Yer. 1:15 - Ebaibul

¹⁵ Anyaraunit ayoŋ tokona ŋituŋa a ŋikabilae daadaŋ a ŋapukasinei a ŋuna alo Kuju, tosodi epote ikes, ido iwuakinete ŋirwosi kec daadaŋ ŋikicoloŋo kec ŋulukipukaet lopukei a Yerusalem imanito ŋarwatatain ŋuna ewuato iŋes daadaŋ ka imanito ŋitaunio a Yudaya daadaŋ.

Yer. 1:15 Iomraidhean Croise

Isa. 22:7

Eleleba ŋagaari ŋuna eritae a ŋaŋolei nakadipaalae kon ŋuna ajokak a ŋalup ka apotu ŋasigarya ŋuna ameto ŋaŋolei torebuwasi ŋipukei a ŋitaunio.

Yer. 10:22

Kiirasi ecelet! Topupokisi, ebunit, ebunit egurigur ŋolo apolon anakwap a ŋina alo Kuju; ebunit iŋes akituruwor ŋitaunio a Yudaya daadaŋ ŋireŋoroto, akituruwor nen neni iboiyoto ŋikweei.

Yer. 10:25

“Tobukok anyunyura kon neni a ŋituŋa a ŋakwapin a ŋulu nyikiyenete iyoŋ ka neni a ŋituŋa a ŋulu nyenyarito ekiro kon, anerae amunayasi ikes ŋiletok a Yakob, amunyasi ŋiletok keŋ, emam ŋini idoŋit nakwap, eturuwosi akibois kec akoŋinait.”

Yer. 13:20

Ŋituŋa a Yerusalem, kirereiyosi kiŋolikis, ŋituŋa ŋulu eponito alo Kuju. Ai eya ŋamesekin kus ŋulu aponi ikiinakin iyes, ai eya ŋamesekin kus ŋuna ebusak?

Yer. 25:28

“Ani kewout ikes akijaar ekopo anakan kon ikotere tomata, ilimokini nai iyoŋ ikes ebe, ‘Alimu Ekapolon ŋolo a ŋajoresyo atemar emaikina iyes tomata!

Yer. 25:9

Anyarauni ayoŋ ŋituŋa a ŋikabilae a ŋulu a lo Kuju ka a eketiyan kaŋ Nebukadinesar ŋolo a Babilon, ayauni ayoŋ ikes kitijioto akwap na anyarauni ayoŋ ikes kitijioto ŋituŋa a Yudaya ka ŋituŋa a ŋakwapin a daadaŋ a ŋuna idunyatar ikes. Amunyari ayoŋ ikes jik, eturuwo ikes ŋulu ebulit ka ŋulu irumito ŋileec ta ŋulu inyasuna ŋikaru ka ŋikaru.

Yer. 33:10

“Alimu Ekapolon atemar, anakibois a na a ŋina irworotor iyes ibasi, ‘Erae ereŋorot neni emam ŋituŋa ka ŋityaŋ’ alotaunio a Yudaya ka lorotin a Yerusalem a ŋulu tokona esilok, a ŋulu emam ŋituŋa, kori ŋityaŋ eya, iiraryo nabo,

Yer. 34:1

Erae nu ŋakiro ŋuna abu Ekapolon kirwor neni a Yeremia apaki ŋina etijio erwosit Nebukadinesar ŋolo a Babilon kaapei ka ŋasigarya keŋ daadaŋ ka ŋituŋa a ŋakwapin a daadaŋ a ŋuna epukat iŋes ŋituŋa a Yerusalem ka ŋituŋa a ŋitaunio a Yerusalem daadaŋ.

Yer. 34:22

Alimokini ayoŋ ikes toboŋut lotaun lo, itijikinete ikes ŋituŋa a etaun a lo, ido kikamasi etaun ka kicunyakis a akim. Eturuwori ayoŋ ŋitaunio a Yudaya ŋireŋoroto, neni emam ŋituŋa eya.”

Yer. 39:3

Ani ikamario Yerusalem, apotu ŋikapolok daadaŋ ŋulu a erwosit a Babilon potu kiboikinos lopuke ŋolo alokidiŋ etaun. Ŋikapolok ŋul ikes lu: Nerigalisareser, Samirigarinebo, Sarisekim ŋolo a Rab-Saris, Nerigalisareser ŋolo a Rab-Mag ka ŋikapolok a erwosit a Babilon ŋuluce daadaŋ.

