Yer. 10:6 - Ebaibul

⁶ Okoe Ekapolon mam ituŋanan ikwaanatar iyoŋ, ipol iyoŋ ka epol ekiro kon eyakar apedor;

Yer. 10:6 Iomraidhean Croise

2 Sam. 7:22

Aŋun, ipol iyoŋ, okoe Ekapolon Akuj; anerae mam ituŋanan ikwaanatar iyoŋ ka mam Akuj ace mati iyoŋ bon ikwapei eirarere isua ŋakiro daadaŋ a ŋaki kosi.

1 Ŋakiro a ŋirwa 16:25

anerae epol nooi Ekapolon, ido emaikina kipuroe iŋes nooi, emaikina kitopolooroe iŋes nooi akilo ŋakujo daadaŋ.

Neem. 4:14

Kadau ayoŋ akiŋolikin ŋakiro ŋun daadaŋ, abu ayoŋ owo olimok ŋikapolok, ŋikepukak ka ŋituŋa ŋuluce daadaŋ otema, “Nyikuryaketa aŋuna kec, totamutu Ekapolon ŋolo etiron ka ŋolo ikitubuli, ido tojioto aŋuna a ŋiyeneta kus, aŋuna a ŋidwe kus a ŋulusapa ka aŋuna a ŋidwe kus a ŋulupesur, aŋuna a ŋaberu kus ka aŋuna a ŋirerya kus.”

Neem. 9:32

“Aŋun nai, Akuj kosi, Akuj ŋina ka apedor, ŋina etiron ka ŋina ikitubuli, ŋina iricit acamunet ka amina ŋina nyiryaŋiryaŋa, nyijamak ŋatyokisyo ŋuna apotu neni kosi, neni a ŋirwosi kosi, neni a ŋikepukak kosi, neni a ŋisacaradotin kosi, neni a ŋikadwarak kosi ka neni atapapaa kosi, neni a ŋituŋa kon a daadaŋ ameun anapaki a ŋina a ŋirwosi a ŋulu ka Asiriya akitodol nakoloŋit na.

Ŋikiru. 145:3

Epol nooi Ekapolon, emaikina kipuroe iŋes itopolooritae nooi; emam ituŋanan epedori akisalun ayenun apolou keŋ.

Ŋikiru. 147:5

Epol nooi Ekapolon yok, epol nooi apedor keŋ; nyisalunun aosou keŋ.

Ŋikiru. 35:10

A etau kaŋ a daadaŋ, atemari ayoŋ ebe, “Okoe Ekapolon, ŋae ikwaanatar iyoŋ? Iununui iyoŋ ŋulu epalag aneni a ŋulu egogoŋ akilo ikes, iununui iyoŋ ŋulu epalag aneni a ŋulu edemanarete ikes ŋiboro kec.”

Ŋikiru. 48:1

Epol nooi Ekapolon, ido emaikina kipuroe iŋes nooi alotooma etaun ŋolo ka Akuj yok, alomukura keŋ a ŋolo asegan.

Ŋikiru. 96:4

anerae epol nooi Ekapolon, ido emaikina kipuroe iŋes nooi, emaikina kitopolooroe iŋes nooi akilo ŋakujo daadaŋ.

Awos. 15:11

Okoe Ekapolon, ŋae ikwaan ka iyoŋ anakujo a ŋunace? Ŋae ikwaan ka iyoŋ, iyakar iyoŋ apolou ŋina ailiilon a asegis, iyakar iyoŋ apolou ŋina itiyaa ŋakujuwuanisya, ka ŋaumonokineta.

Awos. 8:10

Tema Parao, “Moi taparacu.” Tema Moses, “Etiyae ayoŋ ikwapei ilimunio iyoŋ! Aŋuna ka akitaanyun iyoŋ atemar, mam ituŋanan epedoryo akisikwaanikin ka Ekapolon Akuj kosi.

