Yer. 14:22 - Ebaibul

²² Epedorete mono ŋakujo a ŋakwapin ayaun akiru a? Kori epedori mono kidiama akimyekin akiru bu a? Okoe Ekapolon Akuj kosi, meere mono iyoŋ iyauni a? Ikiwuakinit isua akigeno kosi neni kon, anerae iyoŋ itiyae ŋun daadaŋ.

Yer. 14:22 Iomraidhean Croise

1 Ŋirw. 17:1

Tema Eliya Etisibait ŋolo alo Gilead neni ka Aab, “Ikwaŋinapei eyarya Ekapolon Akuj a Ŋisirael, ŋina arae ayoŋ eketiyan keŋ, emamukaun ŋakopi, kori akiru ŋikaru ŋulu eponito, mati kalimu ayoŋ.”

1 Ŋirw. 17:14

anerae adau Ekapolon Akuj a Ŋisirael alimun atemar nyedaun ŋakirya alocwee ka nyedaun akimyet anamot akitodol akoloŋit ŋina eyaunia Ekapolon akiru nakwap.”

1 Ŋirw. 18:1

Ani kelunyar ŋirwa ŋulu alalak, ekaku a ŋikaru a ŋiuni emam akiru, bu akirot a Ekapolon neni ke Eliya ebala, “Ape, kitoodiyar neni ka Aab, ido eyakiuni ayoŋ akiru nakwap.”

1 Ŋirw. 8:36

ekelipit kiira anakuj, ido kisyoni asecit a ŋiketiyak kon, a ŋituŋa kon a Ŋisirael. Kitatam ikes ŋipitesyo ŋulu ajokak ŋulu emaikina ikes kiwuapa; kiyakik akiru nakwap kec ŋina idau iyoŋ ainakin neni a ŋituŋa kon ikwapei akwap ŋina eruwor ŋina kec.

Yob 28:26

ŋina atubunio Akuj neni emaikina akiru kilim ka erot ŋolo emaikina kiwuap akiru ŋina alalan ŋina etepi tokusi;

Yob 5:10

Eyaununui iŋes akiru nakwap ka iwuanakini ŋakipi lomanikorin;

Ŋikiru. 130:5

Edarit ayoŋ Ekapolon ekeŋarak ayoŋ, edarit ayoŋ Ekapolon a etau kaŋ a daadaŋ, anerae ekinyomit ayoŋ akirot keŋ.

Ŋikiru. 135:7

Eyaununui iŋes ŋidouwon anakisaleta ka akwap; eyaununui iŋes akimilyaa aŋuna ka akiru, ido eyaununui ekuwuam aneni sek eyai.

Ŋikiru. 147:8

Ebutanakini iŋes ŋidouwon kidiama, eyaununui akiru kwap, iturupununui ŋinya alomukura.

Ŋikiru. 25:21

Elipi ayoŋ okoiu ajokis kaŋ ka akiyookino kaŋ, anerae ekegeno ayoŋ iyoŋ.

Ŋikiru. 25:3

Nyimyek ŋituŋa ŋulu ikigenosi iyoŋ kisirumae ŋileec; nai ŋulu ikiŋereneneete iyoŋ emam ŋuna ikiŋeritotor, ikes emaikina kisurumae ŋileec.

Ŋikiru. 27:14

Kidar Ekapolon! Togogoŋ ka kimyek etau kon tomukyaan, kidar Ekapolon!

Isa. 30:18

Kikote neni daŋ ecamit Ekapolon akitiya ajokis neni kus, aŋun ebuni iŋes akisyon iyes; anerae erae Ekapolon Akuj ŋina ka akiyookino, erereŋ daadaŋ ŋulu idarito iŋes.

Isa. 30:23

Iyakuuni iŋes akiru a ŋuna a ŋikinyom a ŋulu iekinete iyes nalup, ido akimuj ŋina elomuni analup, eruwor ŋina etuman ka ŋina alalan nooi. Akoloŋit ŋin, epote ŋaatuk kus adak neni ca daadaŋ eya ŋinya;

Isa. 41:29

Mam ipei daŋ, erae ikes daadaŋ ŋikalyokonok; erae ŋiticisyo kec ŋikoŋinae; erae ŋitorubei kec ekuwuam koŋin.”

Yer. 10:12

Erae Ekapolon iŋes asubuni akwap a apedor keŋ, iŋes ewuakini akwap a aosou keŋ, iŋes anayenut keŋ apetakini kidiama.

Yer. 10:13

Ani irworikini iŋes, kiguryakin ŋakipi alokidiama, itonyouni iŋes ekuno anakisalet a akwap. Iwuanakini iŋes akimilya toyakaun apaki ŋina eyakar akiru, eyaununui iŋes ekuwuam tokut anakibois a ŋina sek eyai.

