Yer. 13:16 - Ebaibul

¹⁶ Kitopoloosi Ekapolon Akuj kus eriŋa iŋes nyeyauna akiryonut nyikigukinia iyes alomoru apaki ŋina edoiyorya akoloŋ, kiirasi ŋakiro keŋ eriŋa iŋes nyelemara akica ŋina iitanito iyes eriŋa iŋes nyeyauna akiryonut ŋina alalan.

Yer. 13:16 Iomraidhean Croise

Yob 3:5

Elipi toruwor akoloŋit ŋin ŋina ka akiyaloloŋ ka ŋina iryonia akwap cuc, elipi torapuwasi ŋidouwon akwap akoloŋit ŋin; elipi toyakaun akiryonut ŋina etubulon akoloŋit ŋin.

Ŋikiru. 107:10

Apotu ŋice kiboiyoto anakiryonut ka anakiyaloloŋ, arae ŋul ŋimabus ŋulu aenen a ŋiriko, ŋimabus ŋulu aya locan,

Ŋikiru. 107:14

Abu yau ikes anakiryonut ka anakiyaloloŋ a ŋina apolon nooi a ŋin toŋedeŋedaa ŋiriko ŋulu aenitere ikes.

Ŋikiru. 29:2

Kipuro ekiro ke Ekapolon ŋolo eyakar apolou, kilipa neni ke Ekapolon apaki ŋina etakanunia iŋes anasegis keŋ.

Ŋikiru. 44:19

Nai ikiesik iyoŋ isua ikwa ŋamesekin ŋuna imyekinitae aneni eya ŋikweei, ikiesik iyoŋ isua anakiryonut a ŋina iryono cuc.

Awos. 10:21

Tema nai Ekapolon neni a Moses, “Kikyaa akan kon kidiama, ikotere toburusiya akwap a Ijipit akiryonut ŋina epedori ainakin ŋituŋa ekabule.”

Ŋakit. 4:19

Ikwaan erot a ŋulu aronok ka akiryonut ŋina iryono cuc, nyeyenete ikes atemar nyo ikiguk.

Ekal. 11:8

Emaikina ŋituŋa elakara ŋikaru daadaŋ ŋulu iboiyoto ikes anakwap a na, nai emaikina ikes etamunito atemar elalak nooi ŋikaru ŋulu eyakaun ituŋanan ekaku ka akiyar a na, ŋuna daadaŋ epote erae ŋakoŋinae.

Isa. 5:30

Akoloŋit ŋin, ipopolakinete ŋituŋa ŋul neni a Ŋisirael, irurumakinete ŋituŋa ŋul neni a Ŋisirael ikwa irurumaa anam. Ani kiŋolik ituŋanan akwap a Ŋisirael, iŋolikinete akiryonut ka ŋican; isiryonete ŋidouwon tari akica.

Isa. 59:10

Ikitwapitwapi isua esibit ikirae ŋimudukanotin, ikitwapitwapi isua esibit ikirae ŋulu emam ŋakonyen nyileerete ŋuna itiyao isua lopite ŋolo nyileereo ibore ekaikai akwap; ani erukitoe isua ka ŋulu egogoŋ, ikitakani ikisibit ŋikatwak.

Isa. 59:9

Aŋun, elwaka aneni kosi ŋakiro ŋuna ka akiyookino, nyeryamununio isua ŋakiro ŋuna ka akiyookino. Ikiitanit isua ayenun ŋakiro ŋuna a kire, nai erae ŋakiro daadaŋ abaŋao bon. ikitanit isua akitiya ŋakiro a alakara, nai ikilosi isua ikiyaloloŋi.

Isa. 60:2

Epetakin akirwonut akwap daadaŋ, erapuwari akirwonut ŋituŋa daadaŋ, nai ebuni Ekapolon neni kus, etakanuni apolou keŋ neni kus.

Isa. 8:22

kori ijuuruyete nai iŋolikinete ikes ŋican ka akiryonut, enyorididete ŋireetin kec ka eryebakinosi ikes, ido iritaryo ikes nakiryonut ŋinakiryonon cuc.

Yer. 14:19

Okoe Ekapolon, iŋer iyoŋ ŋituŋa a Yudaya jik a? Aluŋ mono etau kon Sion a? Kaanukiro ikisicania iyoŋ isua nooi adaunor epite ŋolo ikitaŋaleunere isua? Iitanitae isua ekisil, nai mam ajokis aryamun, iitanitae isua akitaŋaleuno, nai eryamunitae anyunyura akilo ekisil.

Yer. 2:6

Nyetemara ikes, ‘Ai eyai Ekapolon, ŋolo ikiyauni isua ikitipeunio anakwap a Ijipit, ŋolo abu ikirik isua analoŋisat ka anakwap a ŋina arae alaro ka ŋina aya ŋapanya, anakwap a ŋina aonon ka a ŋina a akiryonut a ŋina alalan, anakwap a ŋina emam ituŋanan epedori akitor, a ŋina emam ituŋanan iboiyo?’

Yer. 23:12

“Aŋun, erae ŋuna iwuapito ikes nakou kec, ikwaanikin ŋuna iwuapito ikes ka akiwuapit erot ŋolo ecurut iryono akwap, emyaaryo ikes nen kibusokinos; anerae ayauni ayoŋ ŋican neni kec alokaru a ŋolo isicanere ikes.

