Yer. 13:22 - Ebaibul

²² Tosodi ani kitama iyes alotai kus ebe, “Kaanukiro etiyakinotor ŋakiro nu neni kosi?” Etiyakin ŋun neni kus anerae alalaketa ŋiticisyo kus ŋulu aronok, ŋakiro ŋun iŋes ikirasere iyes.

Yer. 13:22 Iomraidhean Croise

Isa. 20:4

ebuni erwosit ka Asiriya arikor Ŋijipitian erae ŋienan ka ŋituŋa ka Esiopia erae ŋirikon, erikoryo ŋituŋa ŋul ŋisorok kaapei ka ŋikasikou, erikoryo ikes daadaŋ elerete ka emam ŋamuk enapito, totakanete ŋikaosios, itoodiunito ŋileec aŋuna a ŋituŋa a Ijipit.

Isa. 3:17

“Aŋun, itolomuni Ekapolon ŋajemei anakyes ikec, itorotokini ikes emam ŋilowi enapito anacirin.”

Isa. 47:8

“Aŋun tokona kiirasi ŋakiro nu, iyes ŋulu iminasi ŋakiro ŋuna ikitalakarito iyes ŋikulepek, iyes ŋulu iboiyete emam ŋace, iyes ŋulu itamete make alotai kus ebe, ‘Ayai ayoŋ ikikwaan ka Akuj, emam ice mati ayoŋ bon; nyeboikin ayoŋ esibit arae apuserut, kori nyetwakete ŋidwe kaŋ.’

Yer. 13:26

Ayoŋ elope alacari ŋilowi kus ekemyek iyes ilerete kiŋolikis ŋituŋa ŋileec kus.

Yer. 14:16

Tosodi ŋituŋa daadaŋ ŋulu edwarete ikes ŋakiro kec, imasaryo kiŋa lorotin ŋulu a Yerusalem, erae ŋulu earit akoro ka ekileŋ, emamukaun ituŋanan ŋini enuki ikes, itiyakin ŋakiro ŋun neni kec a daadaŋ ka neni a ŋaberu kec neni a ŋidwe kec a ŋulusapa ta neni a ŋidwe kec a ŋulupesur, anerae esitiyae ayoŋ aronis kec akisicania ikes.

Yer. 5:19

ido ani etemarete ŋituŋa kus ebe, ‘Kaanukiro etiyaa Ekapolon neni kus ŋakiro nu daadaŋ?’ Ilimokinete iyes ikes ebe, ‘Ikwapei ikiesikiniata iyes ayoŋ, ido aruwor ŋakujo ŋunagelae itiyanakinete iyes anakwap kus, ikwaŋinapei, ipote iyes akitiyanakin ŋituŋa ŋulugelae anakwap a ŋina erae meere ŋina kus.’ ”

Aum. 1:8

Apotu ŋituŋa a Yerusalem toseca nooi, aŋun, eturuwor iŋes etaun ŋolo ejamuwaritae, ajamuwasi iŋes ŋituŋa daadaŋ ŋulu sek etopoloorito, anerae eŋolikis emam ibore eyai; eumenete ŋituŋa keŋ ka nyecamito akiŋolikin etaun kec.

Esek. 23:26

Elacanaryo daŋ ŋilowi aneni kon ka eayo ŋasuwa ŋuna amilimilak ŋuna inapit iyoŋ.

Osea 12:8

Alimu Epuraim ebe, “Aa! Abar ayoŋ, aryamu ayoŋ abaru aŋuna kaŋ a elope, aloboro a daadaŋ a ŋulu aryamu ayoŋ, mam aronis adio erukaun aneni kaŋ ŋina asecitor ayoŋ.”

Osea 2:10

Tokona, esileereuni ayoŋ aleeco keŋ alokiŋaren ŋikilyok ŋulu emina iŋes, mam ituŋanan epedori aiun iŋes anapedor kaŋ.

Osea 2:3

Ani pa kitiya iŋes ŋun, alacari ayoŋ ŋilowi aneni keŋ, emyek iŋes eleri lopite ŋolo aleryo akoloŋit ŋina edounere iŋes, emyekini ayoŋ iŋes toler, kikwaanikin ka aloŋisat ŋina emam ŋikito, esikwaanikini ayoŋ iŋes ka akwap ŋina eonit, ido emyek akure toar iŋes.

Osea 2:5

Abu toto kec tomalaan topotiu ikes anamalao ka ŋileec. Abu iŋes tema, “Ewarari ayoŋ ŋikilyok ŋulu amina ayoŋ, ŋulu akainakinete ayoŋ akimuj ka ŋakipi kaŋ, ŋulu akainakinete ayoŋ ŋilowi ŋulu edonyunitoe a ŋajul a ŋamesekin ka ŋilowi ŋulu amilimilak, ŋikilyok ŋulu akainakinete ayoŋ akimyet ka epiini.”

Naum 3:5

ebala Ekapolon ŋolo a ŋajoresyo ebe, “Akaremokino ayoŋ iyoŋ Ninepe, alacari ayoŋ ŋilowi kon, ido tolerok iyoŋ, emyekini ayoŋ ŋituŋa a ŋakwapin ikiŋolikis iyoŋ ileri, iŋolikinete ŋapukasinei ŋileec kon.

Sepan. 1:12

Apaki ŋin, atiŋi ayoŋ etaa ŋolo enoki, ewarya ŋikasecak Yerusalem, ido esicani ŋituŋa ŋulu ebasi ikiyakar ibore daadaŋ, ŋulu irworosi ebe, ‘Emam ibore itiyakini Ekapolon alopite a lo kori a ŋol.’

Ŋikis. 18:21

Acepaki itemarete iyes neni kus make, “Ikiyenuni isua ikwaani akirot ŋina nyelimunit Ekapolon?”

Ŋikis. 7:17

Ani kitemasi iyes ebe, “Elalak ŋituŋa a ŋakwapin a nu akilo isua, ikikokini nai isua ikiritari ikes ai?”

Ŋikis. 8:17

Nyetema ituŋanan ebe, “Erae agogoŋu ka apedor kaŋ a ilope iŋes aryamunia ayoŋ abaru na.”