Yer. 10:2 - Ebaibul

² anerae alimu iŋes ebe, “Nyiyenut ŋipitesyo a ŋituŋa a ŋakwapin, kori nyikikadak iyes aŋuna a ŋakujuwuanisya a ŋuna itiyanakin alokidiama, anerae ekadakinit ŋituŋa ŋulu a ŋakwapin aŋuna a ŋakiro a ŋun.

Yer. 10:2 Iomraidhean Croise

Akisy. 1:14

Tema Akuj, “Toyakaun ŋiboorei ŋulu ecayete nariwo ŋina alokidiama, totyaka apaaran ka akuwar; toruworos ikes igyerito ŋatubeta ŋuna ke ekaru, ŋirwa ka ŋikaru.

Yer. 10:1

Okoe ŋituŋa a Isirael, kiirasi ŋakiro ŋuna ikilimokinit Ekapolon iyes,

Esek. 20:32

“Nyitiyakinosi jik ŋakiro ŋuna itamete iyes ebe, ‘Ecamitae isua kikwaanikinetei ka ŋakwapin ŋunace, ecamitae kikwaanikinetei ka ŋikabilae a ŋakwapin a ŋunace, ŋulu ilipete neni a ŋakito ka ŋamoru. ’”

Ŋilep. 18:3

Nyitiyata ŋakiro ŋuna itiyaete ŋituŋa ŋulu a Ijipit, ŋituŋa akwap a ŋina iboitotor iyes, ido nyitiyata ŋakiro ŋuna itiyaete ŋituŋa ŋulu a Kanaan, ŋituŋa akwap a ŋina akayai ayoŋ iyes. Nyiwuapa ŋakiro ŋuna etubunito ikes.

Ŋilep. 20:23

Nyemaikina iyes kiwuapa ŋitalyo a ŋituŋa a ŋulu alosi ayoŋ akiritar alokiŋaren kus, anerae apotu ikes kitiyata ŋakiro ŋun daadaŋ, eketilyata ikes ayoŋ.

Ŋikis. 18:9

Ani idolete iyes nakwap ŋina ikiinit Ekapolon Akuj kus iyes, tocoito nyisisaut ŋiticisyo ŋulu aronok ŋulu eŋeritoe ŋulu itiyaete ŋituŋa a ŋakwapin a ŋun.

Ŋikat. 6:10

abu ayoŋ okolimok iyes otema, ‘Arae ayoŋ Ekapolon Akuj kus, nyiryediko kilipa neni a ŋakujo a Ŋiamori a ŋulu iboiyete iyes anakwap kec.’ Nai nyiwuapa iyes ŋakiro kaŋ.”