Yer. 14:3 - Ebaibul

³ Iyakiyanarete ŋikapolok keŋ ŋiketiyak kec aokun ŋakipi, elosete ŋiketiyak ŋul nakarei toryamut emam ŋakipi, ido toboŋosi eororete ŋiboro kec. Irumito ikes ŋileec ka ekadakinit, ido imukito ŋakyes kec.

Yer. 14:3 Iomraidhean Croise

2 Sam. 15:30

Nai torotok Daudi a nen, kitipek emoru a ŋikito a ŋulu enyaritae Olipa, igworo elosi pa enapit ŋamuk; kimukite akou. Emukito ŋituŋa daadaŋ ŋulu arukito ka iŋes ŋakyes, kigworosi itipeete emoru.

2 Sam. 19:4

Kimuko erwosit ereet keŋ, kiworou nooi tema, “Okoe lokoku kaŋ Abusalom! Okoe Abusalom, lokoku kaŋ, lokoku kaŋ!”

1 Ŋirw. 17:7

Nai ani elunyar apaki adio, kijuwa ayonae toono deu, anerae amam akiru anakwap a ŋin.

2 Ŋirw. 18:31

Nyiirasi ŋakiro ŋuna ke Esekia, anerae ebala erwosit ŋolo ka Asiriya tojala ejie, potu esila, ikotere torubakis iboiyete alorerya kus, tonyam ŋinituŋanan epiini ka ŋiboboryo keŋ a elope, tomat daŋ ŋakipi a akare keŋ;

Esta 6:12

Ekaku, abu Moridekai toboŋo lopuke a erwosit, nai abu Aman kionyak atipei kai keŋ, kigwor a nen imukit akou.

Yob 6:20

Eyakaun ŋikarune neni kec aŋuna sek anupitotor atemar eya ŋakipi nen, nai ani epote ikes nen kitiilyata ŋayona eokito.

Ŋikiru. 109:29

Kimyek ŋulu ekesitakinito ayoŋ tobutasi ŋileec, kiluluyasi ikes ŋileec lopite ŋolo ikiluluyarya ekaaso.

Ŋikiru. 40:14

Kimyek daadaŋ ŋulu iwarito alemar akiyar kaŋ kisurumae ŋileec ka ŋibiler; kimyek daadaŋ ŋulu elakara aŋuna a ŋican kaŋ kiritarae ekadakinit.

Yer. 14:4

Alalata ŋakabaae anakwap, anerae mam akiru ayakaun nakwap, akadaki ŋiketak, aruwor ŋulu imukito ŋakyes kec.

Yer. 15:18

Kaanukiro nyedaununor aryeba kaŋ? Kaanukiro nyeiyonaryata ŋajemei kaŋ? Kire, ikoni iyoŋ aneni kaŋ ayonae ŋina edaunun ŋakipi ikamuni, ikoni iyoŋ eitanit ŋolo egolori ŋakipi.”

Yer. 2:13

“Anerae etiyata ŋituŋa kaŋ ŋaronisya ŋaarei: Akaesikis ikes ayoŋ, ŋolo ekoni aneni kec eitanit ŋolo a ŋakipi a ŋuna eteyarak, ido aboka aŋuna kec ŋakare ŋuna ebaabaato, ŋuna nyepedorete ŋakipi ayakau tooma kec.

Yer. 2:37

Ipote iyes aina daŋ iwokito ŋakan, anerae aŋer Ekapolon ŋituŋa ŋulu ikinyomito iyes, ido nyibarete iyes aneni kec.”

Yer. 20:11

Nai ikirukit ayoŋ ka Ekapolon ikwapei ekajion ŋolo adedeŋan, aŋun, nyepedorete ŋulu ecamito akiar ayoŋ akitiya idiobore, nyeruwor ikes ŋikelounak. Isirumyo ikes ŋileec nooi, anerae nyilounete ikes, nyimuryakin ajamuwaro kec ŋina a ŋikaru ka ŋikaru.

Yer. 3:3

Aŋun, ikimiki iyes akiru, ido nyebuno neni kus akiru ŋina ieteunio akwap; kikote neni daŋ, irubakinito iyes itamete mono ekiŋaren ŋuna ka amalao, iŋero iyes acamun atemar ikiryamu ŋileec.

Aum. 4:4

Emyekis ŋaberu ŋiŋwea kec eari akoro ka akure; ilipanarosi ŋidwe aŋuna ka akimuj, nai mam ituŋanan einakini ikes akimuj adio.

Osea 2:3

Ani pa kitiya iŋes ŋun, alacari ayoŋ ŋilowi aneni keŋ, emyek iŋes eleri lopite ŋolo aleryo akoloŋit ŋina edounere iŋes, emyekini ayoŋ iŋes toler, kikwaanikin ka aloŋisat ŋina emam ŋikito, esikwaanikini ayoŋ iŋes ka akwap ŋina eonit, ido emyek akure toar iŋes.

Yoel 1:20

Tari ŋityaŋ ŋulu ka ariet, ikigworonokinete iyoŋ; anerae aoko ŋayona ŋuna sek eya ŋakipi, ido anomiya akim ŋinya anadakar.

Amos 4:7

Abu daŋ ayoŋ nyekeyakik iyes akiru apaki ŋina edoŋitor ŋilapyo ŋiuni bon todol apaki ŋina elemere ŋikinyom. Abu ayoŋ eyaku akiru lotaun epei, nai nyeyakik akiru lotaun ece, ayai akiru lomanikor epei nai emanikor ŋolo amam akiru, apotu ŋikinyom keŋ toiniyasi,

Amos 4:8

aŋun, apotu ŋituŋa ke etaun a epei toloto lotaun ece aryamun ŋakipi ŋuna emasete, nai apotu nyeryamut ŋuna itemokino ikes; nai ipotu iyes nyikiwa.

Sakar 14:17

Ani keŋero ŋituŋa ka akwap ka adio akitipeiyor Yerusalem akilip neni ke Erwosit Ekapolon ŋolo etiron, emam akiru eryamunete.