Yer. 10:4 - Ebaibul

⁴ tosodo ŋituŋa kisibusa iŋes a esilipa ka a egolid, toruconokis akitoe ŋin a ŋisumari ka a enyondo, ikotere nyepedo akiloiloo.

Yer. 10:4 Iomraidhean Croise

Ŋikiru. 115:4

Nai erae ŋakujo kec esilipa ke egolid, ŋuna itiyaunito ŋituŋa.

Ŋikiru. 135:15

Erae ŋakujo a ŋakwapin esilipa ke egolid, erae ŋuna itiyaunito ŋituŋa.

Isa. 44:12

Elemuni eketyakan ŋasuwa asuwat kiwuak nakim, ido kityek asuwat ŋin a enyondo, toŋirik a agogoŋu keŋ akitiyaun ibore ŋini ecamit iŋes akityekun. Ani enyami akoro iŋes, ido todaun agogoŋu keŋ ka ŋakipi ŋuna emasi, ilelenyi iŋes.

Isa. 46:6

Eyakasi ŋituŋa ŋulu ebukununuyete egolid alocweei kec, ido kipima esilipa anakiloi kec; kipaŋgata eketyakan egolid kitiyau akuj, tosodo toryediko alokiŋaren akuj ŋin kilipa neni keŋ.

Isa. 46:7

Eryoŋeneneete ikes akuj ŋin aloseketa kec, kiwoko, tosodo tosipokis nakibois ŋina eseunito ikes aŋuna keŋ, kimyekinae ewoi a nen; nyepedori akuj ŋin akiyotokin a nen. Ani kilip ituŋanan neni keŋ, emam aboŋokinet eryamuni ituŋanan ŋin, kori nyepedori akuj ŋin alakun idiotuŋanan alocan.

Osea 13:2

Arubakis tokona ikes eseceneneete, itiyaununeete ŋiboorei a ŋasuwa, ido kilipa neni kec, itiyaununeete ŋitorubei a ŋakujo a esilipa lopite ŋolo eyeniata ikes, erae ŋituŋa ŋulu eyenete akitiya ŋiboro ejok ikes itiyaununeete ŋakujo ŋun, ido ebasi ŋituŋa a Epuraim, “Oinakisi ŋamuronisya neni a ŋakujo a ŋun!” Enuyete ŋituŋa ŋul ŋitorubei a ŋitak.

Abak. 2:19

Ekaŋ iyes, ŋulu ibasi neni ka akitoe ebe, “Tonyou!” Kori neni ka amoru ebe, “Tonyou!” Epedori mono akuj ŋina itiyaunitae alimokin iyoŋ ŋakiro ŋadi a? Epedoryo akuj ŋin bon akitiyaun ke esilipa, kori ke egolid, nai mam akiyar eyai tooma keŋ.