Yer. 10:14 - Ebaibul

¹⁴ Imasimasit ŋituŋa daadaŋ ka emamukatar aosou; irumete ŋileec ŋituŋa ŋulu itiyaununete ŋakujo a egolid, anerae erae ŋitorubei kec ŋulu ka alyokonu ka emam ekieŋanu eyai lotorubei ŋul.

Yer. 10:14 Iomraidhean Croise

Ŋikiru. 14:2

Iteunit Ekapolon alokidiama kwap neni a ŋituŋa, akiŋolikin erae keya ŋidi ŋulu eosok, ŋulu ilipete neni keŋ.

Ŋikiru. 92:6

Erae nu ŋuna nyepedori ituŋanan ŋini imasimasit ayenun, nyepedori ŋini abaŋaanan ayenun,

Ŋikiru. 94:8

Toyenutu nu, iyes ŋulu a ŋimasimas, iyes ŋibaŋaanotin, ori mono iosunioto iyes?

Ŋikiru. 97:7

Isurumitae daadaŋ ŋileec ŋulu ilipete neni a ŋakujo, ikes ŋulu iturosi aŋuna a ŋakujo aŋunacaryo a ŋun; iyes ŋakujo daadaŋ toryediko, kilipa neni ka Akuj!

Ŋakit. 30:2

Ayoŋ abaŋaana nooi alotuŋa a daadaŋ; amamukar ayoŋ ayenut ŋina eyakar ituŋanan.

Isa. 42:17

Nai ikes ŋulu ikinyomito neni a ŋakujo, ŋulu irworosi neni a ŋakujo ebasi, ‘Irae iyes ŋakujo kosi,’ isurumyo ikes ŋileec nooi.

Isa. 44:11

Topupokisi, isirumyo ŋileec ŋituŋa daadaŋ ŋulu ilipete neni a ŋitorubei a ŋul, erae tari ŋituŋa ŋulu itiyaununeete ikes ŋikoŋinae. Emaikina ikes daadaŋ tocunakin iwapei, emaikina ikes towua, ebuli ikes ka isurumyo ikes daadaŋ ŋileec.

Isa. 45:16

Isirumyo ŋituŋa daadaŋ ŋileec ka isiguryakinio, isiguryakinio ŋulu itiyaununeete ŋakujo kaapei.

Isa. 57:12

Esileereuni ayoŋ akiyookino kus ka ŋiticisyo kus, ido emam ajokis iryamunete iyes anakiro a ŋun.

Yer. 10:5

Ikwaan ŋakujo kec ka ŋiboorei ŋulu itwarere ŋikyeny alomanikor a ŋolo itakinitae ŋakolil, nyepedorete ŋakujo ŋun akirworo, iwokitae ikes anerae nyepedorete alosit. Nyikuryaketa aŋuna kec, anerae nyepedorete ikes akitiya aronis, kori nyepedorete daŋ akitiya ajokis.”

Yer. 10:8

Imasimasit ka ebaŋaaka ikes daadaŋ; emam akitatam ŋina ejok ŋina eryamunete ikes aneni a ŋakujo a ŋunacaryo.

Ŋirom. 1:25

Anerae ilokonyete ikes Ŋakiro ka Akuj ŋuna a kire ka alyokonu; ilipete ka itiyanakinete ŋisubuna ŋulu ka Akuj akilo akitiyanakin Akasuban alope, ŋina itemokino kipuroe ŋikaru ka ŋikaru! Amen.

1 Sam. 5:4

Nai, ani nabo enyounete ikes ataparacu ŋinace, toryamut Dagon imasakina kwap edot aloreet, eyai kiŋaren Asaduku ke Ekapolon, ketuborosi akou ka ŋakan keŋ neni kec bon eya lopuke. Akuwan bon nenisulut edoŋit neni keŋ.