Yer. 4:23

Abu ayoŋ eŋolik akwap, okoe, acaryoono, amam ibore ayai; abu eŋoliya kidiama, amam akica ayai.

Yer. 50:6

“Apotu ŋituŋa kaŋ towoliyosi ikwa ŋamesekin ŋuna eoliyorito, etooliyosi ŋikeyokok kec ikes, ayaasi ikes kidiama ŋimoru, aloseneneete ikes alomoru tari lokamukumukui, emuryak ikes neni sek eperete.

Yer. 6:21

Aŋun, alimu Ekapolon ŋakiro nu, “Kiirasi ewuak ayoŋ aŋuna a ŋituŋa a lu, akigukinet ŋina isibusokini ikes, isibusokini akigukinet ŋin ŋikauruunak ka ŋidwe, emunyarosi ŋikidunyet ka ŋikonei.

Yer. 8:15

Ikiwarit iwon ekisil, nai mam ajokis aryamun, ikiitanit iwon akitaŋaleuno, nai eyakare iwon ekabule.

Aum. 4:17

Aponi isua kidarae ikiŋarak akwap adio, nai mam akiŋarakinet aponi toryamunae anakwap ka adio.

Esek. 21:15

Aŋun, elilimiyorete ŋitai a ŋituŋa kaŋ, ido emini ajamao neni a ŋulu alalak, ewuak ayoŋ ŋikaarak ikes lopukei kec daadaŋ. Ipareosi ŋileŋia kec a nen ikote akimilyaunet, etenito aŋuna ka akiar.

Esek. 34:12

Lopite ŋolopei iwararyata ŋikeyokok ŋamesekin kec ŋuna ielakina losipanin a ŋamesekin ŋuluce, ewarari ayoŋ daŋ ŋamesekin kaŋ. Aiuni ayoŋ ikes anakiboisyo a daadaŋ a ŋuna aponi kielarae ikes akoloŋit ŋina ka akiryonut ŋina alalaata ŋican.

Esek. 36:15

Nyiirarete nabo iyes ŋiyany ŋulu ikiyanyata iyes ŋituŋa a ŋakwapin ka nyiryamunete nabo iyes ŋican ŋulu ikijamuwaritotor iyes ŋituŋa a ŋakwapin, kori nyimyekinete iyes akwap kus emunaaryo.’ ”

Yoel 2:2

akoloŋit ŋina ka akiryonut ka akilurur, akoloŋit ŋina elalaata ŋidouwon ka ŋina elalaa akiryonut cuc. Ikiburusiyari asuisui a emaase ŋin ŋina alalan ka adedeŋan ŋina ebunio; lopite ŋolo eburusiyarya akiryonut ŋimoru; Nyetakanuna sek ekiŋaren emaase ŋolo etya ŋol nakwap ŋin; mam daŋ nyetakanuni nabo jik nanyameta ŋuna eponito.

Amos 4:13

“‘Kiirasi mono iyes iŋes ŋolo abu tosub ŋimoru ka ekuwuam, iŋes ŋolo isileerekini ŋituŋa ŋatameta keŋ ka iloconokini akuwar toruwor apaaran, iŋes ŋolo ipukat nakuj ka akwap, erae ekiro keŋ Ekapolon Akuj ŋina a ŋajoresyo.’”

Amos 5:18

“Ekaŋ iyes ŋulu iitanito akoloŋit ŋina ka Akuj! Anijokis iryamunete iyes akoloŋit ŋina ke Ekapolon? Eruwor akoloŋit ŋin ŋina ka akiryonut meere ŋina ka akica.

Mal. 2:2

Ani pa kiwuapa iyes iŋes ka ani pa kikitopoloosi iyes ayoŋ alotai kus, eyakuuni ayoŋ ŋicen neni kus, ido alemari ayoŋ ŋarereŋisyo ŋuna iryamunete iyes, toryamut ŋicen nabo daŋ adau ayoŋ alemar ŋarereŋisyo ŋun, anerae nyikitopoloorito iyes ayoŋ alotai kus.

Yoa. 12:35

Toboŋok Yesu tema, “Eyakaun akica ka iyes adiouriyen. Torubakisi ilosete eriŋa akica eyai, ikotere nyedolu akiryonut neni kus. Ituŋanan ŋini elosi anakiryonut, nyeyeni neni elosi.

Yos. 7:19

Tema Yosua neni ka Akan, “Lokoku, kitopoloo Ekapolon ŋolo erae Akuj a Ŋisirael, tolimok iŋes asecit kon. Tolimokinae ayoŋ ŋakiro ŋuna itiyat iyoŋ. Nyiwua ŋakiro ŋun aneni kaŋ.”

1 Pet. 2:8

ka daŋ “Amoru ŋin iŋes eguwanakini ŋituŋa, ataaba ŋina ibusonokini ikes.” Abu kiguki ikes, anerae awounete akinup akirot ŋina ka Akuj; arae ŋun ŋuna acamit Akuj kitiyakin neni kec.

1 Sam. 6:5

Aŋun, itemokino iyes kitiyaut ŋitorubei ŋikan ŋulu ikwaan ka ŋabusyo ka kitiyaut ŋitorubei a ŋidooi a ŋulu apotu kinyasut akwap, kitopoloosi Akuj a Ŋisirael. Acepaki ejoŋoe iŋes atiŋit iyes erono nooi kaapei ka ŋakujo kus ta akwap kus.