Yer. 14:2 - Ebaibul

² Iyaloloŋete ŋituŋa a Yudaya, enyasun ŋitaunio kec, eperete ŋituŋa a Yudaya alokwap iyaloloŋete ka arem akigworo a ŋituŋa a Yerusalem kidiama.

Yer. 14:2 Iomraidhean Croise

Yob 34:28

Apotu ikes kisigworo ŋikulyak todol akigworo kec neni ka Akuj, ido abu Akuj kiira akigworo a ŋituŋa a ŋulu esicanitae.

Ŋikiru. 144:14

agasi touryata ŋaatuk kosi nooi. Agasi nyikiremo isua ŋimoe ka nyikirikor nakwapin ka nyeyakaun ecelet ŋolo ka akiyaloloŋ lorotin ŋulu a ŋirerya kosi.

Awos. 2:24

Kiira Akuj aryeba kec, ido abu totamu Acamunet keŋ ka Aburaam, Isaka ka Yakob.

Isa. 15:5

Iyaloloŋi etau kaŋ a ŋuna a Moab, aema ŋikadokinok keŋ Soar ka aema Egilas-Selisiya. Etipeiyosi ikes alorot a ŋolo elosi Luis, itipeete ikes igworosi; elosete ikes alorot a ŋolo Oronaim igworosi aŋuna ka akinyasuno.

Isa. 24:11

Ecelasi ŋituŋa a ŋulu a etaun alorotin aŋuna emamukar epiini, apuripuryaar alelyanu daadaŋ, adaun alakara anakwap.

Isa. 24:4

Eoni akwap ka erinyiyori ibore daadaŋ. Eruwor akwap akoŋinait ka erinyiyori ibore daadaŋ. Eruwor kidiama akoŋinait kaapei ka akwap.

Isa. 24:7

Aoko ŋaraito a epiini, ainiyasi ŋikito a epiini, asiliyosi ŋitai a daadaŋ a ŋulu sek anaito alelyanu.

Isa. 3:26

Iwololoete ka igworete ŋituŋa alopukei a Sion. Eruwor Sion etaun ŋolo a ŋican, ikwaanikin ka aberu ŋina iboi alokwap emam ŋiboro enapit.

Isa. 33:9

Igworo akwap ka aruwor akoŋinait; eruma ŋileec Lebanon ka ainiyasi ŋikito keŋ; ekwaanikin Saron ka aloŋisat; araraar ŋakwii alokito a ŋulu a Basan ka Karimel.

Isa. 5:7

Erae Isirael emanikor ŋolo a epiini ŋolo a Ekapolon a ŋolo a ŋajoresyo, ido erae ŋituŋa a Yudaya ŋikito a epiini ŋulu ajokak ŋulu edupakinit Ekapolon. Eitanit Ekapolon atemar kitiyata ŋituŋa a Yudaya ŋuna iyookino, nai abu kiŋolik aara. Eitanit iŋes atemar toruwor ikes ŋulu iyookino, nai abu kiira akigworo bon!

Yer. 11:11

Aŋun, kire jik abuni ayoŋ ayaun ŋican neni kec ka nyesiyete ikes alocan a ŋul, tari kekekaloikis ikes ayoŋ, nyapupokini ayoŋ ikes.

Yer. 12:11

Eturuwosi ikes iŋes ereŋorot; aruwor iŋes ereŋorot ka igworo neni kaŋ. Aruwor akwap daadaŋ ereŋorot, nai mam ituŋanan emitakinit.

Yer. 12:4

Tari ori eonit akwap ka einito ŋinya anakwap? Aŋuna ka aronis a ŋina itiyaete ŋituŋa ŋulu iboiyete anakwap, adaun ŋityaŋ ka ŋikyeny, alimut ŋituŋa ebe, “Nyite Akuj ŋuna ikitiyae iwon.”

Yer. 18:22

Elipi kiirarae akigworo anakais kec, apaki ŋina iyaunia iyoŋ ŋimoe neni kec, anerae acamunosi ikes akikamun ayoŋ ka ayeununut ŋirotin ŋululokunet ayoŋ.

Yer. 4:28

Aŋuna a ŋakiro a ŋun, igworete ŋituŋa anakwap ka iryoniar kidiama, anerae adau ayoŋ akirwor ka acamit ayoŋ akitiyakin ŋun, eriŋa ayoŋ alosikinit akitiya ŋun, nyemyekini ayoŋ akitiyakin ŋun.”