Yer. 4:16

Tolimokisi ŋituŋa a ŋakwapin ebe, “Eyakasi ŋikiyakitono ŋul ne!” Kiserata ŋakiro nu neni a ŋituŋa a Yerusalem ebe, “Eponito anakwap a ŋina alwanan; ŋituŋa ŋulu ikirikaunete iyes, ecelasi ikes imanito ŋitaunio a Yudaya.

Yer. 4:6

Tododasi abendera Sion toema, ikotere iunosi, nyididyoto, anerae ayaunit ayoŋ aronis alo Kuju ka akinyasuno ŋina alalan nooi.

Yer. 43:10

tosodi tolimok ikes ebe, ‘Alimu Ekapolon ŋolo a ŋajoresyo, Akuj a Ŋisirael atemar; alosi ayoŋ eyakuu ka oyau eketiyan kaŋ erwosit Nebukadinesar ŋolo a Babilon, iwuakini ekicoloŋ keŋ ŋolo ka apukan kidiama ŋamoru nu ŋuna anukak ayoŋ kwap ka epetakini iŋes eema ŋolo ka apukan keŋ kidiama kec.

Yer. 44:6

Aŋun, abu anyunyura kaŋ ka aŋoit kaŋ toyakaun lotaunio a Yudaya daadaŋ ka lorotin a Yerusalem, apotu ŋitaunio ŋul toruworos ŋicaryo ka ŋireŋoroto lopite ŋolo eyakatar tokona.

Yer. 46:24

Isirumyo ŋituŋa a Ijipit ŋileec, einakinio ikes neni a ŋituŋa a ŋulu alo Kuju.”

Yer. 5:15

Okoe ŋituŋa a Isirael, eyakuuni ayoŋ neni kus ŋituŋa ŋulu ka akwap a ŋina alwanan, erae ikes ŋituŋa ka akwap a ŋina agogoŋon ka ŋinaŋorot, erae ikes ŋituŋa ŋulu nyiyenete iyes aŋajep kec, kori nyipedorete iyes ayenun ŋakiro ŋuna irworosi ikes.

Yer. 6:22

“Kiirasi, eponito ŋituŋa anakwap a ŋina alo Kuju, ecunasi ŋituŋa a ŋakiboisyo a ŋuna alwanak nooi anakwap.

Yer. 9:11

Eturuwori ayoŋ Yerusalem neni etukotor ŋamoru ŋuna eritakinitae kwap, eturuwori iŋes neni eperyoto ŋikweei; ka eturuwori ŋitaunio a Yudaya ŋireŋoroto, neni emam ŋituŋa iboiyete alotooma kec.”

Aum. 5:11

Aloma ŋituŋa ŋaberu kosi alo Sion, areikis ŋituŋa ŋapesur alotaunio a Yudaya ŋuna sek nyiryamanakina ka ŋikilyok akiryamakin ka ikes.

Esek. 32:30

“Eyakasi nakibois a ŋikatwak ŋin ŋikepukak ŋulu alowae a ŋolo alo Kuju ka ŋisidoniani daadaŋ. Aponi toarae ikes ka alomasi kwap irumito ŋileec, anerae apotu ikes yaut ekabule aŋuna ka agogoŋu kec, eperete ikes a nen erae ŋulu pa anupito neni ka Akuj, erukito ikes ka ŋulu aponi toarae a ekileŋ, irumito ŋileec ikes a nen kaapei ka ŋulu apotu tolomasi nakipany.

Yoel 2:20

Alemari ayoŋ emaase ŋolo abuni alo Kuju eteeka aneni kus, eritari ayoŋ iŋes nakalukae ŋuna erae ŋacaryo anakwap, eritari ayoŋ asepic keŋ ŋina iŋareni nanam ŋina alo Kide, ido abusya keŋ nanam ŋina alo To; ebosuni iŋes a nen tul, eremi abosis keŋ kidiama.” Amunyari ayoŋ iŋes a ŋuna a daadaŋ eitiya iŋes neni kus.

Sakar 6:6

Ŋolo eyakar ŋaŋolei ŋunakiryonok, elosi nakwap ŋina alo Kuju, ŋolo eyakar ŋaŋolei ŋuna akwaŋak, elosi nakwap ŋina alo To, ido ŋolo eyakar ŋaŋolei ŋunameriyek-pusiyek, elosi nakwap ŋina alokwap.”