Yer. 14:13 - Ebaibul

¹³ Olimu nai ayoŋ otema, “Okoe, Ekapolon Akuj! Ŋikadwarak lu ŋulu elimonokinete ŋituŋa ebe, ‘Nyikiaryo iyes a ekileŋ, kori nyiyakaunotor iyes eron, nai akainakini ayoŋ iyes ekisil ŋolo a kire anakibois a na.’ ”

Yer. 14:13 Iomraidhean Croise

Isa. 56:10

Emudukaka ŋiketeok a Ŋisirael, emamukatar ikes daadaŋ aosou, ikwaan ikes daadaŋ ka ŋiŋokwo ŋulu nyikomosi; irujaete eperete alokwap, eminasi ikes ajot

Yer. 1:6

Abu nai ayoŋ otema, “Okoe Ekapolon Akuj! Kire jik, nyayeni ayoŋ erwor, anerae eriŋa ayoŋ arae idya.”

Yer. 20:6

Ani eruwor iyoŋ Pasur ka ŋituŋa a ekal kon daadaŋ, ikirikoryo iyes, ikiyaaryo Babilon, itwani iyoŋ a ina ka ikinukyo iyoŋ inaa kaapei ka ŋikonei kon daadaŋ ŋulu idwarenene iyoŋ neni kec ŋuna ka alyokonu.”

Yer. 23:17

Elimonokinete ikes ŋituŋa ŋulu ejamuwarito ŋakiro ka Akuj ebe, ‘Mam ŋuna aronok itiyakin neni kus;’ ka elimonokinete ikes ŋulu daadaŋ iwuapito anakisyaanu kec akisyaanu a ŋikadwarak a ŋul ebe, ‘Mam ŋican epote neni kus.’

Yer. 37:19

Ai eya ŋikadwarak kon ŋulu adwarete aŋuna kon ebasi, ‘Nyebuni erwosit a Babilon akitijiore iyoŋ ka ŋituŋa a akwap a na?’

Yer. 4:10

Abu nai ayoŋ otema, ‘Okoe, Ekapolon Akuj, kire idau iyoŋ amodikin ŋituŋa a Yerusalem analimokin ikes atemar emam ŋace eyakaun neni kus,’ toarete bo ŋimoe ikes!”

Yer. 5:12

Erworo ikes alyokonu aŋuna ke Ekapolon, atemasi ikes, “Emam ŋuna itiyakini Ekapolon. Emam aronis ebuni neni kosi, nyeyakaun ejie kori eron neni kosi.”

Yer. 5:13

Irworosi ikes ŋakiro nu, ikwaan ŋikadwarak ka ekuwuam, anerae emam akirot ŋina ka Akuj aneni kec, aŋun, itiyakinio neni kec daŋ ŋakiro ŋunapei irworosi ikes.

Yer. 5:31

edwarete ŋikadwarak alyokonu ka ipukato ŋisacaradotin lopite ŋolo elimokiniata ŋikadwarak ikes, italakarito ŋakiro ŋun ŋituŋa kaŋ, nai anu itiyaete iyes apaki ŋina ebunio asalunet?”

Yer. 6:14

Nyimadete ikes ŋajemei a ŋituŋa pa emisito akitojokun, ido ebasi, ‘Emam ŋace, emam ŋace,’ tomam bo ŋuna ejokak.

Yer. 8:11

Itiyaete ikes esibit nyeryamunito ŋituŋa kaŋ ŋican, ido ebasi, ‘Ekisil, ekisil,’ tomam bo ekisil.

Esek. 12:24

Emamukaun nabo alotuŋa a Isirael ŋakitoodyanakineta ŋuna ka alyokonu, kori akidwar ŋuna etooliyorok.

Esek. 13:22

Aŋuna abunio alyokonu kus kiwuak ajamao lotuŋa ŋulu sek ajokak, tari daŋ pa esicanit ayoŋ ikes ka aŋuna iponiata iyes kisimukekis ŋulu aronok arubakin itiyaete aronis akilo aiun akiyar kec;

Mika 3:11

Etubete ŋikepukak a Yerusalem ŋakiro aŋuna a ŋakaluŋuluŋui, itatamete ŋisacaradotin keŋ ŋikisila aŋuna ke etacit, edwarete ŋikadwarak keŋ ŋakiro aŋuna a ŋisiliŋa; torae bo neni ke Ekapolon eyarikinito ebasi, “Kire jik, ikirukit iwon ke Ekapolon, emam awana ebuni neni yok.”

2 Pet. 2:1

Ayakasi koloŋ ŋikadwarak ŋulu alyokonok lotuŋa; ikwaŋinapei ikoŋin, etakanunete ŋiketatamak ŋulu alyokonok aneni kus. Irepunete ikes ŋakitatameta ŋuna alyokonok ŋuna eyaunete akinyasuno ka eŋerete Ekapolon ŋolo abu tolaku ikes. Aŋun, eyaunete ikes neni kec akinyasuno atipei.