Yer. 14:12 - Ebaibul

¹² Tari kiredakis ikes akiron, nyeirari ayoŋ akigworo kec, tari keyaut ikes neni kaŋ ŋainakineta ŋuna epeyo ka ŋainakineta ŋuna a ŋikinyom, nyacamuni ayoŋ ŋainakineta kec, nai aari ayoŋ ikes a ekileŋ, a akoro ka a ŋidekesinei.”

Yer. 14:12 Iomraidhean Croise

Yob 27:9

Iirari mono Akuj akigworo kec apaki ŋina edolokinioto ŋican ikes a?

Ŋakit. 1:28

apaki nai ŋin inyaraata iyes aosou ikiŋarak iyes, nai nyikiŋarakini aosou iyes apaki ŋin, apaki ŋin, iwarete iyes aosou ilelakinito, nai nyiryamunete.

Ŋakit. 15:8

Erae ŋamuronisya a ŋulu aronok asiilyo aneni a Ekapolon, nai elakara Ekapolon aŋuna ka akilip a ituŋanan a ŋini iyookino.

Ŋakit. 21:27

Erae amuronot a ŋulu aronok ibore ŋini erae asiilyo, etya nai asiilyo ŋin ai erae keyaunitae amuronot ŋin aŋuna ka akitiyaa aronis!

Ŋakit. 28:9

Ani keŋer ituŋanan akiwuap ŋuna ebasi ŋikisila, eruwor tari ŋakisilipasinei keŋ asiilyo aneni ka Akuj.

Isa. 58:3

Ebasi ikes, “Kaanukiro ikiredanakinia isua akiron, nai nyikite iyoŋ isua? Ikitiditeunun isua make, nai nyimisit iyoŋ.” Topupokisi, itiyaete iyes ŋuna ikitalakarito iyes pei akoloŋit ŋina iredanakineta akiron, ido isicanito iyes ŋiketiyak kus.

Yer. 11:11

Aŋun, kire jik abuni ayoŋ ayaun ŋican neni kec ka nyesiyete ikes alocan a ŋul, tari kekekaloikis ikes ayoŋ, nyapupokini ayoŋ ikes.

Yer. 11:14

“Ani eruwor iyoŋ Yeremia, nyilipi aŋuna a ŋituŋa a ŋul, nyikeu akigworo kon, kori akilip aŋuna kec, anerae nyeirari ayoŋ ikes akanyarito ayoŋ apaki ŋina eyakaunotor ikes locan.

Yer. 15:1

Abu nai Ekapolon okolimok ayoŋ tema, “Tari kewua Moses ka Samuel alokiŋaren kaŋ akilip aŋuna a ŋituŋa, nyeminakini etau kaŋ ŋituŋa lu. Kirita ikes alokiŋaren kaŋ, emaikina ikes toloto.

Yer. 16:4

Etwakete ikes a ŋidekesyo a ŋulu aarak, nyigworo ikes, kori nyenukyo ikes, ikokinete ikes aoret eperete alokidiama akwap. Earyo ikes a ekileŋ, etwakete ikes aŋuna a akoro ka eruworosi ŋawat kec akimuj a ŋikyeny ka ŋina a ŋityaŋ a ŋulu a ariet.

Yer. 21:6

Aari ayoŋ ŋituŋa ŋulu iboiyete alotooma etaun lo, ŋituŋa ka ŋityaŋ daŋ, etwakete daadaŋ a edeke.

Yer. 24:10

ido eyakikini ayoŋ ikes ejie, akoro ka edeke, akitodol ŋina emunyarotor ikes jik anakwap a ŋina abu ayoŋ oinak neni kec ka neni atapapaa kec.’ ”

Yer. 32:24

Kiŋolik, ŋakititisyo ŋuna edukunitoe kidiama, ŋuna irikaunitere etaun ecamitae akikamar. Kiŋolik etaun neni ikoni, aapiki ŋituŋa a etaun ejie, akoro ka edeke, aapuu etaun akipotokin napedor a Ŋibabiloniyae a ŋulu itijiete iŋes. Eyookin ŋakiro ŋuna ibu iyoŋ tolimu lopite ŋolo iteo iyoŋ alope.

