Yer. 13:18 - Ebaibul

¹⁸ Abu nai Ekapolon okolimok ayoŋ tema, “Tolimok erwosit ka arwosit ebe, ‘Kitiditeun bon anerae alemar ebokot ŋolo ebusan anakou kon,

Yer. 13:18 Iomraidhean Croise

2 Ŋirw. 24:12

Abu erwosit Yeoiakin tocamu Nebukadinesar kikama iŋes kaapei ka toto keŋ, ŋiketiyak keŋ, ŋikapolok anapukan keŋ ka ŋulu apolokinito akai ka apukan. Yaarae Yeoiakin erae emabus alokaru a ŋolo a ŋikanikauni ipukat iŋes Yudaya.

2 Ŋirw. 24:15

Toriko Nebukadinesar Yeoiakin erwosit a Yudaya nakwap a Babilon. Torikoe tari toto keŋ a erwosit, ŋaberu keŋ, ŋikapolok anapukan keŋ ka ŋikarikok ŋulu a Yudaya daadaŋ. Aponi yaarae ikes alo Yerusalem akien nakwap a Babilon.

2 Ŋakiro a ŋirwa 33:12

Ani eyakaun Manase locan ŋul, abu kiwar ajokis ŋina a Ekapolon Akuj keŋ, kitiditeun bon nooi aneni ka Akuj atapapaa keŋ.

2 Ŋakiro a ŋirwa 33:19

Ŋakiro ŋuna ka akilip a Manase, epite ŋolo ainakinia Akuj Manase ŋuna ewarit Manase ka ŋuna a ŋakiboisyo a ŋuna abu iŋes toduk nenimukur, ido kiwuanak ŋitorubei a akuj a ŋina anyaritae Asera ka ŋitorubei ŋice daŋ eriŋa nyitiditeuna bon, igiritae lokitaaboi ŋulu igiritae ŋakiro a ŋiketeyenikinak.

2 Ŋakiro a ŋirwa 33:23

Abu Amon nyitiditeun bon aneni ke Ekapolon ikwa papa keŋ, abu kitalala asecit keŋ.

Awos. 10:3

Aŋun, apotu Moses ka Aron toloto neni a Parao temasi neni keŋ, “Ŋakiro ŋuna iŋita Ekapolon Akuj a Ŋiburaniyae ikes nu: Tari ori iwounit iyoŋ akitiditeun aneni kaŋ? Kimyek ŋituŋa kaŋ toloto, ikotere ilipete neni kaŋ.

Awos. 39:28

Todonyu nabo ananaŋga a ŋina amilimilan akopiya, ŋakitambarae ŋuna enapyo anakou ka ŋisiriwali ŋulu ajokak nooi ŋulu edonyuno ejok,

Ŋakit. 27:24

anerae nyerae ebari ŋolo a ŋikaru ka ŋikaru, ido nyerubakini ebokot ŋolo ikitopolooritere iyoŋ eyai ŋanyameta ka ŋanyameta.

Isa. 3:20

ŋakitambarae ŋuna enapito ikes anakyes, ŋausyo ŋuna eenito ikes nakan, ŋinapen ŋulu a ŋacirin, ŋicupae ŋulu a ŋamyeta a ŋuna akukunyok ka ŋikito ŋulupipaet,

Isa. 3:26

Iwololoete ka igworete ŋituŋa alopukei a Sion. Eruwor Sion etaun ŋolo a ŋican, ikwaanikin ka aberu ŋina iboi alokwap emam ŋiboro enapit.

Isa. 47:1

Iyes ŋituŋa a Babilon, totiyaunos anakitopolooro kus, potu kiboikinos napuwa, ŋituŋa a Babilon, kiboikinos kwap emam akitopolooro, anerae nyeriŋa nabo iyes ikinyarao ŋulu idisyak ŋulu epatana akiŋo.

Yer. 22:24

Alimu Ekapolon ebe, “Ikwapei ayarya ayoŋ, tari kikoni Konia lokoku a Yeoiakim ŋolo a Yudaya ekaboboot ŋolo alokimoin a akan kaŋ a ŋina aloteten, akalemari ayoŋ iyoŋ,

Yer. 22:26

Ekeritari ayoŋ iyoŋ ka toto kon nakwap ace, nakwap ŋina pa ikidounere iyoŋ, ido itwanikini iyoŋ inaa.

