Yer. 10:13 - Ebaibul

¹³ Ani irworikini iŋes, kiguryakin ŋakipi alokidiama, itonyouni iŋes ekuno anakisalet a akwap. Iwuanakini iŋes akimilya toyakaun apaki ŋina eyakar akiru, eyaununui iŋes ekuwuam tokut anakibois a ŋina sek eyai.

Yer. 10:13 Iomraidhean Croise

Akisy. 2:5

ariŋa ŋikito ka ŋinya ŋulu ka ariet nyepena nakwap ka ariŋa nyerupuna ibore daadaŋ alokwap, anerae ariŋa Ekapolon Akuj nyisilima akiru ka amam ituŋanan ŋini etae akwap.

1 Ŋirw. 18:41

Tolimok Eliya Aab tema, “Ape, kitipeiyo ikotere kimuj ka tomat, anerae eruuno akiru ŋina apolon.”

Yob 38:22

“Ilomarit mono iyoŋ neni iwuakinitae ekuno, kori iŋolikinit mono iyoŋ neni idyasitae ŋakako

Ŋikiru. 104:13

Iyakiununui iyoŋ akiru alokidiama, kilim lomoru, toryamu akwap ŋarereŋisyo a etic kon.

Ŋikiru. 135:17

eyakatar ŋaki, nai nyepupete, emam tari ekuwuam elomununui anakituka kec.

Ŋikiru. 135:7

Eyaununui iŋes ŋidouwon anakisaleta ka akwap; eyaununui iŋes akimilyaa aŋuna ka akiru, ido eyaununui ekuwuam aneni sek eyai.

Ŋikiru. 147:8

Ebutanakini iŋes ŋidouwon kidiama, eyaununui akiru kwap, iturupununui ŋinya alomukura.

Ŋikiru. 18:13

Abu daŋ Ekapolon kirworik anakuj, ido aponi kiirarae etoil a Akuj a ŋina alokidiama nooi.

Ŋikiru. 68:33

toeikisi neni a ŋolo eyai kidiama, kidiama ŋina eyai ŋinapei koloŋ; kiirasi epite ŋolo ecelunia iŋes ke etoil a ŋolo apolon nooi.

Awos. 9:23

Kikyaa nai Moses akan keŋ kidiama, ido abu Ekapolon kiyaku akiru ŋina agiro toya ŋakako, kimilya akwap nooi. Iŋes atemar abu Ekapolon kiyaku akiru ŋina a ŋakako nakwap a Ijipit.

Yer. 14:22

Epedorete mono ŋakujo a ŋakwapin ayaun akiru a? Kori epedori mono kidiama akimyekin akiru bu a? Okoe Ekapolon Akuj kosi, meere mono iyoŋ iyauni a? Ikiwuakinit isua akigeno kosi neni kon, anerae iyoŋ itiyae ŋun daadaŋ.

Yer. 19:12

Etiyae ayoŋ ŋun nakibois na ka neni a ŋituŋa a ŋulu iboiyete a nen, kikwaanikin etaun lo ka Topes.

Yer. 5:24

Nyirworosi ikes alotai kec make ebe, ‘Okerito Ekapolon Akuj yok, ŋina ikiinanakini akiru anapaki a ŋina itemokino, iŋes ikiinanakini akiru ŋina ka akiceeret ka ŋina ka atepunet, ŋina itemokinit aŋuna yok ŋisabito ŋulu elemere.’

Yer. 51:16

Ani irworikini iŋes, kiguryakin ŋakipi alokidiama ido bu ekuno anakisaleta a akwap. Iŋes iwuakini akimilya toyakaun apaki ŋina ka akiru ka iŋes eyaununui ekuwuam tokut aneni sek eyai.

Amos 4:13

“‘Kiirasi mono iyes iŋes ŋolo abu tosub ŋimoru ka ekuwuam, iŋes ŋolo isileerekini ŋituŋa ŋatameta keŋ ka iloconokini akuwar toruwor apaaran, iŋes ŋolo ipukat nakuj ka akwap, erae ekiro keŋ Ekapolon Akuj ŋina a ŋajoresyo.’”

Sakar 10:1

“Kiŋita Ekapolon akiru apaki ŋina ka akicereet. Erae Ekapolon iyakiununui ŋidouwon ŋulu ka akiru iŋes einanakini ŋituŋa akiru, iŋes itilibuni ariet aŋuna a ŋinisubuna.