Yak. 5:5 - Ebaibul

⁵ Iboiyoto iyes anakwap alotooma ajakao ka alakara; ituma iyes, esibit itemonokinosi aŋuna ka akoloŋit a ŋina ikiŋolere.

Yak. 5:5 Iomraidhean Croise

Ŋikiru. 17:14

Okoe Ekapolon, toiunae ayoŋ a akan kon alotuŋa a ŋulu ikote lu; alotuŋa a ŋulu ka akwap a na a ŋulu erae eropit kec ibore ŋini eryamunete ikes anakiyar a na. Kisican ikes a ŋican a ŋulu itemokinit iyoŋ aŋuna kec, elipi toryamut ŋidwe kec ŋican ŋulu alalak nooi, ŋulu eryamunete tari ŋipapae kec.

Ŋikiru. 73:7

Ebukunun aronis alotai kec, eyeete ikes a ŋinapaki akitiya ŋuna aronok.

Ŋakit. 17:1

Ejok akibaŋ akimuj toyakar ca iyoŋ akinapakina anatameta kon, akilo iyoŋ akinumunum ŋasuban toyakar egurigur lokal kon.

Ŋakit. 7:14

“Ikiyakar ayoŋ kai kaŋ amuronot ŋina a ekisil, esiyookini ayoŋ nakoloŋit na ŋuna adau akikoŋ.

Ekal. 11:9

Emaikina iyes ŋisorok tolelyana eriŋa irae ŋisorok. Kitiyata daadaŋ ŋuna icamito iyes akitiya ka kiwuapa ŋuna ecamito ŋitai kus. Nai totamunito atemar ikitubokini iyes Akuj anakiro a daadaŋ a ŋuna itiyaete iyes.

Isa. 22:13

nai akilo iyes ayakau nakiro ŋun, ipotu iyes toyakaunotor alelyanu ka akinumunum ŋasuban, ipotu iyes toara ŋimoŋin ka toŋola ŋamesekin ka ipotu tonyama akiriŋ ka tomata epiini. Ipotu iyes temasi, “Emuja ka omata, anerae ikitwaki moi taparacu.”

Isa. 3:16

Ebala Ekapolon, “Aŋuna iturotor ŋaberu a Sion, tolosete itenarito ŋimosiriŋin, eŋoleŋoleete ka ikinikinasi, ituruyete ŋitworoi ŋulu cicik ŋulu enapito ikes anakejen,

Isa. 47:8

“Aŋun tokona kiirasi ŋakiro nu, iyes ŋulu iminasi ŋakiro ŋuna ikitalakarito iyes ŋikulepek, iyes ŋulu iboiyete emam ŋace, iyes ŋulu itamete make alotai kus ebe, ‘Ayai ayoŋ ikikwaan ka Akuj, emam ice mati ayoŋ bon; nyeboikin ayoŋ esibit arae apuserut, kori nyetwakete ŋidwe kaŋ.’

Isa. 56:12

Ebasi ikes, ‘Potu, potu olemutu epiini, omata ŋagwe ŋuna adwarak emwoko; ejokyar akwap moi taparacu daŋ ikwanapei ikona, ejokyar nabo akilo.’ ”

Yer. 12:3

Nai Okoe Ekapolon, ikiyeni iyoŋ ayoŋ. Ikite iyoŋ ayoŋ ka ikikatanakini, iyeni iyoŋ atemar akamina ayoŋ iyoŋ. Toriko ikes kiŋa lopite ŋolo erikorere ŋamesekin neni eŋolere, totyaka ikes aŋuna ka akoloŋit a ŋina earere ikes.

Yer. 25:34

Iyes ŋikepukak, kiwololoto ka tocelutu igworosi, kibelibelokinos lokuron, iyes ŋikepukak a ŋituŋa, anerae adolut ŋirwa ŋulu ikiarere iyes ka ŋirwa ŋulu ikielarere iyes, ido ikielar lopite ŋolo ielaror amot ŋina ajokan.

