Yer. 1:5 - Ebaibul

⁵ “Eriŋa ayoŋ nyeyeuna iyoŋ anakook a toto kon, akayeni ayoŋ iyoŋ, ani eriŋa nyidouno iyoŋ, aris ayoŋ keketaleiyo iyoŋ, abu ayoŋ eketuruwo iyoŋ ekadwaran aneni a ŋituŋa a ŋakwapin.”

Yer. 1:5 Iomraidhean Croise

Ŋikiru. 139:15

Pa ewua aneni kon epite ŋolo ikiyeunia iyoŋ ayoŋ, epite ŋolo ikiyaa iyoŋ ayoŋ anakook atoto kaŋ. Apaki ŋina ikiyaa iyoŋ ayoŋ a nen pa atakani, iyeni iyoŋ atemar ayai ayoŋ nen.

Ŋikiru. 139:16

Aris iyoŋ kikiŋolik ayoŋ eriŋa ayoŋ nyidouno. Aris kigiri lokitaabo ŋirwa daadaŋ ŋulu ekemarakinitae ayoŋ, eriŋa tari apei daŋ nyimarakina.

Awos. 33:12

Tema Moses neni ke Ekapolon, “Ikilimonokini iyoŋ ayoŋ ŋinapei paaran ebe, ‘Torik ŋituŋa lu,’ nai nyiteyenikina iyoŋ ayoŋ ituŋanan ŋini iyakiyari iyoŋ orukosi ka ayoŋ; tobali bo iyoŋ, ‘Ayeni ayoŋ ekiro kon ka idau iyoŋ ajokyar aneni kaŋ.’

Awos. 33:17

Tema Ekapolon neni a Moses, “Acamuni ayoŋ ŋakiro ŋun, ŋuna ilipa iyoŋ; anerae ijokiar iyoŋ aneni kaŋ ka ayeni ayoŋ ekiro kon.”

Isa. 44:2

Alimu Ekapolon ŋolo ikisubuni iyes, ŋolo abu ikiyeu iyes anakookyes atatoto kus ka ŋolo abu ikiŋarak ebe, “Nyikuryaketa, okoe ŋiletok a Yakob a eketiyan kaŋ, okoe iyes ŋiletok a Isirael ŋulu adau ayoŋ aseun;

Isa. 49:1

Iyes ŋituŋa ŋulu iboiyete anakwapin a ŋuna idunyito anam, kiirasi ŋakiro kaŋ, iyes ŋituŋa ŋulu iboiyete anakwapin a ŋuna alwanak, topupokisi! Abu Ekapolon okonyarau ayoŋ eriŋa ayoŋ nyeuruuna, apaki ŋina ariŋaakar ayoŋ ayai nakook a toto kaŋ, abu iŋes okolimok ayoŋ ekiro.

Isa. 49:5

Alimu tokona Ekapolon ŋolo akayeuni ayoŋ anakook atoto kaŋ aruwor eketiyan keŋ, ŋolo akaseuni ayoŋ akinyakar neni keŋ ŋiletok a Yakob ka acunar Ŋisirael neni keŋ; ŋolo eketopoloorit ayoŋ, Akuj kaŋ ŋina aruwor agogoŋu kaŋ,

Yer. 1:10

Kiira, nakoloŋit na akaseu ayoŋ iyoŋ topolok ŋakwapin ka ŋapukasinei, arutun ka aritakin kwap, amunaar ka akikamar, adukokin ka adupakin.”

Yer. 1:4

Apaki ŋin, abu akirot a Ekapolon bu neni kaŋ ebala,

Yer. 20:15

Icenen ekile ŋolo ayauni ŋakiro neni a papa kaŋ, tolimok iŋes ebe, “Edoun ikoku kon, ikoku ŋinisapat,” ido apotu ŋun inakis iŋes alakar.

Yer. 25:13

Esiyookini ayoŋ aŋuna ka akwap a ŋin ŋakiro daadaŋ ŋuna abu ayoŋ olimu emanit iŋes, iyookin ŋakiro daadaŋ ŋuna a ŋiman ŋuna abu Yeremia todwar ŋuna igiritae lokitaabo lo, ŋakiro ŋuna a ŋituŋa a ŋakwapin a daadaŋ,

Yer. 36:2

“Tolemu ekitaabo kigir ŋakiro daadaŋ ŋuna akalimok ayoŋ iyoŋ aremokino ŋituŋa a Isirael ka ŋituŋa a Yudaya ta ŋituŋa a ŋakwapin a daadaŋ, kigir ŋakiro ameun anakoloŋit a ŋina erworor ayoŋ neni kon ka ŋuna alorwa a ŋulu a Yosia tari nakoloŋit na.

Yer. 50:34

Egogoŋ Ekalakunan kec, erae ekiro keŋ Ekapolon ŋolo a ŋajoresyo. Kire jik eji iŋes aŋuna kec, ikotere eyauni ekisil nakwap kec, nai eyauni iŋes egurigur ŋoloruba neni a ŋituŋa a Babilon.”

Luk. 1:15

anerae erwoniar iŋes alokiŋaren Ekapolon. Nyitemokino iŋes tomat epiini kori idiobore ŋini ikitemerakini, ilelebun iŋes Etau ŋolo Asegan, tari eriŋa eyai nakook a toto keŋ.

Luk. 1:41

Ŋolopite eirarya Elisabet emalas a Maria, kicurok ikoku anakook keŋ, kilelebikin Etau ŋolo Asegan tooma keŋ.

Luk. 1:76

Iyoŋ ikoku ŋini cici, ikinyarao ekadwaran ŋolo ka Akuj a ŋina alokidiama nooi; anerae iŋarenikini iyoŋ Ekapolon, kitemonok ŋirotin keŋ.

Yoa. 10:36

Ani nai kikote nen, ikokinete iyes ai ibasi, ‘Iyanyi iyoŋ Akuj!’ anerae abu ayoŋ olimu atemar, ‘Arae Ayoŋ Lokoku ka Akuj,’ ikwapei araakar ayoŋ abu Akuj okotyaku ekeyakuu nakwap.

Ŋirom. 1:1

Ayoŋ Paulo, eketiyan a Yesu Kristo, egirit abaruwa na. Akanyarau Akuj ayoŋ aruwor ekiyakia ka akaseu aruwor ekalimonokinan Ŋakiro keŋ ŋuna Ajokak.

Ŋirom. 8:29

Abu Akuj keseu ŋituŋa ŋulu sek aris ketyaka nawae toyakaunos ikwaŋina eyakar Lokoku keŋ, ikotere nai Lokoku keŋ eruwor ŋolo eŋarenon alokidiŋ ŋikaitotoi ŋulu alalak.

1 Ŋikor. 8:3

Nai ituŋanan ŋini emina Akuj, eyeni Akuj iŋes.

Ŋiep. 1:22

Abu Akuj kiwuak ŋiboro daadaŋ kwap ŋakejen a Kristo ka inak iŋes ŋolo epolokinit ŋiboro daadaŋ.