Yer. 1:11 - Ebaibul

¹¹ Abu akirot a Ekapolon bu neni kaŋ ebala, “Yeremia, nyo ite iyoŋ?” Abu ayoŋ otema, “Ete ayoŋ ateni a ekitoe a ŋolo enyaritae Alimond.”

Yer. 1:11 Iomraidhean Croise

Akisy. 30:37

Tolemu Yakob ŋibelae alokito a lu: Popilari, Alimond ka Pulane, topoiyana ŋapoco aiwace totakanu akitoe neni akwaŋan, kidoŋo ŋibelae eesyaaka.

Isa. 55:11

ikokini nenipei akirot kaŋ ŋina alimuni ayoŋ, nyeboŋuni neni kaŋ emam ibore eyakar, nai isiyookini ŋakiro ŋuna sek alimunitor ayoŋ iŋes ka kisiyook ŋuna eyakitor ayoŋ iŋes.

Yer. 24:3

Tosodi Ekapolon okolimok ayoŋ tema, “Yeremia, nyo ite iyoŋ?” oboŋok ayoŋ otema, “Ete ayoŋ ŋaboboryo; ejokak jik ŋaboboryo ŋuna ajokak ka eroko nooi ŋaboboryo ŋuna aronok, eroko jik nyepedori ituŋanan akinyam.”

Esek. 12:25

Nai ayoŋ Ekapolon alimuni ŋuna alimuni, ido isiyookinio. Emam nabo nyitididiyo ŋun; nai alorwa kus iyes ŋituŋa a Isirael ŋulu ikiŋero ayoŋ, alimuni ayoŋ akirot ka esiyookini.’ ”

Esek. 12:28

Aŋun, tolimok ikes atemar ŋakiro ŋuna irworo Ekapolon Akuj ikes nu, ‘Emam nabo alotooma ŋakiro ŋuna alimu ayoŋ ŋuna itididiyo, ŋakiro daadaŋ ŋuna alimu ayoŋ, isiyookinio.’ ”

Esek. 7:10

Kiirasi aapuu akoloŋit! Abu! Eelun amunyaro kus, alalaar aryenyeo, alalaar akituro,

Amos 7:8

Tema Ekapolon neni kaŋ, “Amos nyo ite iyoŋ?” Oboŋok ayoŋ otema, “Ete ayoŋ akipimet.” Tema nai Ekapolon neni kaŋ, “Alosi ayoŋ etoodik Ŋisirael atemar nyipimara ejok ŋakiro ŋuna itiyaete ikes, nyesyoni nabo ayoŋ ikes jik.

Amos 8:2

Ekeŋit ayoŋ Ekapolon tema, “Amos, nyo ite iyoŋ?” Oboŋok ayoŋ otema, “Ete ayoŋ ebukit ŋolo eya ŋaraito ŋuna akonok.” Tema nai Ekapolon neni kaŋ, “Adolu apaki ŋina esidyon aŋuna a ŋituŋa kaŋ a Ŋisirael, nyesyoni ayoŋ ikes nabo jik.

Sakar 4:2

Abu iŋes ekeŋit ayoŋ tema, “Nyo ite iyoŋ?” Abu ayoŋ otema, “Ete ayoŋ awoet ŋina ke etaa, ŋina erae egolid bon, eyai abesen kidiama keŋ, eyakasi ŋitaae ŋikanikaarei kidiama keŋ, eya lotaae ŋul ŋakiboisyo ŋakanikaarei ŋuna iwuanakinio ŋausyo.

Sakar 5:2

Ekeŋit ayoŋ emalaika tema, “Nyo ite iyoŋ?” Oboŋok ayoŋ otema, “Ete ayoŋ ekitaabo eyai lokuwuam, erae aoyau keŋ ke epeiwae ŋimitae ŋakanikaomwon ka erae auruwuanut keŋ ke epeiwae ŋimitae ŋaomwon ka atutubet.”

Ekim. 17:8

Ani taparacu keŋ elosi Moses loeema ŋolo ayai Asaduku ŋina ka Acamunet, toryamu atemar kiminiaut ŋakwii alobela a ŋolo ka Aron a ŋolo arae ŋuna a ekabila a Lepi; toryamu kiminiaut ŋakwii, keturout ŋatur ka kerau ŋaraito ŋuna ka Alimond ŋuna akokito.