Yak. 5:4 - Ebaibul

⁴ Emam nyetaca iyes eropit ŋolo a ŋiketiyak lomanikorin kus. Topupokisi ŋakiro ŋuna iburaata ikes! Adol akigworo a ŋulu elemete ŋimanikorin kus neni ka Akuj, Ekapolon ŋolo etiron.

Yak. 5:4 Iomraidhean Croise

Akisy. 4:10

Kiŋit Akuj iŋes tema, “Nyo itiya iyoŋ? Igworosi neni kaŋ ŋaokot alokaato kon analup.

Yob 34:28

Apotu ikes kisigworo ŋikulyak todol akigworo kec neni ka Akuj, ido abu Akuj kiira akigworo a ŋituŋa a ŋulu esicanitae.

Yob 7:2

Nyikwaan mono ikes ka epito ŋolo iitanit akieŋun alotolim a? Nyikwaan mono ikes ka eketiyan ŋolo iitanit eropit keŋ ŋolo adaunia iŋes akitiyaa akoloŋit ŋin a?

Ŋikiru. 9:12

anerae isicani Akuj ŋinituŋanan ŋini isicani ŋituŋa keŋ; nyimuryakini iŋes akigworo kec.

Awos. 22:27

anerae acepaki elou ŋol bon eyakar ekidunyet keŋ akimukor; ai nai elemunia ekidunyet keŋ ŋol ibore ice ŋini imukoror? Ani kikalou ekidunyet keŋ ŋol neni kaŋ, eirari ayoŋ akigworo keŋ, anerae esyoniono ayoŋ.

Awos. 3:9

Adolu tokona akigworo a Ŋisirael neni kaŋ; adau daŋ ayoŋ akiŋolikin epite ŋolo isicanitotor Ŋijipitian ikes.

Isa. 1:9

Ani kerae nyikiesikinitor iwon Ekapolon ŋolo a ŋajoresyo ŋipiya yok ŋidi, kikikokinit iwon Sodoma ka kikikwaanikina ka Gomora.

Isa. 5:7

Erae Isirael emanikor ŋolo a epiini ŋolo a Ekapolon a ŋolo a ŋajoresyo, ido erae ŋituŋa a Yudaya ŋikito a epiini ŋulu ajokak ŋulu edupakinit Ekapolon. Eitanit Ekapolon atemar kitiyata ŋituŋa a Yudaya ŋuna iyookino, nai abu kiŋolik aara. Eitanit iŋes atemar toruwor ikes ŋulu iyookino, nai abu kiira akigworo bon!

Isa. 5:9

Eira ayoŋ Ekapolon ŋolo a ŋajoresyo ikoŋi ebala, “Kire jik, imyekinio ŋakais ŋuna alalak toruworos ŋireŋoroto, emamukaun ŋituŋa anakais a ŋun a ŋuna alolomak ka kibusak.

Yer. 22:13

“Ekaŋ iyoŋ ituŋanan ŋini iduki akai keŋ anamamukau akiyookino ka kiyat ŋagulei keŋ ŋuna alokidiama anamamukau akiyookino. Ekaŋ iyoŋ ituŋanan ŋini isitiyae ŋikidunyet kon pa itaci, pa inanakini ikes etacit kec.

Ŋilep. 19:13

“‘Nyitunae ŋikidunyetkon, kori nyikoko. Nyidid akitac ŋikelejilejak kiwala akwap nyetaca.

Abak. 2:11

Ikamarete ŋamoru ka ŋakito ŋuna edukitere ŋakais kus ekigwore kus, isuudato aronis ŋina itiyaete iyes.

Mal. 3:5

Ebala Ekapolon ŋolo Etiron, “Abuni ayoŋ neni kus atubokin iyes, ido alimuni ayoŋ atipei ŋakiro ŋuna etoroniyaritor ŋikekukujak, ŋikalomak, ŋikalyokonok, ŋiketunak ŋulu itunaete ŋiropito a ŋiketiyak kec, ŋikamodyanakinak ŋulu emodiyanarete ŋiboro anapuseru, alokokyok ka alotuŋa a ŋulugelae. Alimuni ayoŋ atipei ŋakiro ŋuna etoroniyaritor daadaŋ ŋulu nyakakerito ayoŋ.

Mat. 9:37

Tolimok nai iŋes ŋikasyomak keŋ tema, “Elal akilem, nai ekudyoko ŋikalemak.

Luk. 18:7

Ani bo Akuj, nyepedori mono iŋes akitiya neni ajokan loseuna keŋ ŋulu igworonokinete iŋes apaaran jwii ka akuwar kya ecamito akiŋarakino a? Edidi iŋes akiŋarakin ikes a?

Ŋirom. 9:29

Ikwaan ŋakiro ŋun ka ŋuna aris Isaya kedwar ebala, “Ani kerae nyikiesikinitor Ekapolon ŋolo etiron iwon ŋiletok ŋice, ketinen iwon kikikok Sodoma ka Gomora, ŋulu aponi kinyasunae.”

Ŋikis. 15:9

Tocoito, nyiyakatar atametait ŋina ka aminiu, ido itamete ebe, “Aapuu tokona ekaru ŋolo a ŋikanikaarei ŋolo eesyanakinere ŋamicae,” ido iteete iryenyaaka ikidunyet kus ŋini icana nyiinakis iŋes ibore ŋini icana. Acepaki igworokini ikidunyet kus ŋin Ekapolon ikitoroniyarit iyoŋ, ido iyakaunor iyoŋ ekaile ŋolo ka asecit.

Ŋikol. 4:1

Ŋikapolok, totiŋito ŋipi kus alopite a ŋolo ajokan; toyenete atemar eyai iyes daŋ Ekapolon nakuj.