Yer. 46:12

Eirasi ŋituŋa a ŋakwapin ŋuna a ŋileec kus ka ealakin akigworo kus akwap daadaŋ; anerae aarasi ŋikajiok make atwaka daadaŋ kaapei.”

Yer. 8:21

Akanomorit ayoŋ ikwapei enomoritor ŋituŋa kaŋ, egworo ayoŋ ka amin akadakinit neni kaŋ.

Aum. 2:8

Adau Ekapolon atubun atemar toritakinae ŋarwatatain a Sion kwap. Adau Ekapolon akipim aoyau a ŋarwatatain a Sion, ikotere eritaari daadaŋ, nyeŋayaŋaya Ekapolon aritaar ikes. Aritaiya Ekapolon ŋakais ŋuna aoyak ka ŋarwatatain, eperete daadaŋ alokwap.

Aum. 2:9

Aritaar ŋipukei a arwatata emuleleiyasi ŋamoru, amunaiya ka abilibilaa Ekapolon ŋasuwa ŋuna sek ilorere ŋikekya. Arikor nakwapin erwosit a Yerusalem ka ŋikapolok ŋulu epukatotor iŋes. Adaun ŋikisila. Nyisileerekino Ekapolon ŋikadwarak ŋakiro keŋ anakirujaeta.

Aum. 5:10

Etomwan pe akoro ŋawat kosi, ekokis emwaka ekeno, amwakut pe ŋamunyin a ŋawat kosi, ekokis emwaka ekitet.

Osea 4:3

Aŋun, idoŋi Isirael emam ibore eyai, emunyar ŋituŋa daadaŋ ŋulu eya nen, kaapei ka ŋityaŋ daadaŋ ka ŋikyeny tari ŋikolya emunyarosi.

Yoel 1:10

Enyasun ŋimanikorin, aoko ŋalup deu; Enyasun ŋikinyom, aoko ŋaraito a epiini deu, adaun akimyet.

Yoel 1:11

Kiyaloloŋo, iyes ŋiketak, kiwololoto, iyes ŋiketak ŋikito ke epiini; kiyaloloŋo aŋuna a ŋaganoi ka ŋikinyom ŋulu ikote erau anerae erikar ŋikinyom alomanikorin.

Yoel 1:14

Tolimutu akoloŋit ŋina asegan, ŋina iredakiniata akiron; Tonyarautu atukot ŋina italeuno. Tonyarautu ŋikasikou ka ŋituŋa daadaŋ ŋulu iboiyete anakwap kus ipotu Kai ke Ekapolon Akuj kus, kikaloikisi Ekapolon.

Yoel 2:6

Ebuli ŋakwapin iŋolikinete iŋes; esecasi ŋireetin a ŋituŋa a ŋul a daadaŋ.

Agai 1:11

Adau ayoŋ anyarare aonite min lomanikorin ka lokamukumukui, ido tonom ŋikinyom, ŋikito a epiini, ŋikito ŋulu a Olipa ka ibore daadaŋ ŋini eraununui analup, tonom ŋituŋa ka ŋityaŋ ta ibore daadaŋ ŋini itiyaete ikes.”

Sakar 7:13

Ikwapei aponiata ikes nyiirasi ŋakiro kaŋ apaki ŋina erworor ayoŋ, abu ayoŋ daŋ nyaboŋok ŋakiro kec apaki ŋina elipatar.

1 Sam. 5:12

Tolomununut ŋabusyo a nawat a ŋituŋa a daadaŋ a ŋulu pa apotu totwaka, abu akigworo a ŋituŋa todol nakuj.

1 Sam. 9:16

“Moi taparacu apaki napei na, eyakuuni ayoŋ neni kon ekile ŋolo ebunit anakwap a Benjamin, ido emaikina iyoŋ kiosak akimyet lokile ŋol, toruwor iŋes ekepukan a ŋituŋa kaŋ a Ŋisirael. Eiuni iŋes ŋituŋa kaŋ anakan a Ŋipilistin; anerae eŋolik ayoŋ ŋican ŋulu eryamunito ŋituŋa kaŋ ka adolu akigworo kec neni kaŋ.”