Yer. 10:12 - Ebaibul

¹² Erae Ekapolon iŋes asubuni akwap a apedor keŋ, iŋes ewuakini akwap a aosou keŋ, iŋes anayenut keŋ apetakini kidiama.

Yer. 10:12 Iomraidhean Croise

Akisy. 1:1

Anakisyakinet, abu Akuj tosub kidiama ka akwap.

Akisy. 2:5

ariŋa ŋikito ka ŋinya ŋulu ka ariet nyepena nakwap ka ariŋa nyerupuna ibore daadaŋ alokwap, anerae ariŋa Ekapolon Akuj nyisilima akiru ka amam ituŋanan ŋini etae akwap.

1 Ŋakiro a ŋirwa 16:26

Erae ŋakujo daadaŋ ŋuna eyakatar ŋituŋa ŋacaryo, nai Ekapolon iŋes abu tosub kidiama.

Yob 26:7

Epetakinit Akuj ewae ŋolo alo Kuju neni emam ibore eyai, iwuakinit Akuj akwap neni emam ibore igaŋitor.

Yob 37:18

Ipedori iyoŋ apetakin ŋidouwon kidiama lopite ŋolo itiyaa Akuj a? ipedori iyoŋ akitogogoŋ ikes ikwa eburonis ŋolo ikirouni a?

Yob 9:8

Akuj bon iŋes apetakini kidiama, Akuj bon iŋes itidipakini akimorokok a ŋakipi ananam.

Ŋikiru. 104:2

Ikimukorit iyoŋ akica ikwa imukoritor elou ituŋanan, ibu iyoŋ topeta kidiama ikwa eema,

Ŋikiru. 104:24

Okoe Ekapolon, itiyau iyoŋ ŋiboro ŋulu alalak! Itiyau iyoŋ ikes daadaŋ anaosou kon; ileleba ŋisubuna kon nakwap.

Ŋikiru. 119:90

Eyai akikinyoma kon jik nanyameta daadaŋ; ibu iyoŋ tosub akwap, ido eriŋa eyai jik.

Ŋikiru. 24:2

anerae abu Ekapolon kiwuak akwap neni aonon nanamyo kiwuak akwap neni aonon kidiama ŋakipi.

Ŋikiru. 33:6

Abu Ekapolon tosub nakuj a akirot a ŋina alimuni iŋes. abu Ekapolon tosub ibore daadaŋ ŋini eyai kidiama a ŋakiro a ŋuna alimuni iŋes.

Ŋikiru. 65:7

Isililiŋene iyoŋ akiruruma ŋina a ŋanamyo, akiruruma ŋina a ŋikaguragurae a ŋakipi a ŋuna ekusi ekuwuam ka ecelet ŋolo ikitepegeta iyoŋ ŋituŋa.

Ŋikiru. 78:69

Abu Akuj todukok nen Akai keŋ, ikwaan ke ere keŋ ŋolo anakuj; abu kitogogoŋ Akuj keŋ lopite ŋolo abunio tosubunia akwap erae ŋina egogoŋ ŋikaru ka ŋikaru.

Ŋikiru. 93:1

Erae Ekapolon Erwosit, eyakar iŋes apolou ŋina ailiilon ka eyakar iŋes agogoŋu. Ewuak Akuj akwap; emam ŋini isiyotokini akwap a nen jik.

Ŋakit. 3:19

Abu Akuj anaosou keŋ tosub akwap, abu Akuj anayenut keŋ kiwuak kidiama;

Ŋakit. 30:4

Ŋae mono alosit kidiama nakuj, ido toboŋu? Ŋae mono eriraunit ekuwuam tobun anakan? Ŋae mono aokunit ŋakipi a elou keŋ? Ŋae iwuakinit ŋakisaleta ŋuna ka akwap? Ŋae ekiro keŋ? Ŋae ekiro alokoku keŋ? Tolimokinae ayoŋ erae kiyenete!

Isa. 37:16

“Okoe Ekapolon ŋolo a ŋajoresyo, Akuj a Isirael, iyoŋ ŋina iyai kidiama ŋisubuna ŋulu a ŋabebenuk, irae iyoŋ Akuj, iyoŋ bon irae Akuj anakwapin a daadaŋ anakwap.

Isa. 40:22

Erae ŋolo iboi alokicoloŋ keŋ a ŋolo eyai kidiama akwap ka kidiama ariwo iŋes asubuni akwap. Ite iŋes alokidiama ŋituŋa esibito ŋabeerei; iŋes abu topeta kidiama ikwa anaŋga, topeta iŋes lopite ŋolo igurorere eema, ikotere iboikinoi tooma.

