Yer. 12:11 - Ebaibul

¹¹ Eturuwosi ikes iŋes ereŋorot; aruwor iŋes ereŋorot ka igworo neni kaŋ. Aruwor akwap daadaŋ ereŋorot, nai mam ituŋanan emitakinit.

Yer. 12:11 Iomraidhean Croise

Ekal. 7:2

Ejok alosit kai ŋina igworore akilo alosit kai ŋina itiyaere ŋasuban, anerae erae atwanare ŋina a ŋituŋa a daadaŋ emaikina ŋituŋa ŋulu eriŋa eyarete kirica ŋakiro ŋun alotai kec.

Isa. 42:25

Ŋakiro ŋun ikes ainakinete iŋes anyunyurikin iwon nooi ka akiteryenyaanikin ŋimoe alojie; apotu ŋakiro ŋun inakis iŋes akiteryenyaanikin iwon ŋimoe alowaetin a daadaŋ, nai aponi iwon nyeyenun ŋun; apotu ŋun ikimunyasi iwon, nai aponi iwon nyeyenun ŋadi daŋ.

Isa. 57:1

Ani etwakete ŋituŋa ŋulu iyookino, emam ituŋanan emisit atamatam alotau keŋ. Ani earyo ŋituŋa ŋulu enupito nooi, emam ituŋanan eyeni ŋakiro ŋuna aarere ikes. Elemanaryo ŋituŋa ŋulu iyookino, anerae nyecamitae ikes toryamut ŋican,

Yer. 10:22

Kiirasi ecelet! Topupokisi, ebunit, ebunit egurigur ŋolo apolon anakwap a ŋina alo Kuju; ebunit iŋes akituruwor ŋitaunio a Yudaya daadaŋ ŋireŋoroto, akituruwor nen neni iboiyoto ŋikweei.

Yer. 10:25

“Tobukok anyunyura kon neni a ŋituŋa a ŋakwapin a ŋulu nyikiyenete iyoŋ ka neni a ŋituŋa a ŋulu nyenyarito ekiro kon, anerae amunayasi ikes ŋiletok a Yakob, amunyasi ŋiletok keŋ, emam ŋini idoŋit nakwap, eturuwosi akibois kec akoŋinait.”

Yer. 14:2

Iyaloloŋete ŋituŋa a Yudaya, enyasun ŋitaunio kec, eperete ŋituŋa a Yudaya alokwap iyaloloŋete ka arem akigworo a ŋituŋa a Yerusalem kidiama.

Yer. 19:8

Eturuwori ayoŋ etaun lo ŋolo a ŋinyas, etaun ŋolo ejamuwaryo. Ebuli ituŋanan daadaŋ itori diyete keŋ ka ejamuwari etaun ŋol aŋuna a ŋinyas a daadaŋ a ŋulu etiyakin lotaun ŋol.

Yer. 23:10

Alalata anakwap ŋituŋa ŋulu nyikinyomito Ekapolon, igworosi ŋituŋa anakwap aŋuna icenitere ikes ka aoko ŋadakarisinei ŋuna edakasi ŋibaren. Etiyata ŋituŋa ŋuna aronok ka nyiyookino agogoŋu kec.

Yer. 25:11

Inyasunio akwap na daadaŋ ka eruwor acaryoit, ido epote ŋituŋa a ŋakwapin a ŋun akitiyanakin erwosit a Babilon ŋikaru ŋatomonikanikaarei.

Yer. 4:20

Ikirika akinyasuno, enyasunoi, aruwor akwap daadaŋ acaryoit. Enyasun ŋiemae a ŋituŋa kaŋ atipei enyasun alotooma apaki ŋina euruwuana ŋanaŋgae ŋuna inenetoe tooma ŋiemae.

Yer. 4:27

Erae ŋun ŋuna irworo Ekapolon ebe, “Eruwor akwap daadaŋ ereŋorot, kikote neni daŋ, etasaluni ayoŋ akwap jik.

Yer. 4:28

Aŋuna a ŋakiro a ŋun, igworete ŋituŋa anakwap ka iryoniar kidiama, anerae adau ayoŋ akirwor ka acamit ayoŋ akitiyakin ŋun, eriŋa ayoŋ alosikinit akitiya ŋun, nyemyekini ayoŋ akitiyakin ŋun.”

Yer. 6:8

Okoe ŋituŋa a Yerusalem, tocoikisi ŋuna itiyaete iyes, ani pa kilocokis iyes ŋipitesyo kus, ekemyekini ayoŋ iyes, eturuwo etaun kus aloŋisat neni emam ŋituŋa eya.

Yer. 9:10

“Tema Yeremia, Egworo ka ewololoe ayoŋ aŋuna a ŋimoru ka ewololoe aŋuna a ŋinya a ŋulu ka aloŋisat, anerae aruwor ŋikoŋinae, emam ibore itorenene nen, nyeriŋa epupyo ŋaatuk erwosi a nen, aekasi ŋikeny ka ŋityaŋ a nen.

Yer. 9:11

Eturuwori ayoŋ Yerusalem neni etukotor ŋamoru ŋuna eritakinitae kwap, eturuwori iŋes neni eperyoto ŋikweei; ka eturuwori ŋitaunio a Yudaya ŋireŋoroto, neni emam ŋituŋa iboiyete alotooma kec.”

Yer. 9:9

Nyesicani mono ayoŋ ikes aŋuna a ŋakiro a ŋun a? Nyenyaŋari mono ayoŋ aronis a ŋituŋa a akwap a ŋina itiyaete ŋituŋa keŋ ŋakiro ŋuna ikote nu a?

Yoel 1:10

Enyasun ŋimanikorin, aoko ŋalup deu; Enyasun ŋikinyom, aoko ŋaraito a epiini deu, adaun akimyet.

Ŋilep. 26:32

Enyasuni ayoŋ akwap kus, ikotere ŋimoe kus ŋulu epote akiboi a nen eumokinete a ŋakiro a ŋun.

Sakar 7:5

“Kiŋit ŋituŋa ŋulu ka akwap kon ka ŋisacaradotin ebe, ‘Ani mono apaki ŋina iponiata iyes kiredakis akiron ka kigworo elap ŋolo a ŋikan ka ŋolo a ŋikanikaarei ŋikaru ŋatomonikanikaarei ŋulu alunyarosi, arae mono kire aŋuna kaŋ iredakinitotor iyes akiron a?

Mal. 2:2

Ani pa kiwuapa iyes iŋes ka ani pa kikitopoloosi iyes ayoŋ alotai kus, eyakuuni ayoŋ ŋicen neni kus, ido alemari ayoŋ ŋarereŋisyo ŋuna iryamunete iyes, toryamut ŋicen nabo daŋ adau ayoŋ alemar ŋarereŋisyo ŋun, anerae nyikitopoloorito iyes ayoŋ alotai kus.

Ŋirom. 8:22

Anerae ikiyeni iwon atemar akitodol tokona, irurumaete ŋisubuna daadaŋ eryebasi ikwa aberu ŋina edolit akidoun.