Awos. 9:14

Ani pa kimyek, eyakuuni ayoŋ ŋakisicaneta kaŋ neni kon, neni a ŋikapolok a ŋulu ipukatotor iyoŋ ka neni a ŋituŋa kon, ikotere iyoŋ iyenuni atemar mam ice ikikwaan ka ayoŋ anakwap a daadaŋ.

Isa. 12:6

Tocelutu nooi aŋun ka toeikisi ilelyanete iyes ŋituŋa daadaŋ ŋulu iyakasi Sion, anerae epol Akuj ŋina asegan ŋina a Isirael ŋina iboi alokidiŋ ŋituŋa keŋ.”

Isa. 40:18

Anibore nai isikwaanikineta iyes Akuj, kori anibore eyakatar ŋasima keŋ?

Isa. 40:25

Ebala Ekapolon ŋolo asegan ebe, “Ŋae nai tokona ikisikwaanikineta iyes ayoŋ? Kori ŋae ikiriyan ka ayoŋ?

Isa. 46:5

Ŋae ipedorete iyes akisikwaanikinia ayoŋ, kori ŋae ikitiriyaniata iyes ayoŋ? Ŋae ikitamyata iyes ayoŋ esibit ikikwaan?

Isa. 46:9

totamunito ŋakiro ŋuna alunyar koloŋ sek, anerae arae ayoŋ Akuj, emam ace arae ayoŋ Akuj ka emam akuj ace ŋina ikikwaan ka ayoŋ.

Yer. 10:16

Nyikoni Akuj a Yakob nen, anerae iŋes etiyauni ŋiboro daadaŋ ka erae ŋituŋa a Isirael ŋulu keŋ, erae ekiro keŋ Ekapolon ŋolo a ŋajoresyo.”

Yer. 32:18

Itoodikinit iyoŋ amina ŋina nyiryaŋiryaŋa nanyameta ŋalipyo, nai isicani ŋidwe aŋuna a ŋasecisya a ŋikauruunak kec. Okoe Akuj ŋina apolon ka ŋina etiron ŋina erae ekiro kon Ekapolon ŋolo a ŋajoresyo,

Dan. 4:3

Epolok nooi ŋakitoodyanakineta ŋun, epolok nooi ŋaumonokineta ŋuna etiya iŋes. Erae apukan keŋ ŋina a ŋikaru ka ŋikaru ka erae apolou keŋ ŋina a ŋanyameta.

Dan. 4:34

Ani elunyar apaki ŋin, abu ayoŋ Nebukadinesar ereo nakuj, abu ayoŋ oyenu ŋakiro nabo. Abu ayoŋ epur Akuj ŋina alokidiama nooi, abu epur ka etopoloo Akuj ŋina eyari ŋikaru ka ŋikaru, Abu ayoŋ etiya ŋun, anerae erae apolou keŋ ŋina a ŋikaru ka ŋikaru ka iboi apukan keŋ ŋanyameta ka ŋanyameta.

Mal. 1:11

Itopoloorete ŋituŋa a ŋakwapin ekiro kaŋ taparacu ka eboŋ. Alotooma ŋinakibois daadaŋ, eyaunete ŋituŋa ekinyate ka ŋainakineta ŋuna ajokak neni kaŋ, anerae epol ekiro kaŋ anakwapin.

1 Ŋikor. 8:6

nai aneni yok eyai Akuj apei bon, Papa ŋolo asubi ŋiboro daadaŋ, ŋolo ikiteyari iwon ka eyai iwon Ekapolon epei bon, Yesu Kristo ŋolo asubia Akuj ŋiboro daadaŋ, ido iŋes ikiyarya iwon.

Ŋikis. 32:31

Kire nyikwaan ekaiunan kec ka ŋolo yok, ebaŋaaka ŋimoe yok.

Ŋikis. 33:26

Okoe Ŋisirael, mam ice ikwaan ka Akuj kus, Akuj ŋina ebunit alokidiama aiun iyes, eyai iŋes anailiil keŋ lodouwon.