Yer. 6:20

Ekainyo kaŋ ekinyate ŋolo eyaunitae alo Seba, kori akasirimaete ŋina abobon ŋina eyaunitae anakwap a ŋina alwanan? Nyacamit ayoŋ ŋainakineta kus ŋuna epeyo, kori nyeketalakarito ayoŋ tari ŋamuronisya kus.

Yer. 8:13

“Apaki ŋina acamitor ayoŋ acunun ikes, apotu ikes kikwaanikin ka ekitoe a epiini ŋolo emam ŋaraito, apotu ikes kikwaanikin ka ebobore ŋolo emam ŋaboboryo, ŋolo einiyarito tari ŋakuii, ido ŋuna abu ayoŋ oinak ikes, adaunosi aneni kec.

Yer. 9:16

Ealari ayoŋ ikes nakwapin ŋuna nyeyenete ikes, kori ŋuna pa ayenete atapapaa kec, ido eyakikini ayoŋ ikes ŋimoe ŋulu epote akitijiore ikes tari ŋina amunyarya ayoŋ ikes daadaŋ.”

Esek. 14:19

Kori ani keyakiya ayoŋ edeke nakwap ŋin, obuko anakwap a ŋin ŋaokot alotooma anyunyura kaŋ, oar ŋituŋa ka ŋibaren a akwap a ŋin,

Esek. 14:21

“Ŋuna iŋita Ekapolon Akuj ikes nu, ‘Etya nai ai epite ŋolo erokyarotor ŋakiro alo Yerusalem apaki ŋina eyakuunia ayoŋ ŋakisicaneta kaŋ ŋuna apipilak ŋaomwon? Ŋimoe, eron ka ŋityaŋ ŋulu anyamak ta ŋidekesyo, tomunyasi ŋul ŋituŋa ka ŋibaren a Yerusalem.’

Esek. 8:18

Aŋun, anyunyurikin ayoŋ ikes, nyacamuni ayoŋ akiŋolikin ikes, mam tari nyesyoni ayoŋ ikes; tari kigworo ikes neni kaŋ opupi ayoŋ ikes iworoete nooi, nyapupokini ayoŋ ŋakiro kec.”

Osea 5:6

Elosete ikes akiwaarit Ekapolon emeto ŋamesekin ka ŋaatuk, nai nyeryamunete ikes Ekapolon, emyek Ekapolon ikes.

Amos 5:21

Aŋerit ka ajamuwarit ayoŋ ŋasuban kus, nyalakara ayoŋ apaki ŋina icunanakinotor iyes akinumunum ŋasuban kus.

Mika 3:4

Ebunit apaki ŋina ikalounioto iyes neni ke Ekapolon, nai mam ŋuna ikiboŋokini iŋes iyes, nyecamuni iŋes apupokin ŋakilipasinei kus, anerae itiyata iyes aronis.

Sakar 7:13

Ikwapei aponiata ikes nyiirasi ŋakiro kaŋ apaki ŋina erworor ayoŋ, abu ayoŋ daŋ nyaboŋok ŋakiro kec apaki ŋina elipatar.

Mal. 1:10

Ebala Ekapolon ŋolo etiron ebe, “Okoe kerae ca topedori epei alokidiŋ kus agolokin ŋikekya ŋulu ka Akai ka Akuj, itogolo iyes tojoŋoto akinok ŋakimya ŋuna emam ajokis Namuroet kaŋ! Nyalakara ayoŋ aŋuna kus; nyacamuni ayoŋ ŋainakineta ŋuna iyaunete iyes neni kaŋ.

Mal. 2:13

“Icebore ŋini itiyaete iyes iŋes en: Iteleleete iyes ŋakiyo kus a Namuroet ke Ekapolon. Igworosi ka iwololoete, anerae nyeriŋa Ekapolon emitakinit ŋainakineta, kori nyeriŋa elakara akijaun ikes anakan kus.

Akis. 6:8

Ani eŋoliyari, oanyuwa aŋole ŋina nyaŋaliban; anyaritae ekiro ke ekameton aŋole ŋin Atwanare, totupite akwap ŋina a ŋikatwak iŋes. Aponi inakinae ikes apedor ŋinakipukaet atutubet ŋina a ŋaomwon ŋina ka akwap, akiar alotooma ejiye ka eron ka edeke ka ŋityaŋ ŋulu adedeŋak.