Yer. 10:15

Erae ŋitorubei ŋul ŋicaryo, erae ŋulu itiyaunitae aŋuna ka ajamuwaro; apaki ŋina isicanere ikes, eŋopiyarete ikes.

Yer. 10:3

Erae ŋitalyo a ŋituŋa ŋikoŋinae, eyepunete ikes ekitoe anamoni, ido kiceu ka aep ituŋanan ŋini eyeni akicere ibore;

Yer. 16:19

Okoe Ekapolon, agogoŋu kaŋ ka aduketait kaŋ ŋina ajio alotooma, neni aŋopya ayoŋ akoloŋit ŋina a ŋican. Epote neni kon ŋituŋa a ŋakwapin anakisaleta a akwap. Elimunete ebe, “Mam ibore aryamut atapapaa kosi, nai amodiyo bon, aryamut ikes ŋiboro ŋulucaryo ŋulu emam akiŋarakinet iryamunia.

Yer. 5:12

Erworo ikes alyokonu aŋuna ke Ekapolon, atemasi ikes, “Emam ŋuna itiyakini Ekapolon. Emam aronis ebuni neni kosi, nyeyakaun ejie kori eron neni kosi.”

Yer. 5:24

Nyirworosi ikes alotai kec make ebe, ‘Okerito Ekapolon Akuj yok, ŋina ikiinanakini akiru anapaki a ŋina itemokino, iŋes ikiinanakini akiru ŋina ka akiceeret ka ŋina ka atepunet, ŋina itemokinit aŋuna yok ŋisabito ŋulu elemere.’

Yer. 51:16

Ani irworikini iŋes, kiguryakin ŋakipi alokidiama ido bu ekuno anakisaleta a akwap. Iŋes iwuakini akimilya toyakaun apaki ŋina ka akiru ka iŋes eyaununui ekuwuam tokut aneni sek eyai.

Osea 2:7

Iwuapi iŋes ŋikilyok ŋulu emina iŋes, nai nyerukauni ikes; iwari iŋes ikes, nai nyeryamuni ikes. Ekaku etemari iŋes, “Aboŋori ayoŋ neni alokile kaŋ a ŋolo a ekiŋaren, anerae ajok paaran akiyar kaŋ ikirukit ka iŋes akilo tokona.”

Yoel 2:23

Iyes ŋituŋa a Sion, tolelyana neni ke Ekapolon ka Akuj kus, anerae ikiinak iŋes iyes eketataman ŋolo ka akiyookino. Ikiyakiyanakini iŋes iyes akiru ŋina alalan lopite ŋolo pei sek anapakio aŋuna, ieteuni ka iceere, lopite ŋolopei sek ieteunio ka ŋuna iceereo.

Amos 4:7

Abu daŋ ayoŋ nyekeyakik iyes akiru apaki ŋina edoŋitor ŋilapyo ŋiuni bon todol apaki ŋina elemere ŋikinyom. Abu ayoŋ eyaku akiru lotaun epei, nai nyeyakik akiru lotaun ece, ayai akiru lomanikor epei nai emanikor ŋolo amam akiru, apotu ŋikinyom keŋ toiniyasi,

Mika 5:6

Isitiyaete ikes ŋiboro ŋulujiet areunia akwap ŋina ka Asiriya ka akwap ŋina a Nimirod, ido ikiiunete ikes iwon erae kepotu ŋituŋa ka Asiriya nakwap yok, kori kepotu lokukworin ŋulu ka akwap yok.

Mika 7:7

Nai ani eruwor ayoŋ edarit ayoŋ anakigeno Ekapolon, edarit ayoŋ Akuj akaiunan kaŋ; ekeirari ayoŋ Akuj kaŋ.

Mat. 5:45

ikotere nai iruworosi iyes ŋidwe a Papa kus a ŋolo eyai nakuj. Anerae itacaununui iŋes akoloŋ neni a ŋulu aronok ka neni a ŋulu ajokak. Iyakuununui akiru neni a ŋulu itiyaete ŋuna ajokak ka neni a ŋulu itiyaete ŋuna aronok.

Ŋikis. 28:12

Eŋaari Ekapolon aŋuna kus kidiama neni ebuneneo akiru kiyaku akiru, nakwap kus anapaki a ŋina itemokino, ido kiterereŋ ŋiticisyo daadaŋ ŋulu itiyaete iyes. Idenikinete iyes neni a ŋituŋa a ŋakwapin a ŋuna alalak, nai nyideniunete iyes aneni kec idiobore.

Ŋikis. 32:21

Apotu ikes eketililikis ayoŋ ibore ŋini nyerae akuj, eketoŋoa ayoŋ a ŋitorubei kec a ŋulu a ŋakujo. Aŋun, ainakini ayoŋ ikes tolilikis ibore ŋini nyerae ituŋanan, kitoŋoa ŋituŋa ŋulu abaŋaaka ikes.