Esek. 16:49

Asecit anakaato kon Sodoma iŋes na, abu iŋes ka ŋirerya keŋ kiturokinos, todakakiata nooi ka kiboiyoto anakinapakina, nai pa apotu ikes kiŋarakis ŋikulyak ka ŋulu ayakatar akiitanit.

Esek. 39:17

“Lokoku a ituŋanan, alimu Ekapolon Akuj ŋakiro nu atemar tonyarau ŋikabilae a ŋikeny daadaŋ ka ŋityaŋ ŋulu ka ariet daadaŋ, tolimok ikes ebe, ‘Tocunakinos, ido potu kaapei anakiboisyo a daadaŋ akinyam ŋituŋa ŋulu aarit ayoŋ aŋuna kus, aarit ayoŋ ŋituŋa ŋulu alalak nooi alokamukumukui a ŋulu a Isirael, inyamete iyes akiriŋ kec ka imasete ŋaokot kec.

Amos 6:1

“Ekaŋ iyes ŋulu iboiyete emam ŋace alo Sion ka iyes ŋulu iboiyete isilito ŋitai alomoru Samaria, iyes ŋarwonita ka akwap, iyes ŋulu eloseneneete Ŋisirael aryamun akiŋarakino!

Luk. 16:19

“Ayai ekile ŋolo abarit, tonapite ŋilowi ŋulu apol egyelit nooi, kiramirami akimuj ŋisaae daadaŋ.

Luk. 16:25

“Nai abu Aburaam tolimok iŋes tema, ‘Lokoku, toyeni atemar anakiyar kon, iboi iyoŋ neni ajokan, kiboiye Lasaro neni aronon; nai tokona eyai iŋes nege nalakara ka iyai iyoŋ napipilu.

Ŋirom. 13:13

Eboiyoto ejok ikwa ŋituŋa ŋulu eya nakica ŋina ka apaaran; olemasi adakanu kori emeret, olemasi amalao kori akiŋobel, olemasi ejiye kori arakao.

1 Tim. 5:6

Nai apuserut ŋina aruwor akewariton ŋuna italakarito akuwan keŋ, adau atwanare, tari keriŋa eyari.

2 Tim. 3:4

eruworosi ŋikalukinok, ŋulu enyamete ŋakiro emwaka, ŋulu ileleba akituro, ŋulu eminasi ekibure ŋolo ka akuwan bon, akilo amina Akuj;

2 Pet. 2:13

Etacakinio ikes aronis aŋuna ka aronis a ŋina etiyata ikes. Alakara aneni kec iŋes akitiya ŋinibore daadaŋ naparan ŋini isimwoni ekibure a ŋawat kec. Ikote ikes aŋoryomom ka aaŋoryanut, anerae ejoikinit ikes jik akirworo alyokonu apaki ŋina imujata iyes ka ikes.

Yud. 1:12

Anasuban kus a ŋuna ka aminanar, ikote ikes aŋoryanut, anerae elaerikinito amata nooi kaapei ka iricakinito ŋawat kec make anakimuj. Ikote ikes ŋidouwon ŋulu nyilimete, ŋulu ekutanari ekuwuam, ŋikito ŋulu emam ŋaraito nakamu, ŋulu etwakito kire torutunoe.

Akis. 18:7

Inakisi iŋes ŋican ka akiyaloloŋ iriyan ka akituro ta eleilei ŋolo ayakar iŋes. Anerae erubakinit iŋes ebala, ‘Eboi ayoŋ a ne, arae arwosit! Meere ayoŋ apuserut, nyikiryamakin jik ayoŋ ka akiyaloloŋ!’

1 Sam. 25:36

Ani ebuni Abigail neni a Nabal, toryamu iŋes eyai kai eyakar ŋasuban ŋuna ekwaan ka ŋuna itemonokini erwosit. Alakara Nabal apaki ŋin, anerae amera iŋes nooi; aŋun, abu Abigail nyelimok iŋes ŋakiro ŋadi daŋ, akitodol taparacu iwalari.

1 Sam. 25:6

Tolimokisi iŋes ebe, ‘Kiboi tomojoŋ, kiryama ka ŋuna ajokak ka ibore kon daadaŋ kiryama ka ŋuna ajokak.