Yer. 11:15 - Ebaibul

¹⁵ Ajokis ani eyakar ituŋanan ŋini amina ayoŋ alokai kaŋ, kitiyae iŋes ŋakiro ŋuna aronok? Epedorete mono ŋakikoŋieta ka ŋamuronisya aiun iyes anamunyaro a? Ipedorete nai iyes alelyan a?”

Yer. 11:15 Iomraidhean Croise

Ŋikiru. 50:16

Nai iŋisit Akuj ŋituŋa ŋulu aronok ebe, “Kaanukiro ieotor iyes ŋakiciketa kaŋ, kori irworotor ŋakiro ŋuna ka acamunet kaŋ?

Ŋikiru. 60:5

Toiunae isua, anagogoŋu kon, kiŋarakinae isua, ikotere elakunio ŋulu imina iyoŋ.

Ŋakit. 10:23

Elakara nooi ebaŋaanot anakiro a ŋuna aronok a ŋuna itiyae iŋes, nai elakara ituŋanan ŋini eyakar ayenut aŋuna ka aosou.

Ŋakit. 15:8

Erae ŋamuronisya a ŋulu aronok asiilyo aneni a Ekapolon, nai elakara Ekapolon aŋuna ka akilip a ituŋanan a ŋini iyookino.

Ŋakit. 2:14

Elelyanete ŋituŋa ŋul apaki ŋina itiyaata aronis, elakara ikes nooi apaki ŋina itiyaata aleeco kec ŋina aronon,

Ŋakit. 21:27

Erae amuronot a ŋulu aronok ibore ŋini erae asiilyo, etya nai asiilyo ŋin ai erae keyaunitae amuronot ŋin aŋuna ka akitiyaa aronis!

Ŋakit. 26:18

Lopite ŋolo epedorya ituŋanan ŋini a ŋikerep akicumucum ŋituŋa ŋuluce a ŋimacarin a ŋulu eriraete, kori a ŋikaleŋeleŋe,

Ŋakit. 28:9

Ani keŋer ituŋanan akiwuap ŋuna ebasi ŋikisila, eruwor tari ŋakisilipasinei keŋ asiilyo aneni ka Akuj.

Isa. 50:1

Alimu Ekapolon ŋakiro nu, “Ai eyai abaruwa ŋina alakitor ayoŋ toto kus? Kori alu alotuŋa ŋulu etiŋito ŋisiliŋa kaŋ abu ayoŋ okogyelak iyes? Mam, erae aŋuna a ŋasecisya kus iŋes aponere ikigyelar iyes ka eritaryo toto kus aŋuna a ŋaronisya kus.

Yer. 12:7

“Aŋer ayoŋ ŋituŋa kaŋ, emyek ayoŋ ŋituŋa ŋulu apotu toruwor ŋulu kaŋ; epoto ayoŋ ŋituŋa ŋulu amina ayoŋ alotau kaŋ, ainak ikes napedor a ŋimoe kec.

Yer. 13:27

Adau ayoŋ akiŋolikin ŋiticisyo kus ŋulu aronok, epite ŋolo iloseneneoto iyes akilip neni a ŋitorubei aŋakujo alomoru ka anakadipaalae ikerete isibito ekile ŋolo imunit aberu a ekidunyet keŋ kori ikwa

Yer. 15:1

Abu nai Ekapolon okolimok ayoŋ tema, “Tari kewua Moses ka Samuel alokiŋaren kaŋ akilip aŋuna a ŋituŋa, nyeminakini etau kaŋ ŋituŋa lu. Kirita ikes alokiŋaren kaŋ, emaikina ikes toloto.

Yer. 2:2

“Ape kisera ŋakiro nu epupete ŋituŋa a Yerusalem, ŋakiro ŋuna irworo Ekapolon ikes nu: Atamunit ayoŋ ainakina kon neni kaŋ alorwa a ŋulu ka asoroko kon; atamunit ayoŋ amina ŋina ikiminar iyoŋ ayoŋ ikwa ateran. Epite ŋolo ikiwuapitor iyoŋ ayoŋ analoŋisat, anakwap a ŋina nyitao.

Yer. 23:11

Alimu Ekapolon ebe, “Nyenupito ŋikadwarak kaapei ka ŋisacaradotin Akuj, aryamu ayoŋ atemar itiyaete ikes tari ŋuna aronok alo Kai kaŋ.

Yer. 3:14

Okoe ŋidwe ŋulu emam anupit, toboŋutu neni kaŋ, anerae arae ayoŋ Ekapolon kus. Akayaari ayoŋ iyes, ipei alotaun, ŋiarei alokal, okoya iyes lotaun Sion.

Yer. 3:8

Apotu ŋituŋa a Yudaya kiŋolikis atemar aŋuna amalaaniyaryata ŋituŋa a Isirael ŋulu emam anupit ŋul, abu ayoŋ erita ikes atubokinit aŋuna ka amalao. Kikote neni daŋ apotu ŋituŋa a Yudaya ŋikaitotoi kec ŋulu adyakarito nyekuryaketa, nai apotu ikes daŋ toloto akilip neni a ŋakujo.

Osea 3:1

Okolimok nabo Ekapolon ayoŋ tema, “Ape, kitoodik nabo amina kon neni a aberu aŋina aruwor ŋina a ekile a ece ka aruwor akaloman. Emaikina iyoŋ tominak iŋes lopite ŋolo aminar ayoŋ ŋituŋa a Isirael tari keminasi ikes ŋakujo ka tominas aayenen neni a ŋakujo ŋaboboryo ŋuna erukitoe esibit ŋamugati.”

Mat. 22:11

“Nai ani elomari erwosit aanyun ŋipeyok, toanyuwa ekile ŋolo pa anapit elou ŋolo ke ekiitanu.

Luk. 8:28

Ani iŋolikini iŋes Yesu, kiworou toramakin kiŋaren keŋ, tocelu tema, “Anukiro eya iyoŋ ka ayoŋ, Yesu Lokoku ka Akuj, a ŋina alokidiama nooi? Akadyekit ayoŋ iyoŋ atemar, nyikisican kare ca!”

Ŋirom. 11:28

Aŋuna eŋeritotor Ŋiyudayan Ŋakiro ŋuna Ajokak, eraakasi ikes ŋimoi ŋulu ka Akuj ikotere iyes ŋulu nyirae Ŋiyudayan. Nai aŋuna aseunia Akuj ikes, eraakasi ikes ŋikonei keŋ aŋuna atapapaa kec.

1 Ŋikor. 13:6

Nyelakara amina aŋuna a ŋakiro a ŋuna nyiyookino, nai elakara aŋuna a kire.

Tito 1:15

Esegak ŋiboro daadaŋ aneni a ŋituŋa a ŋulu esegak ikes ŋilopeyek, nai emam ŋiboro esegak aneni a ŋituŋa a ŋulu nyenupito, anerae erae ŋatameta ka ŋitai kec esiilyaka.

Yak. 4:16

Nai tokona iturosi ka isupasi iyes; akisupa ŋin daadaŋ erae aronis.