Yer. 13:23 - Ebaibul

²³ Epedorete mono ŋituŋa ka Esiopia akilocokin eyakae a ŋawat kec a? kori epedori eris akilocokin ŋameriyek keŋ a? Iŋes atemar iyes daŋ ipedorete akilocokin ŋiticisyo kus ŋulu aronok toruworos ŋulu a jokak.

Yer. 13:23 Iomraidhean Croise

2 Ŋirw. 17:40

Nai apotu ŋituŋa nyiirasi ŋakiro ŋun, torubakis iwuapito ŋitalyo kec ŋulu ŋorok.

Ŋakit. 27:22

Tari kibuŋae ibaŋaanot kirakar, mam ituŋanan epedori akibuŋaar abaŋao todaun aneni keŋ.

Ekal. 1:15

Nyepedori ibore ŋini ilugilugitoe kitoonoi arikin tocorotot; nyemaikina kimarakinae ibore ŋini emam loboro ŋulu eya.

Isa. 1:5

Kaanukiro iwaritotor ŋakibuŋaeta ŋace? Kaanukiro irubakinitotor irae ŋikaŋerok? Idyakasi iyes ŋakyes ka alilimiyosi ŋitai kus.

Yer. 17:9

“Emodiyana etau akilo ŋiboro daadaŋ, nyepatana akitojokun, ŋae epedori ayenun iŋes?

Yer. 2:22

Tari kiloŋanarosi iyes ke esabuni ka kisitiyaete esabuni ŋolo alalan nooi, eriŋa ayoŋ ete ekaile aneni kus ŋolo ka asecit.

Yer. 2:30

Abu ayoŋ esican ŋituŋa kus, nai mam ŋuna ajokak aneni kaŋ apotu kitiyakin; apotu ikes nyecamut ŋuna abala ayoŋ kiwuapa. Ipotu iyes pei toara ŋikadwarak kus a ekileŋ, lopite ŋolo earya eŋatuny ŋolo adedeŋan ŋityaŋ.

Yer. 4:22

Irworo Ekapolon ebala, “Ebaŋaaka ŋituŋa kaŋ, nyakayenete ayoŋ, erae ikes ŋidwe ŋulu ebaŋaaka, emam ŋakiro eyenete. Eyenete ikes akitiya aronis, nai nyeyenete akitiya ajokis.”

Yer. 5:3

Okoe Ekapolon, meere mono ŋuna a kire ite iyoŋ a? Idau iyoŋ akisican ikes, nai eriŋa aryeba nyenomoro ikes; idau iyoŋ akitonomor ikes, nai aŋero ikes akiwuap ŋuna icamit iyoŋ. Etogogoŋ ikes ŋakyes kec lopite ŋolo egogoŋio ataaba; aŋero ikes aboŋun neni kon.

Yer. 9:5

Emodyanakinete ikes daadaŋ ŋiyeneta kec ka mam ituŋanan irworo ŋakiro ŋuna a kire etatama ikes ŋaŋajepa kec akirworo alyokonu, itiyaete ikes ŋuna ka asecit ka apapanut nyepedorito akiki.

1 Sam. 19:21

Ani elimokinio Saul ŋakiro a ŋul, kiyakiya iŋes ŋituŋa ŋice, apotu ŋul daŋ tolomasi neni a ŋuluce kirworo edwarete. Kiyakiya nabo Saul ŋituŋa ŋice akiyakiyaret ŋina a ŋauni, apotu ŋul daŋ tolomasi neni a ŋuluce kirworo edwarete.