Yer. 10:15 - Ebaibul

¹⁵ Erae ŋitorubei ŋul ŋicaryo, erae ŋulu itiyaunitae aŋuna ka ajamuwaro; apaki ŋina isicanere ikes, eŋopiyarete ikes.

Yer. 10:15 Iomraidhean Croise

Ŋikiru. 115:9

Okoe ŋituŋa a Isirael, kikinyoma Ekapolon! Iŋes erae ekeŋarakiniton kus ka ekaiunan kus.

Isa. 41:24

Kire jik, iraakasi iyes ŋakoŋinae ka erae ŋiticisyo kus ŋikoŋinae; ituŋanan daadaŋ ŋini eseuni akiwuap iyes erae ŋini esiilyana.

Isa. 41:29

Mam ipei daŋ, erae ikes daadaŋ ŋikalyokonok; erae ŋiticisyo kec ŋikoŋinae; erae ŋitorubei kec ekuwuam koŋin.”

Isa. 57:12

Esileereuni ayoŋ akiyookino kus ka ŋiticisyo kus, ido emam ajokis iryamunete iyes anakiro a ŋun.

Yer. 10:11

Aŋun tolimok ŋituŋa ebe, “Emunyaryo anakwap ŋakujo ŋuna pa arae ikes etiyaunete ŋiboro ŋulu alokidiama ka ŋulu alokwap, eŋopiyarete ikes alokwap ka kidiama.

Yer. 10:8

Imasimasit ka ebaŋaaka ikes daadaŋ; emam akitatam ŋina ejok ŋina eryamunete ikes aneni a ŋakujo a ŋunacaryo.

Yer. 14:22

Epedorete mono ŋakujo a ŋakwapin ayaun akiru a? Kori epedori mono kidiama akimyekin akiru bu a? Okoe Ekapolon Akuj kosi, meere mono iyoŋ iyauni a? Ikiwuakinit isua akigeno kosi neni kon, anerae iyoŋ itiyae ŋun daadaŋ.

Yer. 18:15

Nai, emuryakin ayoŋ aneni a ŋituŋa kaŋ, icunyanakinete ikes ekinyate nakujo ŋunacaryo, ŋuna ainakis ikes akiwuapit ŋuna pa amaikina kiwuapa, nyeriŋa iwuapito ŋuna a akoloŋ sek; iwuapito ikes ŋirotin ŋulu nyemaikinae amet, nyiwuapito ŋolo etakani.

Yer. 43:12

Inokakini iŋes akim nakais a ŋakujo a Ijipit, icunyakini iŋes ŋakais ŋun toriko ŋituŋa erae ŋulu ikamaritae, epyaari iŋes akwap a Ijipit lopite ŋolo elemarya ekeyokon ŋilac alolou keŋ, toboŋo a nen emam ŋace.

Yer. 50:2

“Tolimosi anakwapin a daadaŋ ka kiserata, kikyaasi abendera ka kiserata, nyimunono ŋakiro nu, temasi iyes, ‘Ekamar Babilon, esirumi Bel ŋileec, akadaki Merodak. Esirumi ŋitorubei a ŋakujo kec ŋileec, akadaki ŋakujo kec.’

Yer. 51:18

ecaryooko ikes, erae etic ŋolo ejamuwaritae, emunyaryo ikes apaki ŋina ka atubokino kec.

Yer. 8:12

Apotu ikes kitiyata ŋuna a ŋileec, apotu kitiyata ŋakiro ŋuna asiilyanak, ido nyiruma ikes ŋileec, pa apotu ikes toyenut epite ŋolo anyunyuratar ikes make, aŋun, etwakete ikes daŋ lopite ŋolo aponiata ŋuluce totwaka, apaki ŋina abunio ayoŋ akisican ikes, ereunio ikes.

Yer. 8:19

Kiirasi akigworo a ŋituŋa kaŋ, igworosi ikes aneni eapi ka aneni alwanan ebasi, “Emam mono Ekapolon alo Sion a? Emam mono erwosit a Sion alotaun keŋ a? Kaanukiro eketoŋoeta ikes ayoŋ a ŋitorubei kec, kaanukiro eketoŋoeta ikes ayoŋ a ŋitorubei a ŋakujo kec a ŋuna egelaaka?”

Osea 9:7

Adolut ŋirwa ŋulu ka akisicanio, adolut ŋirwa ŋulu a ŋinyaŋ, igworosi ŋituŋa a Isirael ebasi, “Erae ekadwaran ebaŋ, irumito ŋikerep ituŋanan ŋini eyakar etau ŋolo ka Akuj.” Aŋuna a ŋasecisya kus a ŋuna alalak, elalak daŋ ŋiminan kus.

Yona 2:8

Ŋulu ilipete neni a ŋakujo a ŋunacaryo, adaut akiŋer Akuj ŋina isyonene ikes.

Sakar 13:2

Ebala Ekapolon ŋolo Etiron ebe, “Akoloŋit ŋin, ekisari ayoŋ anakwap ŋirorwa a ŋakujo, ido nyetamunio nabo ikes jik. Alemari ayoŋ anakwap ŋulu itusubuna ŋikadwarak kaapei ka ŋulu ilipete ŋakujo.

Ŋitic. 14:15

“A ŋikilyok, kaanukiro itiyaata iyes nu? Isua daŋ ikirae ŋituŋa ikwa iyes! Ikiyaunit isua Ŋakiro ŋuna Ajokak neni kus, ikotere kibelekinos anakujo a ŋuna koŋinae neni ka Akuj a ŋina eyari. Iŋes erae Akuj ŋina asubi kidiama ka akwap, anam ka ŋiboorei daadaŋ ŋulu eyakasi tooma kec.

Ŋikis. 32:21

Apotu ikes eketililikis ayoŋ ibore ŋini nyerae akuj, eketoŋoa ayoŋ a ŋitorubei kec a ŋulu a ŋakujo. Aŋun, ainakini ayoŋ ikes tolilikis ibore ŋini nyerae ituŋanan, kitoŋoa ŋituŋa ŋulu abaŋaaka ikes.

1 Sam. 12:21

Nyiminakis ŋiboro ŋulu erae ŋikoŋinae ŋulu emam epoida, kori ŋulu nyikiunete, anerae erae ŋikoŋinae.

1 Sam. 5:4

Nai, ani nabo enyounete ikes ataparacu ŋinace, toryamut Dagon imasakina kwap edot aloreet, eyai kiŋaren Asaduku ke Ekapolon, ketuborosi akou ka ŋakan keŋ neni kec bon eya lopuke. Akuwan bon nenisulut edoŋit neni keŋ.