Yer. 29:2

Etiyakin nu kedaut arotokin alo Yerusalem erwosit Yekonia ka toto keŋ, ŋikapolok ŋulu atubok ŋakiro, ŋikarikok a ŋituŋa a Yudaya ka Yerusalem, ŋiketiyak ŋiboro ka ŋiketiyak ŋiboro a ŋasuwa.

Yer. 36:16

Ani iirarete ŋikapolok ŋakiro ŋun daadaŋ, kiŋolikinosi make ebulit temasi neni a Baruk, “Kire jik, emaikina isua olimokisi ŋakiro nu daadaŋ neni a erwosit.”

Aum. 1:6

Adaun ailiil a ŋituŋa a Yerusalem daadaŋ. Ekwaanikin ŋikapolok a Sion ka ŋatili ŋuna alemun aŋuna ecanakinotor ŋinya; apotu ikes tonaparos epalag alokiŋaren ŋikewuapak kec.

Aum. 1:9

Ileere jik asiilyo a ŋituŋa a Yerusalem, nai apotu ikes nyitiyata ŋadi akiretakinia ŋican aneni kec. Arono nooi akinyasuno kec, mam ituŋanan epedori akisirworiun ŋituŋa a Yerusalem. Ebasi ŋituŋa keŋ, “Okoe Ekapolon, kiŋolik kareca ŋican ŋulu eryamunitae isua, anerae ikilout isua ŋimoe kosi.”

Aum. 2:10

Iboiyete ŋikasikou a Yerusalem alokwap ililiŋete cek; ipuripurito apuwa nakyes kec ka enapito ŋiguniyae; ijuuruyete ŋasorok ŋuna a Yerusalem.

Aum. 5:16

Adaun ibore daadaŋ ŋini sek ikituror isua. Aponi isua tosecae, ido tokona ikiryamunit isua ŋican.

Esek. 16:12

ekaboboot lokume, ŋamarotoi naki ka abu ewuak ebokot ŋolo ebusan nakou kon.

Esek. 21:26

alimu Ekapolon Akuj atemar, tolaca akopiya kon, tolaca ebokot kon, nyerubakinete ŋakiro ikote neni sek ekote. Itopolooryo ŋulucaryo ka itiditeunio ŋuluarwok.

Esek. 24:17

Igeuni iyoŋ akisuta, nai meere ŋina epupo; nyigwor aŋuna a ŋikatwak. Kimyek akopiya kon eenikina nakou ka ŋamuk kon eenikina nakejen; nyirap kwap ereet kon, kori nyinyam akimuj ŋina enyamete ŋikegworok.

Esek. 24:23

Imyekinete iyes ŋakopiyae kus eenikina nakyes kus ka ŋamuk eenikina nakejen kus; nyigworete, kori nyikalounete iyes aŋuna a ŋasecisya kus, nai iyaloloŋiyorete iyes aŋuna a ŋasecisya kus ka igworete iyes aŋuna a ŋinice.

Esek. 44:18

Emaikina ikes tonapa anakyes ŋakopiyae ŋuna amilimilak ka anacirin ŋisiriwali ŋulu amilimilak ŋulu erapuwarit elou ŋoloce. Nyemaikina ikes tonapa ibore idio ŋini isinyiriri ikes.

Dan. 5:20

Nai aŋuna abunio iŋes kiturokin, kitogogoŋ akou keŋ, kitiya ŋakiro anakituro, aponi tolemarae iŋes alokicoloŋ keŋ a ŋolo ka apukan ka aponi tolemarae apolou keŋ.

Yona 3:6

Ani iirari erwosit a Ninepe ŋakiro ŋun, tonyou alokicoloŋ keŋ a ŋolo ka apukan, tolaca ekaaso, tonap ŋiguniyae, kiboikin lokuron.

Mat. 18:4

Aŋun, ituŋanan ŋini itiditeun ikwa ikoku en, iŋes epol nooi a Napukan a ŋina anakuj.

Yak. 4:10

Kitiditeunos alokiŋaren Ekapolon, ido ikitopoloori iŋes iyes.

1 Pet. 5:6

Aŋun, kitiditeunos iyes anakan a ŋina ka apedor a ŋina ka Akuj, ikotere nai ikitopoloori iŋes iyes apaki ŋina ecamitor iŋes.