Yer. 10:20 - Ebaibul

²⁰ Enyasun ŋiemae kosi, atubutuboor ŋaunoi kosi, aloto ŋidwe kosi aneni kosi, a ŋopiyasi jik, mam ituŋanan ikiŋarakini adukokin nabo ŋiemae kosi, mam ituŋanan epedori akinenekin ŋanaŋgae loemae kosi,

Yer. 10:20 Iomraidhean Croise

Yob 7:8

Ŋini ekete ayoŋ tokona, nyekeŋolikini ayoŋ nabo, ani eriŋa iyoŋ ikiwarit ayoŋ Akuj, ikiryamuni ayoŋ kadaun.

Ŋakit. 12:7

Emunyaryo ŋulu aronok aŋuna ka aronis kec, todaun ŋini eruwor iletonit kec jik, nai erubakinete ŋikalya a ŋulu iyookino eyarete jik.

Isa. 51:16

Ewuak ayoŋ ŋakiro kaŋ nakituk kon, ekewua ayoŋ iyoŋ alotolim a akan kaŋ, adau ayoŋ apetakin kidiama ka ewuak ŋawoeta a akwap, ido adau alimokin ŋituŋa a Sion ebe, “Irae iyes ŋituŋa kaŋ.”

Isa. 51:18

Mam ituŋanan alotuŋa keŋ epedori akipuka Yerusalem, mam ituŋanan alotuŋa a daadaŋ a ŋulu apolout alo Yerusalem ŋini epedori akirik ŋuluce.

Isa. 54:2

Tonyaa eema kon, tolalaar neni iboiyo iyoŋ, topeta ŋanaŋgae ŋuna inenosi nakibois ŋina iboiyo iyoŋ, nyimyek ikes ecunakina iwapei, kitayaa ŋaunoi kon ka kitogogoŋ ŋases ŋuna iguritere eema kon,

Yer. 30:17

Eketojokuni ayoŋ iyes nabo, ka etiiyori ayoŋ ŋajemei kus, anerae ikinyarata ŋimoe kus iyes ebe, ‘Erae ikes ŋulu ilamitae, ilamitae Sion, mam ituŋanan emisit iŋes.’ ”

Yer. 31:15

Aŋun, alimu Ekapolon ebe, “Eirar alo Rama etoil, etoil ŋolo iwololoe ka akigworo ŋina apipilan. Igworo Rakel aŋuna a ŋidwe keŋ; awou iŋes akisirworiuno aŋuna a ŋidwe keŋ, anerae aris ketwaka.”

Yer. 4:20

Ikirika akinyasuno, enyasunoi, aruwor akwap daadaŋ acaryoit. Enyasun ŋiemae a ŋituŋa kaŋ atipei enyasun alotooma apaki ŋina euruwuana ŋanaŋgae ŋuna inenetoe tooma ŋiemae.

Aum. 1:5

Aruwor ŋimoe a Sion ŋikapolok keŋ, aruwor ŋikelounak, anerae emyek Ekapolon Sion toryamu ŋican aŋuna a ŋasecisya keŋ a ŋuna alalak nooi; alot ŋituŋa a Sion nakwapin, aruwor ŋirikon a ŋimoe a kec.

Mika 2:9

Iritanarete iyes ŋaberu a ŋituŋa kaŋ alorerya kec a ŋulu ajokak. Ilemasi iyes jik ŋarereŋisyo ŋuna ainakinit ayoŋ ŋidwe a ŋituŋa kaŋ.