Yer. 13:24 - Ebaibul

²⁴ Ekeelari ayoŋ iyes lopite ŋolo ekutarya ekuwam ŋikabinin analoŋisat.

Yer. 13:24 Iomraidhean Croise

Ŋikiru. 1:4

Nyikote ŋulu aronok nen, nai ikote ikes ŋamilo ŋuna ekutanari ekuwuam nariet.

Isa. 17:13

Irurumaete ŋituŋa a ŋakwapin lopite ŋolo irurumaata ŋakipi ŋuna alalak, nai ikilakini Ekapolon ŋituŋa ŋul, ido toema neni alwanan nooi, iritaryo ikes lopite ŋolo ekutarya ekuwuam ŋamilo alokidiama ŋimoru ka lopite ŋolo ipiripirya apuwa alokuwuam.

Isa. 41:16

ipyetarete iyes ikes, ido tokuta ekuwuam nariet ka kiela ikes ekuwuam ŋolo ekusi nooi. Ipote nai iyes alelyan aneni ke Ekapolon; ipote nai iyes akipuro Akuj ŋina asegan ŋina a Isirael.

Yer. 18:17

Ealari ayoŋ ikes alokiŋaren ŋimoe kec, lopite ŋolo ielarya ekuwuam ŋolo ekutunit alo Kide apuwa. Amuleni ayoŋ ikes, nyetoodikini ayoŋ ikes ereet kaŋ, akoloŋit ŋina eyakaunotor locan kec.”

Yer. 9:16

Ealari ayoŋ ikes nakwapin ŋuna nyeyenete ikes, kori ŋuna pa ayenete atapapaa kec, ido eyakikini ayoŋ ikes ŋimoe ŋulu epote akitijiore ikes tari ŋina amunyarya ayoŋ ikes daadaŋ.”

Aum. 1:15

“Adau Ekapolon akiŋer ŋikajiok kosi daadaŋ, adau anyaraun ŋasigarya akiman isua ka amunyar ŋisorok kosi. Epudaiya Ekapolon ŋituŋa kosi ikwa ipudaere ŋaraito a epiini aneni ecuyere.

Esek. 17:21

Earyo ŋasigarya keŋ daadaŋ apaki ŋina ebwaŋatar, ido ŋuna idoŋete, ielaryo ŋolowae ka akwap daadaŋ. Ŋakiro ŋun nai iyenunia iyoŋ atemar ayoŋ Ekapolon abu erwor ŋakiro ŋun.’ ”

Esek. 5:12

Atutubet kus apei alotooma ŋauni, emunyari edeke, kori emunyari eron alokidiŋ kus; atutubet ŋina a ŋaarei alotooma ŋauni, earakinio kiŋa ŋarwatatain a etaun kus ka atutubet ŋina a ŋauni alotooma ŋauni, eelari ayoŋ nariet, ido etutupak ikes ekileŋ kaŋ.

Esek. 5:2

Ani edaun ŋirwa ŋulu irikaunitere Yerusalem, emaikina kicuny alotooma etaun ŋitim ŋul atutubet apei alotooma ŋauni. Tolemu nabo atutubet ŋina a ŋaarei totubutubu a ekileŋ irimi alokiŋa etaun. Tosodi atutubet ŋina a ŋauni, emaikina kiela lokuwuam etutupak ayoŋ ikes ekileŋ kaŋ.

Esek. 6:8

“‘Nai apiyanuni ayoŋ ŋituŋa kus ŋidi. Ebucarosi ŋidi kus anatwanare a ŋina ikiaryata ŋakwapin iyes, ido ielaryo ŋul nakwapin.

Osea 13:3

Aŋun, ikwaanikinosi ikes ka ekuno ŋolo ka ataparacu, kori ŋakopi ŋuna eŋopiyarete atipei eriŋa ataparacu, ikwaanikinosi ikes ka ŋamilo ŋuna ekutari ekuwuam analos, kori apuru ŋina ipwororit alodirisa.

Ŋilep. 26:33

Ekeelari ayoŋ iyes nakwapin, ido eturubakini ayoŋ ŋimoe ikiwuapito iyes. Idoŋi akwap kus erae ŋina asilon ka eruwor ŋitaunio kus ŋireŋoroto.

Sepan. 2:2

tocununos eriŋa iyes nyiritara nariet ikwa ŋikabinin ŋulu ekutarit ekuwuam, eriŋa nyedoluno neni kus anyunyura ŋina aronon ŋina ke Ekapolon. eriŋa nyedoluno neni kus akoloŋit ŋina ka anyunyura ke Ekapolon.

Luk. 21:24

Earyo ikes ŋice ka atum, ŋice eruworosi ŋirikon nakwapin ŋunace; ipudaete ŋituŋa ŋulu nyerae Ŋiyudayan Yerusalem, akitodol ŋirwa ŋulu esalunia apukan a ŋituŋa a ŋulu nyerae Ŋiyudayan.

Ŋikis. 28:64

Ikielari Ekapolon iyes nakwapin, idolete iyes nakisaleta ŋuna ka akwap, itiyanakinete iyes a nen ŋakujo ŋuna itiyaunitae a ŋakito ka ŋamoru, ŋakujo ŋuna nyeyenuna iyes ŋinapei, kori atapapaa kus.

Ŋikis. 32:26

Abu ayoŋ otamu akielar ikes ekisa ikes anatameta a ŋituŋa,

Ŋikis. 4:27

Ikielari Ekapolon iyes nakwapin a ŋituŋa a ŋulugelae, ŋidikudyo bon alotooma kus idoŋete nakwapin ŋuna ikirikori Ekapolon iyes.