Yer. 12:13 - Ebaibul

¹³ Apotu ikes toekis ŋikinyom ŋulu ikote erau, nai alemut ŋikukwa, apotu ikes kitiyata etic ka agogoŋ, nai mam ibore aryamut. Aŋuna ka aŋoit a ŋina a Ekapolon, mam ibore elemunete ikes alomanikorin kec.”

Yer. 12:13 Iomraidhean Croise

Ŋikiru. 78:62

Abu kipotok ŋituŋa keŋ neni a ŋimoe kec; abu iŋes toŋoit nooi ŋituŋa keŋ.

Isa. 55:2

Kaanukiro isitiyaere iyes ŋisiliŋa kus agyelya ibore ŋini nyerae akimuj? Kaanukiro icanicaniata iyes agogoŋu kus a etic a ŋolo nyiryamunia akimwonikina? Topupokinae ayoŋ ejok, ido kimuja akimuj ŋina ajokan ka tolakaros imujete akimuj ŋina etuman.

Yer. 17:10

Ayoŋ ŋolo arae Ekapolon ekatanakini ŋatameta a ŋituŋa ka aripiripi ŋitai kec, ikotere ainakini ŋinituŋanan ikwapei eyakatar ŋipitesyo keŋ, lopite ŋolo emaikina ŋinituŋanan eyakar aŋuna a ŋiticisyo keŋ.

Yer. 4:26

Abu nabo ayoŋ oŋoleŋolek, okoe eŋolik akwap ŋina sek ajok keruwor aloŋisat, eŋolik ŋitaunio keŋ daadaŋ keruworosi ŋulu inyasuna aŋuna ka aŋoit a Ekapolon a ŋina a dedeŋan.

Yer. 9:5

Emodyanakinete ikes daadaŋ ŋiyeneta kec ka mam ituŋanan irworo ŋakiro ŋuna a kire etatama ikes ŋaŋajepa kec akirworo alyokonu, itiyaete ikes ŋuna ka asecit ka apapanut nyepedorito akiki.

Osea 8:7

Eeyanakinete ŋituŋa a Isirael ekuwuam ŋolo ekusi iwadio lomanikorin kec, aŋun, elemunete ekuwuam ŋolo ekusi nooi kipiripiri, nyesuronorete ŋikinyom alomanikorin kec, emam akimuj eryamunio alomanikorin kec, ani kerae toraunito, keponito ŋituŋa ŋuluce alemar.

Ŋilep. 26:16

etiyakini nai ayoŋ nu neni kus: Ekesicani ayoŋ iyes toryamut ekabule alodekesyo ka alolekesyo a ŋulu ikitumudukanete ka kitiiniyasi ŋawat kus tari natwanare. Itaete iyes ŋikinyom kus, nai mam ibore iryamunete, irikarete ŋimoe kus.

Ŋilep. 26:20

Eruwor ŋiticisyo kus ŋicaryo, anerae nyerayete ŋikinyom kus, nyerayete tari ŋikito ŋulu ka ariet.

Mika 6:15

Epedorete ikes aekin, nai mam ibore elemunete; icuunete iyes akimyet alokito ka Olipa, nai nyiosakinosi akimyet adio daŋ, icuunete iyes epiini, nai nyimasete edio daŋ,

Abak. 2:13

Etiyata ŋituŋa ŋulu ikamasi iyes etic ŋolo a ikoŋin, anerae ibore daadaŋ ŋini etiyata ikes, icunyaryo, Ekapolon ŋolo Etiron iŋes itiyae ŋun.

Agai 1:6

Idaut iyes akitare akimuj ŋina alalan, nai ilemut adio cici; imujete iyes, nai nyeryamuna iyes akimuj ŋina ikitemokino; imasete iyes, nai nyeryamuna iyes ŋimaten ŋulu ikitemokino, inapete iyes ŋilowi, nai mam ipei daŋ ŋini nyenyamit akaterot ka iyes ŋulu iryamununeete eropit, iryamununeete eropit kus, nai iroporito ŋisiliŋa alocweei kus.”

Agai 1:9

Ayoŋ Ekapolon ŋolo Etiron abala nen, ipotu iyes kiwara aryamun akimuj ŋina alalan, nai kiŋolikisi, abu toruwor ŋina edit, ani iyaunete iyes akimuj ŋin lore, abu ayoŋ okuta akimuj ŋin nariet. Kaanukiro? Erae aŋuna eriŋaakar Akai kaŋ eritakina, ido itiŋiyara iyes daadaŋ aŋuna a ŋakais kus a ŋikulepek.

Ŋirom. 6:21

Nyo nai ipotu iyes toryamut apaki ŋina itiyaata iyes ŋakiro ŋun ŋuna tokona ikirumitotor iyes ŋileec? Atwanare iŋes abu bu anakiro a ŋun!

Ŋikis. 28:38

“Iekinete iyes ŋikinyom ŋulu alalak lomanikorin kus, nai ilemunete ŋidikudyo, anerae irikari emaase ikes.