Yak. 5:9 - Ebaibul

⁹ Ŋikaitotoi, tojoŋoto akiŋuruŋura make, ikotere nyikitubok Akuj. Kiirasi! Aapuu Ekatubon, eapi atakanun keŋ.

Yak. 5:9 Iomraidhean Croise

Akisy. 4:7

Ani mono kitiya iyoŋ ejok, nyikicamunio mono iyoŋ a? Nai ani pa kitiya iyoŋ ejok, erubakini asecit ikidapit iyoŋ a lopuke, ikiitanit iyoŋ; nai itemokino iyoŋ kilou asecit.”

Ŋikiru. 59:15

Irimito ikes iwarito akimuj, ido iŋuruŋurasi erae pa kimwokito.

Esek. 7:12

Adolu esaa, aapuu akoloŋit; nyemaikina ŋini egyeli ibore tolelyan, kori ŋini egyelanari ibore kiitono ibore ŋin; anerae ebunit anyunyura kaŋ neni a ŋinituŋanan.

Ŋilep. 19:18

Nyiwara akinyaŋ ŋakiro, kori akimanit ŋituŋa kus, nai tomina ikonikidunyet ikwa ŋina iminar iyoŋ akonikuwan. Arae ayoŋ Ekapolon.

Mat. 24:33

Ikwaŋinapei, iyes daŋ ŋina iŋolikiniata ŋakiro ŋun daadaŋ etakanunete, toyenutu atemar aapuu Lokoku a Ituŋanan, adolu lokekia kus.

Mar. 13:29

Ikwaŋinapei, iyes daŋ ŋina iŋolikiniata ŋakiro ŋun etakanunete, toyenutu atemar aapuu Lokoku a Ituŋanan, adolu lokekia kus.

Mar. 6:19

Aŋun, abu Erodiya toŋoik ka kiman Yoana, kiwar akiar iŋes, nai abu nyepedo.

1 Ŋikor. 10:11

Apotu ŋakiro ŋun daadaŋ kitiyakinos neni kec, erae akitaanyikinet aneni a ŋuluce ka aponi kigirae erae akiciket neni yok a ŋulu ikiboi anapakio a ŋuna eapiya Akoloŋit ŋina esidyon.

1 Ŋikor. 4:5

Aŋun, nyitubokis idiotuŋanan eriŋa nyedoluno apaki ŋina itemokino, ŋina eboŋunio Ekapolon. Inwakuni Ekapolon ibore daadaŋ ŋini iwuaitae anakiryonut, itatakanuni ŋakiro ŋuna iwuaitae ŋuna a ŋitai a ŋituŋa. Eryamuni nai ŋinituŋanan akipuro ŋina ejoikinit toryamu aneni ka Akuj.

2 Ŋikor. 9:7

Itemokino nai ŋinituŋanan inak ikwapei etubunitor iŋes elope, meere ka alejeo kori ka akitiŋakinit, anerae emina Akuj ŋini einanakini ka alakara.

Ŋigal. 5:14

Anerae eyakasi Ŋikisila daadaŋ tooma akiciket ŋina ebala, “Tomina ekonikidunyet ikwaŋina iminar iyoŋ akonikuwan”.

Ŋigal. 5:26

Nyitemokino eturokinos kori obenyununos make kori erakanaros make aŋuna a ŋuluce.

Yak. 4:11

Ŋikaitotoi kaŋ! Nyirworotor ŋuluce aŋuna aronok. Ŋini irworo ŋuna aronok kori etubonokini lokaato keŋ, irworo iŋes ŋuna aronok itoroniyarit Ŋikisila ka etubonokini Ŋikisila. Ani kitubonok iyoŋ Ŋikisila, iŋes atemar nyeriŋa iyoŋ iwuapit Ŋikisila; nai iruwor iyoŋ ekatubonokinan.

Yak. 4:12

Akuj bon iŋes erae ekainanakinan ŋolo a Ŋikisila ka ekatubon. Iŋes bon epedori aiun ka akinyasun. Nai ŋae iyoŋ itubonokini ekidunyet kon?

Yak. 5:10

Ŋikaitotoi, totamutu ŋikadwarak ŋulu erworosi alokiro a ŋolo ke Ekapolon; toanyutu atemar erae ikes akitaanyikinet ŋina ka atitinyikinit alotooma ŋican.

Yak. 5:7

Ŋikaitotoi, totitinyikisi akitodol ŋina ebunio Ekapolon. Kiŋolikisi epite ŋolo etitinyikinitor eketan idarit emanikor keŋ tora ejok. Idarit iŋes akiru ŋina ka akicereet ka ŋina ka akiporo anatitinyikinit.

1 Pet. 4:5

Nai isisaunete ikes ŋakiro kec alokiŋaren Akuj ŋina etenit atubokin ŋulu eyarete ka ŋulu atwaka.

1 Pet. 4:9

Kijaununos alorerya kus make emam eŋuriŋur.

Akis. 3:20

Kiira! Awuoi ayoŋ alokek, ekoŋikoŋi. Ani kiira ituŋanan etoil kaŋ, ido toŋaa ekek, alomuni ayoŋ neni keŋ, emuja ka iŋes ka ikimuji iŋes ka ayoŋ.