Yer. 1:6 - Ebaibul

⁶ Abu nai ayoŋ otema, “Okoe Ekapolon Akuj! Kire jik, nyayeni ayoŋ erwor, anerae eriŋa ayoŋ arae idya.”

Yer. 1:6 Iomraidhean Croise

Awos. 4:1

Tolimo nai Moses Akuj tema, “Ani bo pa kecamut Ŋisirael akinup ŋakiro kaŋ, kori pa kecamut apupokin ŋuna erworo ayoŋ, ido temasi, ‘Nyetakanuna Ekapolon neni kon.’ Anukiro itiyakin?”

Awos. 6:12

Abu nai Moses kiŋit Ekapolon tema, “Ani nai kewounito Ŋisirael apupokin ŋakiro kaŋ, alipite nai epupokinia Parao ŋakiro kaŋ a ŋolo nyayeni erwor ejok?”

Awos. 6:30

Nai abu Moses alokiŋaren Ekapolon kiŋit iŋes tema, “Ikwapei ayenia ayoŋ atemar nyerworo ayoŋ ejok, alipite nai epupokinia Parao ŋakiro kaŋ?”

Isa. 6:5

Otema nai ayoŋ, “Oitakoi! Acakar bare ca, anerae arae ayoŋ ituŋanan ŋini nyerworo ŋakiro ŋuna ajokak ka ikiboi ayoŋ ka ŋituŋa ŋulu nyirworosi ŋakiro ŋuna ajokak, nai adau ayoŋ akiŋolikin erwosit, Ekapolon ŋolo a ŋajoresyo!”

Yer. 14:13

Olimu nai ayoŋ otema, “Okoe, Ekapolon Akuj! Ŋikadwarak lu ŋulu elimonokinete ŋituŋa ebe, ‘Nyikiaryo iyes a ekileŋ, kori nyiyakaunotor iyes eron, nai akainakini ayoŋ iyes ekisil ŋolo a kire anakibois a na.’ ”

Yer. 32:17

Okoe Ekapolon Akuj, arae iyoŋ isubuni nakuj ka nakwap ka apedor kon a ŋina apolon ka akan kon a ŋina agogoŋon, mam ibore ikipiyori iyoŋ.

Yer. 34:6

Abu nai ekadwaran Yeremia tolimok alo Yerusalem Sedekia erwosit a Yudaya ŋakiro ŋun daadaŋ,

Yer. 4:10

Abu nai ayoŋ otema, ‘Okoe, Ekapolon Akuj, kire idau iyoŋ amodikin ŋituŋa a Yerusalem analimokin ikes atemar emam ŋace eyakaun neni kus,’ toarete bo ŋimoe ikes!”

Esek. 4:14

Abu nai ayoŋ otema, “Meere ikoŋina Ekapolon Akuj! Nyemunaara ayoŋ ŋinapei akuwan kaŋ. Ŋinapei anasoroko kaŋ akitodol tokona, nyenyama ayoŋ ibore ŋini etwani bon, kori ŋini earito ŋityaŋ ŋulu ka ariet. Nyiwuakina ayoŋ nakituk kaŋ akiriŋ ŋina eketaleo.”

Sakar 2:4

Tema neni keŋ, “Tomotun, tolimok esorokit ŋol ŋolo eyakar akipimet ebe, ‘Ebala Ekapolon, eruwor Yerusalem etaun ŋolo emam ŋarwatatain aŋuna alalauniata nooi ŋituŋa keŋ ka ŋibaren keŋ.