Yer. 14:16 - Ebaibul

¹⁶ Tosodi ŋituŋa daadaŋ ŋulu edwarete ikes ŋakiro kec, imasaryo kiŋa lorotin ŋulu a Yerusalem, erae ŋulu earit akoro ka ekileŋ, emamukaun ituŋanan ŋini enuki ikes, itiyakin ŋakiro ŋun neni kec a daadaŋ ka neni a ŋaberu kec neni a ŋidwe kec a ŋulusapa ta neni a ŋidwe kec a ŋulupesur, anerae esitiyae ayoŋ aronis kec akisicania ikes.

Yer. 14:16 Iomraidhean Croise

Ŋakit. 1:31

ikisicanio iyes anakiro a ŋuna itiyaete iyes, ikitedyakakinete iyes ŋakiro ŋuna itiyaete iyes,

Isa. 51:20

Eyalaar ŋidwe kus, eperete anakisaleta a ŋirotin a daadaŋ a ŋulu ke etaun ikamunitae ikes lopite ŋolo ikamunitor auno elob. Eŋoikinit Ekapolon ikes, eŋenyak Akuj kus ikes.

Isa. 9:16

anerae apotu ŋulu sek epukato ŋituŋa lu kitooliyosi ikes ka apotu ŋituŋa ŋulu epukatae ikes nyeyenut ŋuna emaikina kitiyata.

Yer. 16:4

Etwakete ikes a ŋidekesyo a ŋulu aarak, nyigworo ikes, kori nyenukyo ikes, ikokinete ikes aoret eperete alokidiama akwap. Earyo ikes a ekileŋ, etwakete ikes aŋuna a akoro ka eruworosi ŋawat kec akimuj a ŋikyeny ka ŋina a ŋityaŋ a ŋulu a ariet.

Yer. 18:21

Aŋun, kimyek akoro tomunya ŋidwe kec, kimyek ŋituŋa ŋul tomunyarae a ekileŋ, kimyek ŋaberu kec tomamukaun ŋidwe ka toruworos ŋapuseru. Elipi tomunya edeke ŋikilyok kec, toarae ŋisorok kec a ekileŋ alojie.

Yer. 20:6

Ani eruwor iyoŋ Pasur ka ŋituŋa a ekal kon daadaŋ, ikirikoryo iyes, ikiyaaryo Babilon, itwani iyoŋ a ina ka ikinukyo iyoŋ inaa kaapei ka ŋikonei kon daadaŋ ŋulu idwarenene iyoŋ neni kec ŋuna ka alyokonu.”

Yer. 27:15

Nyiyakuuna ayoŋ ikes, nai edwarete ikes ŋuna ka alyokonu alokiro kaŋ ecamito atemar ekerita ayoŋ iyes, ido tomunyaros iyes kaapei ka ŋikadwarak ŋulu edwareneete neni kus.”

Yer. 4:18

Ayaut ŋakiro ŋuna iwuapito iyes ka ŋuna itiyaete iyes ŋakiro nu neni kus. Akinyasuno kus iŋes ŋin, okoe kepipiliar! Adolu akinyasuno ŋin lotai kus.”

Yer. 5:31

edwarete ŋikadwarak alyokonu ka ipukato ŋisacaradotin lopite ŋolo elimokiniata ŋikadwarak ikes, italakarito ŋakiro ŋun ŋituŋa kaŋ, nai anu itiyaete iyes apaki ŋina ebunio asalunet?”

Yer. 7:33

eruworosi ŋawat a ŋituŋa a ŋul akimuj a ŋikyeny a ŋulu eporete ka akimuj a ŋityaŋ ka akwap, mam ituŋanan iritari ŋikyeny ka ŋityaŋ ŋul a nen.

Yer. 8:1

“Alimu Ekapolon atemar, apaki ŋin, elemunio analyalin ŋakoyo a ŋirwosi a Yudaya, ŋakoyo a ŋikapolok, ŋakoyo a ŋisacaradotin, ŋakoyo a ŋikadwarak ka ŋakoyo a ŋituŋa a ŋulu eboiyete alo Yerusalem,

Yer. 8:2

ido elokinio ikes nakoloŋ, lolap ka losubuna ŋulu alokidiama daadaŋ ŋulu sek apotu ikes tominakis ka kitiyanakis, ŋulu apotu ikes kiwuapa ka kiŋita ŋakiro, ido kilipa neni kec, nyecunakinio ikes iwapei tonukae, ikwaanikinosi ikes ka aoret ipetipetakina kwap.

Yer. 9:20

Okoe ŋaberu, kiirasi ŋakiro ŋuna ke Ekapolon, topupokisi a ŋaki kus ŋakiro ŋuna elimuni Ekapolon, kitatama ŋidwe kus ŋulupesur akiwolol, kitatama ŋikidunyet kus epite ŋolo kiwololoet.

Yer. 9:22

Irworo Ekapolon ebala, ‘Eperete anariet ikwa aoret ŋawat a ŋituŋa a ŋulu etwakito, eyakaun ikes nen ikwaan ka ŋatukon a ŋakasirim ŋuna imyekini ekaleman emanikor, ido mam ituŋanan epedori acunakin iwapei ŋawat a ŋituŋa a ŋul.’

Esek. 39:14

Ekaku a ŋilapyo a ŋikanikaarei, eseunio ŋikilyok ŋulu erae etic kec alosenen ŋinakibois daadaŋ anakwap a Isirael, ikotere enukete ŋawat a ŋikaremok a ŋul, ŋuna eriŋa eyakasi nakwap kec; erae ŋun aŋuna ka akitojok ikes akwap kec.

Amos 7:17

Aŋun, alimu Ekapolon ŋakiro nu ebe, ‘Eruwor aberu kon amalaat alotaun, ido earyo ŋidwe kon ŋulusapa ka ŋulupesur, ido tokorakinae akwap kon neni a ŋituŋa a ŋulugelae, itwani iyoŋ anakwap a ŋituŋa a ŋulu nyenupito Akuj, kire erikoryo Ŋisirael nakwap ŋinagela.’ ”

Mat. 15:14

Kimyekisi ikes make. Erae ikes ŋikarikok ŋulu emudukaka alokidiŋ ŋimudukanotin ŋuluce. Ani kerik ituŋanan ŋini emudukana emudukanot, imasakinosi ikes daadaŋ nauwuat.”

Akis. 16:1

Abu nai eira etoil ŋolo apolon alo Kai ka Akuj irworo neni a ŋimalaikan a ŋulukanikaarei ebala, “Toloto, tobukosi nakwap anyunyura ŋina ka Akuj anabakulei a ŋunakanikaarei!”