Yer. 1:17 - Ebaibul

¹⁷ Nai toten iyoŋ Yeremia, towo, tolimok ikes ŋakiro daadaŋ ŋuna ekeciki ayoŋ iyoŋ. Nyikuryaniar alokiŋaren kec, kikuryaniar iyoŋ, akainakini ayoŋ iyoŋ akuryanu alokiŋaren kec.

Yer. 1:17 Iomraidhean Croise

1 Ŋirw. 18:46

Nai abu Ekapolon toyakaun ke Eliya; toen Eliya elou keŋ anacir; toem tolunyar kiŋaren Aab lopuke ŋolo a etaun Yesireel.

2 Ŋirw. 1:15

Tolimok nai emalaika ŋolo ke Ekapolon Eliya tema, “Torukosi ka iŋes; nyikurianiar aŋuna keŋ.” Tonyou nai Eliya torukosi ka ekarikon a ŋasigarya ŋol neni a erwosit Aasia,

2 Ŋirw. 4:29

Tolimok Elisa Geasi tema, “Toenik arokoba nacir kon, tolema ebela kaŋ, tosodi tolot. Nyiwo akimal idiotuŋanan. Ani kikimal ituŋanan iyoŋ, nyiboŋok. Tolot jik tari kai, tosodi kidokok ebela kaŋ loreet a idya.”

2 Ŋirw. 9:1

Tonyarau Elisa ŋolo arae ekadwaran, epei anatukot a ŋikadwarak tema, “Kitemokin, totiŋ ecupa lo ŋolo eyai akimyet, tolot Ramos-Gilead.

Yob 38:3

Towo tokona itenit ikwa ekile, ekeŋisi ayoŋ iyoŋ ŋakiro, ido emaikina ikilimok ayoŋ ŋuna ekeŋisi.

Awos. 3:12

Tema Akuj neni a Moses, “Ikiruki ayoŋ ka iyoŋ, ido eruwor na akitoodikinet aneni kon atemar erae ayoŋ ekeyakit iyoŋ: Ani kidau iyoŋ ayaun ŋituŋa alo Ijipit, ilipi iyoŋ neni kaŋ alomoru a lo.”

Awos. 7:2

Irwori iyoŋ ŋakiro daadaŋ ŋuna ekecikak ayoŋ iyoŋ, ikotere lokaato kon Aron elimokini Parao kimyek Ŋisirael toloto anakwap a Ijipit.

Yer. 1:18

Ani eruwor ayoŋ, adau ayoŋ akitogogoŋ iyoŋ nakoloŋit na, lopite ŋolo egogoŋio etaun ŋolo ewuatae a ŋarwatatain, lopite ŋolo egogoŋio epir ŋolo erae asuwat ka egogoŋio arwatata ŋina edukitoe a eburonis. Nyikuryaniar, ikiremokinosi iyoŋ ŋituŋa a akwap a daadaŋ, ikiremokinosi iyoŋ ŋirwosi a Yudaya, ŋikapolok keŋ, ŋisacaradotin keŋ ka ŋituŋa keŋ ŋuluce daadaŋ.

Yer. 17:18

Kimyek ŋikesicanak kaŋ kiruma ŋileec, nai nyikimyek ayoŋ ekeruma ŋileec. Kimyek ikes tokadak, nai nyikimyek ayoŋ okokadak, yau aŋuna kec akoloŋit ŋina ka akisicanio, tomunya ikes iryenyaana nooi.

Yer. 23:28

Kimyekisi ekadwaran ŋolo irujat tolimu ŋuna irujat iŋes, nai kimyekisi ŋini eyakar akirot kaŋ tolimu akirot kaŋ emam akilocokin. Alipite ikwaanatar nooi ŋikinyom ŋulu ikote erau ka eot?

Yer. 26:12

Abu nai Yeremia kirwor neni a ŋikapolok ka neni a ŋituŋa a daadaŋ tema, “Erae Ekapolon ekeyakuuni ayoŋ akidwar ŋakiro daadaŋ ŋuna iirasi iyes aŋuna a Akai a na ka aŋuna a etaun a lo.

Yer. 26:2

tolimok Yeremia tema, “Towo analapatu a ŋina alokiŋaren Akai ke Ekapolon, ido kirwor neni a ŋituŋa a daadaŋ a ŋulu iboiyete alotaunio a Yudaya, ŋituŋa ŋulu eponeneete akilip alo Kai ke Ekapolon, tolimok ikes daadaŋ ŋakiro ŋuna ekeciki ayoŋ iyoŋ, nyimunon ŋakiro ŋadi.

Yer. 36:8

Abu nai Baruk lokoku a Neria kitiya ŋakiro daadaŋ ŋuna alimokini ekadwaran Yeremia iŋes, ŋuna ka akisyom alo Kai ka Akuj ŋakiro ke Ekapolon ŋuna egiritae lokitaabo.

Aum. 3:57

Ibu iyoŋ bu neni kaŋ, apaki ŋina akanyaritor ayoŋ iyoŋ, Itolimok ayoŋ ebe, ‘Nyikuryaniar.’

Yona 3:2

“Tonyou, tolot Ninepe, lotaun ŋol ŋolo apolon nooi, kisera neni a ŋituŋa keŋ ŋakiro ŋuna akalimok ayoŋ iyoŋ.”

Luk. 12:35

“Tonyikito ŋikusilowi ejok, tonokete ŋikusitaae.

Ŋitic. 20:20

Iyenete iyes atemar abu ayoŋ nyemunon idiobore ŋini eyai epoida aneni kus, abu okolimonok ka eketatamik anatukon ka alorerya kus.

Ŋitic. 20:27

Anerae nyimunono ayoŋ akiserakin iyes ŋuna daadaŋ ecamit Akuj.

1 Ŋikor. 9:16

Nyapedori ayoŋ akituro aŋuna alimonokinia Ŋakiro ŋuna Ajokak. Anerae ekecikak Akuj ayoŋ alimonokin ŋakiro ŋun. Erokyarosi aneni kaŋ erae pa kalimonok Ŋakiro ŋuna Ajokak!

1 Ŋites. 2:2

Iyenete iyes epite ŋolo aponere ikiteryamunere isua ŋican ka itobolyare alo Pilipi. Kikote neni daŋ, abu Akuj yok ikiinak isua atitinyu ŋina limonokinet iyes Ŋakiro ŋuna Ajokak ŋuna eponito aneni keŋ, tari ŋina atyonio nooi etic kosi.

1 Pet. 1:13

Aŋun, totenito anatameta kus aŋuna ke etic. Totenito anatameta ka kiwuakinito akigeno kus daadaŋ najokis ŋina ikiinakinio iyes apaki ŋina isileereunere Yesu Kristo.