Yer. 12:4 - Ebaibul

⁴ Tari ori eonit akwap ka einito ŋinya anakwap? Aŋuna ka aronis a ŋina itiyaete ŋituŋa ŋulu iboiyete anakwap, adaun ŋityaŋ ka ŋikyeny, alimut ŋituŋa ebe, “Nyite Akuj ŋuna ikitiyae iwon.”

Yer. 12:4 Iomraidhean Croise

Ŋikiru. 107:34

Abu kituruwo ŋalup ŋuna ajokak acumbi koŋin, anerae apotu ŋituŋa ŋulu eboiyete a nen toruwor ŋulu aronok.

Ŋikiru. 50:21

Idaut iyes akitiya ŋakiro ŋun, ido eliliŋi ayoŋ cek; itamete iyes atemar kori ekoni ayoŋ iyes. Nai tokona ekeyeyakini ayoŋ iyes, ido akalimokini tokona ŋuna ekesitakinitor.

Isa. 24:4

Eoni akwap ka erinyiyori ibore daadaŋ. Eruwor akwap akoŋinait ka erinyiyori ibore daadaŋ. Eruwor kidiama akoŋinait kaapei ka akwap.

Isa. 24:6

Aŋun, amunyasi ŋilam akwap, aryamut ŋituŋa ŋulu iboiyete anakwap ekaile ŋolo ka asecit; aŋun, adaun ŋituŋa anakwap edoŋ ŋidikudyo.

Yer. 12:11

Eturuwosi ikes iŋes ereŋorot; aruwor iŋes ereŋorot ka igworo neni kaŋ. Aruwor akwap daadaŋ ereŋorot, nai mam ituŋanan emitakinit.

Yer. 14:2

Iyaloloŋete ŋituŋa a Yudaya, enyasun ŋitaunio kec, eperete ŋituŋa a Yudaya alokwap iyaloloŋete ka arem akigworo a ŋituŋa a Yerusalem kidiama.

Yer. 23:10

Alalata anakwap ŋituŋa ŋulu nyikinyomito Ekapolon, igworosi ŋituŋa anakwap aŋuna icenitere ikes ka aoko ŋadakarisinei ŋuna edakasi ŋibaren. Etiyata ŋituŋa ŋuna aronok ka nyiyookino agogoŋu kec.

Yer. 4:25

Abu ayoŋ oŋoleŋolek, okoe amam ituŋanan ayai ipei daŋ, aris ŋikyeny daadaŋ keporosi.

Yer. 4:28

Aŋuna a ŋakiro a ŋun, igworete ŋituŋa anakwap ka iryoniar kidiama, anerae adau ayoŋ akirwor ka acamit ayoŋ akitiyakin ŋun, eriŋa ayoŋ alosikinit akitiya ŋun, nyemyekini ayoŋ akitiyakin ŋun.”

Yer. 5:13

Irworosi ikes ŋakiro nu, ikwaan ŋikadwarak ka ekuwuam, anerae emam akirot ŋina ka Akuj aneni kec, aŋun, itiyakinio neni kec daŋ ŋakiro ŋunapei irworosi ikes.

Yer. 5:31

edwarete ŋikadwarak alyokonu ka ipukato ŋisacaradotin lopite ŋolo elimokiniata ŋikadwarak ikes, italakarito ŋakiro ŋun ŋituŋa kaŋ, nai anu itiyaete iyes apaki ŋina ebunio asalunet?”

Yer. 7:20

Aŋun, alimu Ekapolon Akuj atemar, aŋoikini ka anyunyurikin ayoŋ ikes etiyakini ŋuna aronok neni a ŋituŋa ka ŋityaŋ, neni a ŋikito a ŋulu ke emanikor ka ŋaraito ŋuna ka akwap, enokuni aŋoit kaŋ ikwa akim ka mam ituŋanan epedori akituduŋere.

Yer. 9:10

“Tema Yeremia, Egworo ka ewololoe ayoŋ aŋuna a ŋimoru ka ewololoe aŋuna a ŋinya a ŋulu ka aloŋisat, anerae aruwor ŋikoŋinae, emam ibore itorenene nen, nyeriŋa epupyo ŋaatuk erwosi a nen, aekasi ŋikeny ka ŋityaŋ a nen.

Yer. 9:9

Nyesicani mono ayoŋ ikes aŋuna a ŋakiro a ŋun a? Nyenyaŋari mono ayoŋ aronis a ŋituŋa a akwap a ŋina itiyaete ŋituŋa keŋ ŋakiro ŋuna ikote nu a?

Osea 4:3

Aŋun, idoŋi Isirael emam ibore eyai, emunyar ŋituŋa daadaŋ ŋulu eya nen, kaapei ka ŋityaŋ daadaŋ ka ŋikyeny tari ŋikolya emunyarosi.

Yoel 1:18

Kiirasi epite ŋolo erwotor ŋibaren! Irimito ŋisipanin a ŋaatuk, anerae emam ŋinya edakasi; tari ŋisipanin a ŋamesekin, eryamunito ŋican.

Amos 1:2

Tema Amos, “Ipopolae Ekapolon alo Sion, egiro etoil keŋ alo Yerusalem; aoko ŋinya aneni edakasi ŋibaren. aoko alomoru Karimel.”

Abak. 3:17

Tari daŋ pa keraito ŋiboboryo ka pa keraito ŋikito ŋulu ke epiini, tari daŋ pa keraito ŋikito ŋulu ka olipa ka kemam ibore erait alomanikor, tari daŋ kemunyar ŋamesekin daadaŋ, toororut ŋatamausinei a ŋaatuk,

Sakar 1:12

Kiŋit nai emalaika Ekapolon tema, “Ekapolon ŋolo Etiron, tari ori iwounit iyoŋ ainakin akisyon neni a Yerusalem ka lotaunio ŋulu a Yudaya, ŋulu irubak iyoŋ iŋoikinit tari tokona ŋikaru ŋatomonikanikaarei?”

Ŋirom. 8:22

Anerae ikiyeni iwon atemar akitodol tokona, irurumaete ŋisubuna daadaŋ eryebasi ikwa aberu ŋina edolit akidoun.