Isa. 42:5

“Alimu Akuj, Ekapolon ŋakiro nu atemar, Ŋae asubuni kidiama, ido topetak ariwo? Ŋae apetakini akwap ka etolomuni ibore ŋini elomunit anakwap? Ŋae einanakini ekieŋanu neni a ŋituŋa a ŋulu iboiyete anakwap ka neni a ibore a daadaŋ a ŋini elosi anakwap?

Isa. 44:24

Alimu Ekapolon Ekalakunan kus, ŋolo abu ikiyeu iyes anakookyes atatoto kus ebe, “Arae ayoŋ Ekapolon ŋolo asubuni ŋiboro daadaŋ, ayoŋ abu opetak kidiama, ayoŋ elope abu opetak akwap.

Isa. 45:12

Ayoŋ asubuni akwap ka abu osub ŋituŋa ŋulu eya nakwap; ayoŋ abu opetak kidiama ka abu olimu atemar toyakaun nen ŋisubuna ŋulu eya kidiama.

Isa. 45:18

Ŋuna alimu Ekapolon ŋolo asubuni kidiama, (Iŋes Akuj) ŋolo ayeuni ka etiyauni akwap, (iŋes esyakini akwap, pa asubuni iŋes akwap erae ŋina a egurigur, abu iŋes toyeu akwap ikotere iboiyoto ŋituŋa alotooma keŋ.) Alimu Ekapolon atemar ayoŋ Ekapolon, emam ekapolon ece eyai.

Isa. 48:13

Arae ayoŋ asubuni akisyakinet a akwap, ayoŋ apetakini kidiama. Ani kanyara ayoŋ akwap ka kidiama epote ikes neni kaŋ.

Isa. 49:8

Alimu Ekapolon ŋakiro nu, “Ani ŋina adolyo akoloŋit ŋina akaiunia iyes, abu ayoŋ ekeŋarak iyes, adau ayoŋ akiyok iyes, akituruwor iyes acamunet aŋuna a ŋituŋa a ŋakwapin, akinyakakin akwap lotuŋa kaŋ, akoranakin nabo akwap ŋina abu toruwor ekasile neni a ŋituŋa.

Yer. 10:13

Ani irworikini iŋes, kiguryakin ŋakipi alokidiama, itonyouni iŋes ekuno anakisalet a akwap. Iwuanakini iŋes akimilya toyakaun apaki ŋina eyakar akiru, eyaununui iŋes ekuwuam tokut anakibois a ŋina sek eyai.

Yer. 10:16

Nyikoni Akuj a Yakob nen, anerae iŋes etiyauni ŋiboro daadaŋ ka erae ŋituŋa a Isirael ŋulu keŋ, erae ekiro keŋ Ekapolon ŋolo a ŋajoresyo.”

Yer. 14:22

Epedorete mono ŋakujo a ŋakwapin ayaun akiru a? Kori epedori mono kidiama akimyekin akiru bu a? Okoe Ekapolon Akuj kosi, meere mono iyoŋ iyauni a? Ikiwuakinit isua akigeno kosi neni kon, anerae iyoŋ itiyae ŋun daadaŋ.

Yer. 27:5

Erae ayoŋ asubuni akwap a apedor kaŋ a ŋina apolon ka a agogoŋu kaŋ, ayoŋ asubuni ŋituŋa ka ŋityaŋ ŋulu eya nakwap, ido ainakini ayoŋ neni a ŋini acamit ainakin.

Yer. 32:17

Okoe Ekapolon Akuj, arae iyoŋ isubuni nakuj ka nakwap ka apedor kon a ŋina apolon ka akan kon a ŋina agogoŋon, mam ibore ikipiyori iyoŋ.

Sakar 12:1

Erae nu ŋakiro a Ekapolon aŋuna a Isirael, ŋakiro a Ekapolon a ŋolo abu tosub kidiama lopite ŋolo eyakar, tosub akwap, ido inak akiyar neni a ituŋanan. Ebala iŋes ebe,

Yoa. 1:3

Abu Akuj tosub ŋiboro daadaŋ aneni keŋ; kerae tomam iŋes, pa kesubunitae idiobore.

Ŋikol. 1:16

Anerae abu Akuj tosub alotooma keŋ ŋiboro daadaŋ ŋulu eyakasi kidiama ka ŋulu anakwap, ŋulu etakanete ka ŋulu nyetakanete, kaapei ka ŋipyan ŋulu eyakatar ŋapedorosyo, ŋikapolok, ŋikepukak ka ŋikawuokinitok akwap. Abu Akuj tosub akwap daadaŋ aneni keŋ ka aŋuna keŋ.