Yer. 1:10 - Ebaibul

¹⁰ Kiira, nakoloŋit na akaseu ayoŋ iyoŋ topolok ŋakwapin ka ŋapukasinei, arutun ka aritakin kwap, amunaar ka akikamar, adukokin ka adupakin.”

Yer. 1:10 Iomraidhean Croise

1 Ŋirw. 17:1

Tema Eliya Etisibait ŋolo alo Gilead neni ka Aab, “Ikwaŋinapei eyarya Ekapolon Akuj a Ŋisirael, ŋina arae ayoŋ eketiyan keŋ, emamukaun ŋakopi, kori akiru ŋikaru ŋulu eponito, mati kalimu ayoŋ.”

1 Ŋirw. 19:17

Ituŋanan daadaŋ ŋini ebucar alokileŋ ka Asael, eari Yeu, ido ŋini ebucar alokileŋ a Yeu, eari Elisa ŋin.

Ekal. 3:3

eyai apaki ŋinaaret ka eyai apaki ŋina kitaŋaleet; eyai apaki ŋina etiyaarere ibore min kwap ka eyai apaki ŋina edukokinere;

Yer. 1:5

“Eriŋa ayoŋ nyeyeuna iyoŋ anakook a toto kon, akayeni ayoŋ iyoŋ, ani eriŋa nyidouno iyoŋ, aris ayoŋ keketaleiyo iyoŋ, abu ayoŋ eketuruwo iyoŋ ekadwaran aneni a ŋituŋa a ŋakwapin.”

Yer. 24:6

Abuni ayoŋ akiyoki ikes jik ka enyakuni ayoŋ ikes nakwap na. Etojokuni nabo ayoŋ ikes ka nyamunyari ikes nabo, adupakini ayoŋ ikes nyealari ikes.

Yer. 25:13

Esiyookini ayoŋ aŋuna ka akwap a ŋin ŋakiro daadaŋ ŋuna abu ayoŋ olimu emanit iŋes, iyookin ŋakiro daadaŋ ŋuna a ŋiman ŋuna abu Yeremia todwar ŋuna igiritae lokitaabo lo, ŋakiro ŋuna a ŋituŋa a ŋakwapin a daadaŋ,

Yer. 31:28

Lopite ŋolo abunio ayoŋ olemarya, omunaarya, elounia, enyasunia ka oyau aronis neni kec, aŋun eyoki ayoŋ ikes, ido adukokini ka adupakini ikes nabo.

Yer. 31:40

Akadipaalat daadaŋ ŋina enukio ŋikatwak ka neni etukonokinio ekuron, ŋimanikorin daadaŋ todol tari nayonae Kidiron kiropo lokoona a epuke a ŋaŋolei ŋolo eyai Kide, eruwor nen daadaŋ akibois ŋina italeoritae aŋuna a Ekapolon. Nyemunaaryo nabo etaun, kori nyikamaryo.”

Yer. 36:2

“Tolemu ekitaabo kigir ŋakiro daadaŋ ŋuna akalimok ayoŋ iyoŋ aremokino ŋituŋa a Isirael ka ŋituŋa a Yudaya ta ŋituŋa a ŋakwapin a daadaŋ, kigir ŋakiro ameun anakoloŋit a ŋina erworor ayoŋ neni kon ka ŋuna alorwa a ŋulu a Yosia tari nakoloŋit na.

Yer. 44:27

Alosi ayoŋ akitere iyes aŋuna ka awania, meere aŋuna ka ajokis, ŋituŋa daadaŋ ŋulu a Yudaya ŋulu eyakasi Ijipit earyo a ekileŋ ka eron tari ŋina emamukaunor tari ipei daŋ ŋini idoŋi.

Yer. 45:4

Aŋun tolimok iŋes atemar, Alimu Ekapolon ebe, “Alosi ayoŋ aritakin kwap ibore daadaŋ ŋini abu odukok, orutono ibore ŋini abu odupak, nakwap daadaŋ.

Esek. 21:19

“Lokoku a ituŋanan, kigir ŋirotin ŋiarei ŋulu epedorya erwosit a Babilon abunore eyakar ekileŋ keŋ. Emaikina ŋirotin ŋul kisyakis anakwap a apei. Kiwuak neni iitorya erot epei lotaun akitoodikinet ŋina itoodiunit etaun.

Esek. 23:36

Abu Ekapolon kirwor neni kaŋ tema, “Lokoku a ituŋanan, idau tokona iyoŋ akiten aŋuna ka atubokin Oola ka Ooliba a? Kisitak nai ikes aŋuna ka asiilyo a ŋina adaut ikes akitiya,

Esek. 32:18

“Lokoku a ituŋanan, kiololo aŋuna a ŋajoresyo a Ijipit, kipotok ikes locan ŋulu akibois a ŋikatwak, kipotok ikes akwap a Ijipit kaapei ka ŋituŋa a ŋakwapin a ŋuna agogoŋok, kipotok ikes kaapei ŋulu enukio napanya.

Esek. 36:36

Eyenunete nai ŋituŋa a ŋakwapin a daadaŋ a ŋuna idunyatar iyoŋ a ŋuna idoŋito atemar ayoŋ Ekapolon adukok nabo ŋakiboisyo ŋuna aponi tomunaarae ka adupak nabo ŋikinyom neni aponi kitisiilunoe. Ayoŋ Ekapolon alimu ŋun ka etiyakini ayoŋ ŋun.

Esek. 43:3

Akitoodikinet ŋina abu ayoŋ eŋolik ŋin, ekwaan ka ŋina sek abu ayoŋ eŋolik apaki ŋina abunio Akuj amunaar etaun ka ekwaan ka ŋina eŋolikinit sek ayoŋ alodiyete aŋolol Kebar; abu ayoŋ oramakin kwap obuburiyar.

Osea 6:5

Aŋun, abu ayoŋ ekeyakik iyes ŋikadwarak kaŋ alimokin iyes ŋakiro kaŋ ŋuna ka atubokino ka akinyasuno, aar ayoŋ ikes a ŋakiro a ŋuna adau ayoŋ alimun, ileere atubokino ŋina ayauni ayoŋ neni kus, ikwaan ka akica,

Amos 3:7

“Kire, nyitiyakini Ekapolon Akuj ŋadikiro nyisileerekino neni a ŋiketiyak keŋ a ŋikadwarak ŋuna imunono ŋuna eyeunit iŋes akitiya.

Amos 9:11

Tema Amos, “Ebala Ekapolon, ‘Ebunit akoloŋit ŋina enyakakinia ayoŋ apukan neni a ŋiletok a Daudi, apukan ŋina abu tomunaar ikwa akai ŋina eritakin kwap. Etowoi ayoŋ nabo ŋarwatatain keŋ, adukokini ayoŋ akai ŋin nabo kikwaanikin ka ŋina koloŋ ayai alorwa a ŋulu a koloŋ,

Sakar 1:6

Ani bo ŋakiro kaŋ ka ŋikisila kaŋ, ŋulu abu ayoŋ olimok ŋikadwarak kaŋ, ŋulu arae ŋiketiyak kaŋ, pa mono apotu ŋun kiduposi atapapaa kus toryamut ŋican aŋun a? Aŋun, apotu ikes tokiwa temasi, ‘Adau Ekapolon ŋolo Etiron akitiya neni yok ŋuna emaikina iwon oryamutu aŋuna ka aronis yok ka aŋuna a ŋiticisyo yok a ŋulu aronok. Etiya iŋes ŋun lopite ŋolo sek ayeunitor akitiyakin.’ ”