Yer. 11:20 - Ebaibul

²⁰ Okoe iyoŋ Ekapolon ŋolo a ŋajoresyo iyoŋ ŋolo itubi ŋakiro ka akiyookino, ŋolo ikatanakini ŋitai ka ŋatameta a ŋituŋa, kisiŋolikinae ayoŋ akinyaŋaret kon neni a ŋituŋa a lu, anerae ewuak ayoŋ ŋakiro kaŋ daadaŋ napedor kon.

Yer. 11:20 Iomraidhean Croise

Akisy. 18:25

Nyerae nu ŋuna emaikina iyoŋ kitiya; amunyar ŋulu iyookino kaapei ka ŋulu itiyaete aronis, akisican kaapei ŋulu iyookino ka ŋulu itiyaete aronis. Nyerae ŋun ŋuna emaikina iyoŋ kitiya. Nyemaikina mono ekatubon ŋolo ka akwap a daadaŋ itiyae ŋuna iyookino a?”

2 Ŋirw. 19:14

Abu Esekia torukau abaruwa ŋina eyakikinitae iŋes ŋina ayaunete ŋituŋa a Senakerib, tosodi tosyom. Ani irikakini akisyom, abu iŋes tolot Kai ka Akuj, toŋaa abaruwa alokiŋaren Ekapolon.

1 Ŋakiro a ŋirwa 28:9

“Iyoŋ Solomon lokoku kaŋ, tocamu Akuj a papa kon, kitiyanak iŋes ke ekonitau a daadaŋ icamakinit ka a ŋatameta a ŋuna einakina, anerae eyeni Ekapolon ŋuna eya lotai daadaŋ ka daadaŋ ŋuna etami ituŋanan akitiyakin. Ani kiwar iyoŋ iŋes, iryamuni iyoŋ iŋes, nai ani kiŋer iyoŋ iŋes, ikiŋeri iŋes iyoŋ ŋikaru ka ŋikaru.

1 Ŋakiro a ŋirwa 29:17

Akuj kaŋ, ayeni ayoŋ atemar icamit iyoŋ ayenun ŋuna eyakasi lotau a ituŋanan, ido ilakara iyoŋ aŋuna a ŋini iyookino ka aŋuna ka akiyookino ke etau kaŋ, adau ayoŋ alotooma acamit kaŋ, ainakin ŋiboro lu daadaŋ, adau daŋ tokona akiŋolikin ŋituŋa kon, ŋulu tokona eyakasi ne, ŋulu ikiinakis iyoŋ ŋiboro alotooma acamit ka alelyanu.

Yob 5:8

“Ani kerae torae ayoŋ, kewar Akuj, ido olimok ŋakiro kaŋ.

Ŋikiru. 139:23

Toripiripae ayoŋ, okoe Akuj, ido toyenu ŋuna eya lotau kaŋ; kikatakinae ayoŋ, ido toyenu ŋatameta kaŋ.

Ŋikiru. 35:2

Tolemu aupal kon ŋina cici ka ŋina apolon, ibu ikiŋarak ayoŋ.

Ŋikiru. 43:1

Okoe Akuj, kituruworoe ayoŋ ŋolo eyookino, toiunae ayoŋ alotuŋa a ŋulu nyikinupito iyoŋ; toiunae ayoŋ alotuŋa a ŋulu alyokonok ka ŋulu aronok.

Ŋikiru. 57:1

Okoe Akuj kisyonitetei ayoŋ, kisyonitetei ayoŋ, anerae neni kon iŋes aiunia ayoŋ akiyar kaŋ; akitodol ŋina edaunotor ŋinyas.

Ŋikiru. 58:10

Elakarosi ŋulu iyookino apaki ŋina iŋolikiniata ŋulu aronok emunyaryo; icakulaete ikes a ŋakejen ŋaokot a ŋulu aronok.

Ŋikiru. 7:10

Erae Akuj aupal kaŋ, iŋes eiuni ŋulu iyookino alotai kec.

Ŋikiru. 7:8

Erae Ekapolon etubokini ŋituŋa; okoe Ekapolon totubokinae ayoŋ alopite a ŋolo ka akiyookino kaŋ ka alopite a ŋolo emamukar aronis etiyat ayoŋ.

Ŋikiru. 7:9

Okoe Akuj ŋina iyookino, iyoŋ isyemeonori ŋakiro ŋuna eya natameta ka lotai, kitasalu aryenyeo a ŋulu aronok, ido kiterereŋ ŋulu iyookino.

Ŋikiru. 98:9

tolelyana alokiŋaren Ekapolon, anerae ebunit iŋes atubokin ŋituŋa. Etubokini iŋes ŋituŋa anakiyookino, etubokini ŋituŋa anakiro a ŋuna a kire.

Yer. 12:1

Okoe Ekapolon, irae iyoŋ jwi jwi ŋolo iyookino, ani kekesitak ayoŋ iyoŋ; esyakini nabo ayoŋ akirworo ŋuna ka akiyookino kon. Kaanukiro erubakinitotor ŋipitesyo a ŋulu itiyaete ŋuna aronok elosete kiŋaren ejok? Kaanukiro erubakinitotor ŋulu nyikinyomitae eyakatar akiyar ŋina ajokan?

