Yer. 11:12 - Ebaibul

¹² Elosete nai ŋituŋa ŋulu iboiyete alotaunio a Yudaya ka ŋulu iboiyete alo Yerusalem neni a ŋakujo a ŋuna einanarete ikes ŋainanakineta, nai nyeiunete ŋakujo ŋun ikes apaki ŋina eyakatar ikes locan,

Yer. 11:12 Iomraidhean Croise

2 Ŋakiro a ŋirwa 28:22

Anapaki a ŋina ayakar Aas natyokisyo, abu toŋer jik akikinyomit neni ke Ekapolon.

Isa. 45:20

Tocunakinos, ido potu kaapei, tocunakinos, ido potu iyes ŋituŋa kaŋ ŋulu irae ŋipiya anakwapin. Emamukatar ŋituŋa ŋulu iwokito ŋakujo aosou, ŋituŋa ŋulu iwokito ŋakujo ŋuna erae ŋakito, ido erubakinito ikes ilipete neni a akuj a ŋina nyepedori aiun.

Isa. 46:7

Eryoŋeneneete ikes akuj ŋin aloseketa kec, kiwoko, tosodo tosipokis nakibois ŋina eseunito ikes aŋuna keŋ, kimyekinae ewoi a nen; nyepedori akuj ŋin akiyotokin a nen. Ani kilip ituŋanan neni keŋ, emam aboŋokinet eryamuni ituŋanan ŋin, kori nyepedori akuj ŋin alakun idiotuŋanan alocan.

Yer. 18:15

Nai, emuryakin ayoŋ aneni a ŋituŋa kaŋ, icunyanakinete ikes ekinyate nakujo ŋunacaryo, ŋuna ainakis ikes akiwuapit ŋuna pa amaikina kiwuapa, nyeriŋa iwuapito ŋuna a akoloŋ sek; iwuapito ikes ŋirotin ŋulu nyemaikinae amet, nyiwuapito ŋolo etakani.

Yer. 2:28

Nai ai eyakasi ŋakujo kus ŋuna ipotu iyes kitiyaut aŋuna kus? Kimyekisi ikes potu kepedorete ikes aiun iyes apaki ŋina iyakatar iyes locan, anerae iyakatar iyes ŋakujo ŋuna alalak ŋuna etya ŋitaunio ŋulu iyakatar iyes, okoe ŋituŋa a Yudaya.

Yer. 44:8

Kaanukiro ikitoŋoeta iyes ayoŋ a ŋiticisyo a ŋulu itiyaete iyes a ŋakan kus, inanakinete ŋainanakineta neni a ŋakujo a ŋace anakwap a Ijipit aneni ipotu iyes akiboi? Icamito iyes ikimunyar, ido toruworos ŋituŋa ŋulu icenere ŋuluce ka inyasere ŋituŋa ŋulu a ŋakwapin a daadaŋ a?

Ŋikis. 32:37

Etemari nai iŋes neni kec, ‘Ai eya ŋakujo kus, ai eya ŋakujo ŋuna sek arae ŋakaiunak kus,

Ŋikis. 32:38

ŋuna sek anyamete asepwae a ŋamuronisya kus ka amasete epiini ŋolo ibukonokinete iyes namuroeta kus? Kimyekisi ikes potu ikiŋarakis iyes, kimyekisi ikes ikiuryasi iyes!’

Ŋikat. 10:14

Apesi kigworonokisi ŋakujo ŋuna idaut iyes aseun akiwuap. Kimyekisi ikilakut ikes iyes apaki ŋina iyakatar iyes locan.”