Yer. 14:14 - Ebaibul

¹⁴ Abu nai Ekapolon okolimok ayoŋ tema, “Edwarete ŋikadwarak alyokonu enyarito ekiro kaŋ, nyeyakit ayoŋ ikes, kori nyetemara ayoŋ ikes kirworo ŋun, kori nyirworo ayoŋ neni kec. Edwarete ikes neni kon ŋakisileerenokineta ŋuna ka alyoko, edwarete ikes ŋakiro ŋunacaryo ka amodiyo ŋina eyai natameta kec a ŋikulepek.”

Yer. 14:14 Iomraidhean Croise

Isa. 56:10

Emudukaka ŋiketeok a Ŋisirael, emamukatar ikes daadaŋ aosou, ikwaan ikes daadaŋ ka ŋiŋokwo ŋulu nyikomosi; irujaete eperete alokwap, eminasi ikes ajot

Isa. 9:15

Anyaritae ŋikasikou ka ŋikapolok akou a ŋituŋa, anyaritae ŋikadwarak ŋulu etatamete alyokonu kaku a ŋituŋa,

Yer. 20:6

Ani eruwor iyoŋ Pasur ka ŋituŋa a ekal kon daadaŋ, ikirikoryo iyes, ikiyaaryo Babilon, itwani iyoŋ a ina ka ikinukyo iyoŋ inaa kaapei ka ŋikonei kon daadaŋ ŋulu idwarenene iyoŋ neni kec ŋuna ka alyokonu.”

Yer. 28:11

Kirwor Anania alokiŋaren ŋituŋa daadaŋ tema, “Alimu Ekapolon ŋakiro ebe, ‘Epite ŋolopei ŋol iŋes alemarya ayoŋ apedor a erwosit Nebukadinesar a ŋolo a Babilon alotuŋa a ŋakwapin a daadaŋ eriŋa nyelunyara ŋikaru ŋiarei.’ ” Ekaku ŋun abu ekadwaran Yeremia torotok tolot a akeŋ.

Yer. 28:13

“Tolot tolimok Anania atemar ebala Ekapolon ebe, ‘Ibil iyoŋ ŋayokoi ŋuna itiyaunitae a ŋakito, nai ilunyokinio neni kon ŋayokoi ŋuna itiyaunitae a ŋasuwa.’

Yer. 28:15

Tolimok nai ekadwaran Yeremia ekadwaran Anania tema, “Kiira Anania, nyiyakuuna Ekapolon iyoŋ ka ibu iyoŋ inak ŋituŋa lu akigeno ŋuna ka alyokonu.

Yer. 29:21

Ŋakiro a Ekapolon a ŋolo a ŋajoresyo, Akuj a Ŋisirael ikes nu aŋuna ka Aab alokoku a Meseia a ŋulu edwarete neni kus ŋuna ka alyokonu alokiro kaŋ, ainakini ayoŋ ikes napedor a erwosit Nebukadinesar a ŋolo a Babilon, eari iŋes ikes iteete iyes.

Yer. 29:31

“Kiyakiya ituŋanan tolimok ŋituŋa ŋulu erikoritae Babilon ebe, ‘Alimu Ekapolon ŋakiro nu aŋuna a Semaia a ŋolo a Neelam, aŋuna abunio Semaia todwar neni kus tari ŋina pa eyakitor ayoŋ iŋes, ido ikiinak iŋes iyes akikinyom alyokonu

Yer. 37:19

Ai eya ŋikadwarak kon ŋulu adwarete aŋuna kon ebasi, ‘Nyebuni erwosit a Babilon akitijiore iyoŋ ka ŋituŋa a akwap a na?’

Yer. 5:31

edwarete ŋikadwarak alyokonu ka ipukato ŋisacaradotin lopite ŋolo elimokiniata ŋikadwarak ikes, italakarito ŋakiro ŋun ŋituŋa kaŋ, nai anu itiyaete iyes apaki ŋina ebunio asalunet?”

Yer. 8:10

Aŋun, ainakini ayoŋ ŋaberu kec neni a ŋituŋa a ŋice ka ainakini ŋimanikorin kec neni a ŋulu ilounete ikes alojie, anerae itiyaete ŋituŋa daadaŋ ŋuna nyiyookino, ŋulu apolok ka ŋulucaryo, ameun alokadwarak tari losacaradotin itiyaete daadaŋ ŋuna ka alyokonu.

