe Ekapolon, kaanukiro iyakar iyoŋ neni alwanan? Kaanukiro iŋopiyanarya iyoŋ anapakio aŋuna ikiyakar isua locan?

Ŋikiru. 27:9

Nyikiesik ayoŋ, nyikiesik ayoŋ eketiyan kon aŋuna ka aŋoit kon, iyoŋ ibu toruwor ekeŋarakiniton kaŋ. Nyikiŋer ayoŋ, nyikimyek ayoŋ, okoe Akuj kaŋ, akaiunan kaŋ!

Ŋikiru. 46:5

Eyai Akuj tooma etaun ŋol, nyielar etaun ŋol jik, iŋarakini Akuj etaun ŋol apaki ŋina iwalarya akwap.

Isa. 12:6

Tocelutu nooi aŋun ka toeikisi ilelyanete iyes ŋituŋa daadaŋ ŋulu iyakasi Sion, anerae epol Akuj ŋina asegan ŋina a Isirael ŋina iboi alokidiŋ ŋituŋa keŋ.”

Isa. 43:7

Yautu daadaŋ ŋulu enyaritae a ekiro kaŋ, ŋulu abu ayoŋ osub aŋuna ka akitopoloor ayoŋ, ŋituŋa ŋulu abu ayoŋ oyeu ka osub.”

Isa. 51:9

Okoe apedor a Ekapolon, tonyou, tonyou kitoodiu agogoŋu kon. Tonyou ikwaŋina ibunio tonyounio koloŋ sek, ikwaŋina ibunio tonyounio ananyameta a ŋuna a koloŋ. Meere mono iyoŋ inyilinyiliyari Raab toruwor ŋanyile ka meere iyoŋ ibu kicum etyaŋ ŋolo adedeŋan a?

Isa. 59:1

Kiirasi, nyitamete atemar nyepedori Ekapolon alakun, kori nyepedori akiirar akigworo kus.

Isa. 63:19

Ikikwaanikin isua apaki ŋina aoyan ka ŋituŋa ŋulu nyipukat iyoŋ, ikikwaanikin ka ŋituŋa ŋulu nyeriŋa enyaritae a ekiro kon.

Yer. 15:16

Ibu iyoŋ kirwor ka abu ayoŋ opupok ŋakiro kon, apotu ŋakiro kon okoinakis ayoŋ alelyanu ka apotu toruwor ŋuna etalakarito etau kaŋ; anerae akanyaritae ayoŋ a ekiro kon, okoe Ekapolon Akuj ŋina a ŋajoresyo.

Yer. 51:5

Nyimyekina Akuj kec Ekapolon ŋolo a ŋajoresyo ŋituŋa a Isirael ka ŋituŋa a Yudaya. Tari kelalak anakwap kec ŋasecisya alokiŋaren ŋolo asegan ŋolo a Isirael.

Yer. 8:19

Kiirasi akigworo a ŋituŋa kaŋ, igworosi ikes aneni eapi ka aneni alwanan ebasi, “Emam mono Ekapolon alo Sion a? Emam mono erwosit a Sion alotaun keŋ a? Kaanukiro eketoŋoeta ikes ayoŋ a ŋitorubei kec, kaanukiro eketoŋoeta ikes ayoŋ a ŋitorubei a ŋakujo kec a ŋuna egelaaka?”

Aum. 5:20

Kaanukiro irubakinia iyoŋ pa ikitamunit isua apaki ŋina aoyan? Kaanukiro ikimyekinia iyoŋ isua ŋirwa ŋulu alalak?

Esek. 48:35

Emaikina alolomu a etaun irimokini cib erae ŋimitae ŋalipyo ŋakanikaomwon. Akisyakin apaki ŋin, enyarao ekiro a etaun ebe, “Eyai Ekapolon nen.”

Abak. 1:2

Okoe Ekapolon, tari ori akanyarit ayoŋ iyoŋ akiŋarakin ayoŋ nai nyipupi iyoŋ? Kori tari ori egworor ayoŋ abala, “Alalaari aryenyeo,” nai nyikiiuni iyoŋ isua?

Sakar 2:5

Ayoŋ elope aruwor arwatata ŋina ikwaan ka akim, arwatata ŋina irimokinit Yerusalem kidiŋ, ido ayoŋ elope apolokini.’ ”

Sakar 8:3

Aboŋuni ayoŋ Yerusalem lotaun kaŋ ŋolo asegan eboikin nen. Eyenunio iŋes erae etaun ŋolo eyai akikinyoma ka enyarao emukura ŋolo ke Ekapolon a ŋolo Etiron, emukura ŋolo asegan.

Ekim. 11:23

Toboŋok Ekapolon Moses tema, “Edit mono apedor ke Ekapolon a? Iŋolikini iyoŋ tokona, kiyookin ŋakiro kaŋ, kori pa kiyookin.”

Ŋitic. 15:17

Tosodo ŋituŋa ŋuluce--ŋituŋa daadaŋ ŋulu nyerae Ŋiyudayan ŋulu anyarau ayoŋ aruwor ŋulu kaŋ, ekewara ayoŋ.

2 Ŋikor. 6:16

Ikokinete ŋakujo ŋace elomarete Kai ka Akuj ai? Anerae ikirae iwon Akai ka Akuj a ŋina eyari! Ikwaŋina elimunitor Akuj ebe, “Abuni akiboi alotuŋa kaŋ, ido oruko ka ikes; oruwor ayoŋ Akuj kec ka eruworosi ikes ŋituŋa kaŋ.”

Ŋikis. 23:14

Kitiyata ŋun anerae irukito iyes ka Ekapolon Akuj kus iyakasi najore, ikotere ikiuni iyes ka ipotokini ŋimoe kus neni. Aŋun, emaikina neni iperete iyes eseg, ikotere nyiŋolik Ekapolon idiobore ŋini asiilyanan aneni kus, ido ikimyek iyes.

Ŋikis. 28:10

Eyenunete ŋituŋa a akwap a daadaŋ atemar irae iyes ŋituŋa a Ekapolon, ido ikikerete ikes iyes.

Ŋibur. 13:5

Nyiraakasi ŋulu iminasi ŋisiliŋa, kimwonikina a ŋiboro a ŋulu iyakatar iyes. Anerae alimu Akuj atemar, “Nyakaesikini ayoŋ iyoŋ jik, nyakacakari ayoŋ iyoŋ jik.”

Akis. 21:3

Abu eira etoil ŋolo apolon irworo alokicoloŋ a ŋolo ka apolou ebala, “Kiŋolik! Ameun tokona erukito Akuj ka ŋituŋa keŋ! Erukete iŋes ka ikes, eruworosi ikes ŋituŋa keŋ. Erukete Akuj alope ka ikes, eruwor iŋes Akuj kec.

1 Sam. 12:22

Aŋuna a ekiro keŋ a ŋolo epol nooi, nyeŋeri Ekapolon ŋituŋa keŋ, anerae abu iŋes tolakar ikituruwo iyes ŋituŋa keŋ.