Yer. 10:9 - Ebaibul

⁹ Erae ŋakujo ŋun esilipa ŋolo ityekunitae alo Tarisis, erae egolid ŋolo alo Upas. Erae ŋikaramak ŋitorubei eramunito, erae ikes etic a ŋulu ityekete ŋiboro a egolid; erae ŋilowi kec ŋulupusiyek ka ŋulu kipura-areŋak ŋituŋa ŋulu eyenete akitiya ŋiboro ikes etiyaunete ŋilowi ŋul.

Yer. 10:9 Iomraidhean Croise

1 Ŋirw. 10:22

Ayakar erwosit ŋameeli ŋuna alalak ŋuna alo Tarisis ŋuna kicurutaet ananam kaapei ka ŋuna a Iram. Ayaununeete ŋameeli ŋuna alo Tarisis egolid, esilipa, ŋikyal a ŋitome, ŋicomin ka ŋikyeny ŋulu ebusak, apeiyaunet kelunyar ŋikaru ŋiuni.

2 Ŋakiro a ŋirwa 9:21

Ayakar erwosit ŋameeli ŋuna aloseneneete Tarisis kaapei ka ŋuna a Iram. Alotooma ŋikaru ŋiuni, ayaununeete apei yaunet ŋameeli ŋun alo Tarisis egolid, esilipa, ŋikyal a ŋitome, ŋicomin ka ŋikyeny ŋulu ebusak.

Ŋikiru. 115:4

Nai erae ŋakujo kec esilipa ke egolid, ŋuna itiyaunito ŋituŋa.

Ŋikiru. 72:10

Emaikina inakis ŋirwosi ŋulu a Tarisis ka ŋulu a ŋiculeta iŋes ocur, emaikina yaut neni keŋ ŋirwosi a Ceba ka Seba ŋainakineta.

Isa. 23:6

Todoka anam toloto Tarisis; okoe iyes ŋituŋa ŋulu iboiyete alodiyete anam, kiwololoto.

Isa. 40:19

Nyikwaan iŋes ka etorube a akuj a ŋina itiyaunio tosipokinae, ido bu eketiyan egolid toburusik egolid kidiama keŋ ka kitanapik ŋiriko ŋulu itiyaunitae a esilipa.

Esek. 27:12

“Apotu ŋituŋa a Tarisis kicurutata kaapei ka ŋituŋa kon, anerae ibarit iyoŋ ŋiboro nooi; apotu ikes yaasi ŋiboro kon ikiinakis iyoŋ esilipa, ŋasuwa, ŋasuwa ŋuna enyaritae tin ka ŋasuwa ŋuna apotyok.

Esek. 27:7

Arae Ijipit iryamunitor iyoŋ ŋanaŋgae ŋuna esibusitae ŋuna amilimilak ŋuna emetor ekuwuam atuba ananam, etoodiunito ŋanaŋgae ŋun atemar ŋatubae a Tiro ŋun. Arae nakwapin ŋuna eya Elisa diyete anam, iyaununuya iyoŋ ŋiraŋgi lu: ŋolopus ka ŋolo kipurat-areŋan, ŋulu alimorito ŋakiro kon.

Dan. 10:5

abu ayoŋ ereo kidiama, eŋolik ekile ŋolo anapit ŋilowi ŋulu amilimilak, tonapite anacir akoroba ŋina etiyaunitae a egolid a ŋolo alo Upas.

Osea 8:6

Arae Esiraelit ŋolo eyeni akitiya ŋiboro iŋes etiyauni etorube a itaok ŋol, meere etorube a Akuj nai etorube koŋin. Ebwaŋabwaŋaaryo etorube a itaok a ŋituŋa a Samaria, toruwor ŋakanyilinyili.

Yona 1:3

Nai abu Yona tonyou tolot Tarisis erae ŋolo eŋerit ŋuna abala Ekapolon. Aŋun, abu totiyaiyar Yopa, toryamu ameeli ŋina alosi Tarisis, totac ŋisiliŋa ŋuludoket, toloma tooma keŋ, ikotere erukorete Tarisis ka ŋituŋa ŋulu alosete inaa, anerae aŋerit iŋes akiwuap acamit ke Ekapolon.

Abak. 2:19

Ekaŋ iyes, ŋulu ibasi neni ka akitoe ebe, “Tonyou!” Kori neni ka amoru ebe, “Tonyou!” Epedori mono akuj ŋina itiyaunitae alimokin iyoŋ ŋakiro ŋadi a? Epedoryo akuj ŋin bon akitiyaun ke esilipa, kori ke egolid, nai mam akiyar eyai tooma keŋ.