Yer. 12:3

Nai Okoe Ekapolon, ikiyeni iyoŋ ayoŋ. Ikite iyoŋ ayoŋ ka ikikatanakini, iyeni iyoŋ atemar akamina ayoŋ iyoŋ. Toriko ikes kiŋa lopite ŋolo erikorere ŋamesekin neni eŋolere, totyaka ikes aŋuna ka akoloŋit a ŋina earere ikes.

Yer. 15:15

Abu nai ayoŋ otema, “Okoe Ekapolon, iyeni iyoŋ, totamunae ayoŋ, ido kiyokoi ayoŋ, inakinae akinyaŋar aronis a ŋulu ekesicanito ayoŋ, anapatanu kon nyimyek ikes elemarete akiyar kaŋ; toyeni atemar edaŋidaŋi ayoŋ ŋiyany aŋuna kon.

Yer. 17:10

Ayoŋ ŋolo arae Ekapolon ekatanakini ŋatameta a ŋituŋa ka aripiripi ŋitai kec, ikotere ainakini ŋinituŋanan ikwapei eyakatar ŋipitesyo keŋ, lopite ŋolo emaikina ŋinituŋanan eyakar aŋuna a ŋiticisyo keŋ.

Yer. 17:18

Kimyek ŋikesicanak kaŋ kiruma ŋileec, nai nyikimyek ayoŋ ekeruma ŋileec. Kimyek ikes tokadak, nai nyikimyek ayoŋ okokadak, yau aŋuna kec akoloŋit ŋina ka akisicanio, tomunya ikes iryenyaana nooi.

Yer. 20:12

Okoe Ekapolon ŋolo a ŋajoresyo, ikatanakini iyoŋ ŋulu iyookino, ite iyoŋ ŋatameta ka ŋitai, kimyekinae ayoŋ eŋolik isicani iyoŋ ikes, anerae ainakina ayoŋ akitiya acamit kon.

Aum. 3:58

“Okoe Ekapolon, ibu iyoŋ towo aŋuna kaŋ, ibu iyoŋ tolaku akiyar kaŋ.

Aum. 3:59

Okoe Ekapolon, iŋolik iyoŋ ŋuna aronok ŋuna itiyato ŋimoe kaŋ neni kaŋ, kitiya ŋuna iyookino aŋuna kaŋ.

Aum. 3:64

“Okoe Ekapolon, aŋuna a ŋiticisyo kec, kisican ikes lopite ŋolo emaikina kisicanere ikes.

Esek. 11:5

Abu nai etau a Ekapolon bu, min neni kaŋ, okolimok Ekapolon ayoŋ alimokin ŋituŋa ŋakiro nu ebe, “Ebala Ekapolon, ŋituŋa a Isirael, ayeni ayoŋ ŋuna irworosi iyes ka ŋuna iyeete iyes akitiyakin.

Ŋitic. 17:31

Anerae atubu Akuj akoloŋit ŋina etubokinia ŋituŋa daadaŋ anakwap anakiyookino ka erae ituŋanan ŋini aseu iŋes itiyakini ŋun. Etoodiu iŋes ŋun lotuŋa daadaŋ anakiteyarun ituŋanan ŋin alokatwak!”

Ŋipil. 4:6

Nyiyaloloŋete aŋuna a idiobore, nai anakiro a daadaŋ, kimaimaa ka tolimokisi Akuj ibore ŋini iitanito iyes, tolimonokinete iŋes a ŋitai a ŋulu elakara neni keŋ.

2 Tim. 4:14

Abu Alekisanda ŋolo etyekan ŋasuwa kitiya ŋaronisya ŋuna alalak neni kaŋ. Etacakini Ekapolon iŋes ŋuna eriyan ka ŋuna abu iŋes kitiya.

1 Pet. 2:23

Apaki ŋina eyanyere iŋes, nyemoro iŋes idiotuŋanan, apaki ŋina esicanere iŋes, pa abu kitukuryan idiotuŋanan, nai abu inakin neni ka Akuj a ŋina etubi ŋakiro iyookino.

Akis. 18:20

Nakuj, tolakari! Ŋituŋa ŋulu ka Akuj ka ŋikiyakia ta ŋikadwarak, tolakaros! Anerae adau Akuj atubokin iŋes aŋuna abu iŋes kitiya neni kus!

Akis. 2:23

Aari ayoŋ ŋikeedwe, ikotere toanyuniata ŋatukon ŋuna a Ŋikristo daadaŋ atemar ayoŋ iŋes ŋolo ayeni ŋitai ka ŋatameta ŋuna a ŋinituŋanan ka aropi ayoŋ ŋinituŋanan ikwaŋina itiyator.

1 Sam. 16:7

Nai tema Ekapolon neni a Samuel, “Nyemaikina iyoŋ kiŋolik etakane, kori aoyau keŋ, adau ayoŋ akiŋer iŋes; anerae nyite Ekapolon lopite ŋolo iteoto ŋituŋa. Iteete ŋituŋa etakane ka akuwan, nai ite Ekapolon etau a ituŋanan.”

1 Sam. 24:15

Ekapolon etyakuni ŋun, ido totubu ŋini esecit alokidiŋ yok. Ekapolon iŋes eanyuni ŋun, towo aŋuna kaŋ, okoiu ayoŋ nyikiar iyoŋ ayoŋ.”