Yer. 8:11

Itiyaete ikes esibit nyeryamunito ŋituŋa kaŋ ŋican, ido ebasi, ‘Ekisil, ekisil,’ tomam bo ekisil.

Aum. 2:14

Apotu ŋikadwarak kus kirujata aŋuna kus alyokonu ka ŋakiro ŋunacaryo, nyisileerekino ikes iyes ŋasecisya kus, ikotere iyes nyikirikor nakwapin. Nai apotu kirujata aŋuna kus alyokonu, ikiinakis iyes akinup ŋakiro ŋuna nyiyookino.

Aum. 2:9

Aritaar ŋipukei a arwatata emuleleiyasi ŋamoru, amunaiya ka abilibilaa Ekapolon ŋasuwa ŋuna sek ilorere ŋikekya. Arikor nakwapin erwosit a Yerusalem ka ŋikapolok ŋulu epukatotor iŋes. Adaun ŋikisila. Nyisileerekino Ekapolon ŋikadwarak ŋakiro keŋ anakirujaeta.

Esek. 12:24

Emamukaun nabo alotuŋa a Isirael ŋakitoodyanakineta ŋuna ka alyokonu, kori akidwar ŋuna etooliyorok.

Esek. 13:2

“Lokoku a ituŋanan, todwar itoroniyarit ŋikadwarak a Isirael ŋulu tokona edwarete. Tolimok ŋikadwarak ŋulu edwarete ŋuna etamununeete ikes ŋikulepek ebe, ‘Kiirasi akirot ŋina a Ekapolon,’

Esek. 13:23

eketuruwori ayoŋ iyes ŋulu nyiŋolikinete nabo ŋakitoodyanakineta ŋuna ka alyokonu kus, kori ŋulu nyidwarete ŋakiro ŋadi. Aiuni ayoŋ ŋituŋa kaŋ anapedor kus, toyenut nai iyes atemar arae ayoŋ Ekapolon.’ ”

Esek. 21:29

Erae ŋakitoodyanakineta ŋuna iteete iyes ŋuna nyiyookino; erae ŋakiro ŋuna edwaryo aŋuna kus amodiyo. Iruworosi iyes ŋulu aronok ŋulu itiyaete aronis, ebunit akoloŋit kus ŋina ikisicanere iyes, ikimunyaryo iyes a ekileŋ.

Mika 3:11

Etubete ŋikepukak a Yerusalem ŋakiro aŋuna a ŋakaluŋuluŋui, itatamete ŋisacaradotin keŋ ŋikisila aŋuna ke etacit, edwarete ŋikadwarak keŋ ŋakiro aŋuna a ŋisiliŋa; torae bo neni ke Ekapolon eyarikinito ebasi, “Kire jik, ikirukit iwon ke Ekapolon, emam awana ebuni neni yok.”

Sakar 10:2

Eminasi ŋituŋa alosenen akiŋita akiru nakujo, kori lomurok. Isilereununeete ŋice apolou a ŋakiro a ŋuna kirujatae, nai nyiyookino ŋakiro kec ka erae ŋakoŋinae. Aŋun, itwaŋaete ŋituŋa esibit ŋamesekin ŋuna eolito, eyakasi ikes locan, anerae emam ekarikon.

Sakar 13:3

Ani ketakanu nabo ekadwaran ece, etemarete atapapa kec ka atatoto kec neni kec ebe, ‘Emainina iyoŋ totwan, anerae ikilimokini iyoŋ isua alyokonu alokiro ke Ekapolon.’ Ani kedwar iŋes icumete ŋikauruunak keŋ iŋes toara.

Ŋikis. 18:20

Nai ekadwaran ŋolo irworo alokiro a ŋakujo, kori ŋolo elimuni alokiro kaŋ ŋakiro ŋuna pa alimokinit ayoŋ iŋes akirwor, emaikina ekadwaran ŋol totwan.”

1 Tim. 4:2

Akitatam ŋina ikoni ŋin, erae ŋina ebunit aneni a ŋikalyokonok a ŋulu emodiyaka, ŋulu etwakito ŋatameta kec esibit icunyitae ka asuwat a ŋina emwana.

1 Yoa. 4:1

Ŋikaakonei ŋuluminan, nyinupito ŋulu daadaŋ ebasi ebe ikiyakar Etau ŋolo ka Akuj, nai torota ikes erae keponito ŋatameta kec aneni ka Akuj, anerae aloto ŋikadwarak ŋulu alalak ŋulu alyokonok nakwap.